ខេត្តបន្ទាយមានជ័យ ៖ ជនសង្ស័យម្នាក់ត្រូវបានកម្លាំងនគរបាលស្រុកមង្គលបូរី ចាប់ឃាត់ខ្លួនតាមដីកាតុលាការ ។ ជនសង្ស័យម្នាក់ត្រូវបានកម្លាំងនគរបាលស្រុកមង្គលបូរី ចាប់ឃាត់ខ្លួននៅថ្ងៃទី០២ ខែមីនា ឆ្នាំ២០១៨ ពីបទជួញដូរនូវសារធាតុញៀនខុសច្បាប់…
ខេត្តបន្ទាយមានជ័យ ៖ ជនសង្ស័យម្នាក់ត្រូវបានកម្លាំងនគរបាលស្រុកមង្គលបូរី ចាប់ឃាត់ខ្លួនតាមដីកាតុលាការ ។ ជនសង្ស័យម្នាក់ត្រូវបានកម្លាំងនគរបាលស្រុកមង្គលបូរី ចាប់ឃាត់ខ្លួននៅថ្ងៃទី០២ ខែមីនា ឆ្នាំ២០១៨ ពីបទជួញដូរនូវសារធាតុញៀនខុសច្បាប់ រួចបញ្ជូនមកស្នងការដ្ឋាននគរបាលខេត្តបន្ទាយមានជ័យ នៅថ្ងៃទី០៣ ខែមីនា ឆ្នាំ២០១៨ ដើម្បីចាត់ការបន្តតាមនីតិវិធីច្បាប់ ។
លោកវរសេនីយ៍ឯក ស៊ិន ណារ៉ាក អធិការនគរបាលស្រុកមង្គលបូរី បានឲ្យដឹងថា ៖ ការចាប់ឃាត់ខ្លួនជាប់ចោទឈ្មោះ បាន ចិន្តា ហៅតាប់ ភេទប្រុស អាយុ២៤ឆ្នាំ ក្នុងខណៈជនសង្ស័យកំពុងមានវត្ថតាមនៅនឹងផ្ទះរបស់ខ្លួន នៅភូមិប្រឡាយហ្លួង ឃុំប្ញស្សីក្រោក ស្រុកមង្គលបូរី ដោយអនុវត្តតាមអំណាយដីកាបង្គាប់ឲ្យចាប់ខ្លួនលេខ០៤ ពស.ព្រទ ចុះថ្ងៃទី២៧ខែធ្នូ ឆ្នាំ២១០៧ របស់លោក ហុក ពៅ ចៅក្រមស៊ើបសួរសាលាដំបូងខេត្តបន្ទាយមានជ័យ ដោយចោទប្រកាន់ពីបទជួញដូរនូវសារធាតុញៀនខុសច្បាប់ បានប្រព្រឹត្តិនៅផ្លូវចូលវត្តភូមិអូរប្រាសាទ ភូមិអូរប្រាសាទ ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ កាលពីថ្ងៃទី០៩,១០,១១ ខែកញ្ញា ឆ្នាំ២០១៧ ។ និងអនុវត្តតាមអំណាចដីកាបង្គាប់ឲ្យចាប់ខ្លួនរបស់ លោក ញឹម ពិសាល ចៅក្រមស៊ើបសួរសាលាដំបូងខេត្តបន្ទាយមានជ័យ ពីបទជួញដូរនូវសារធាតុញៀនខុសច្បាប់ ប្រព្រឹត្តិនៅភូមិអូរប្រាសាទ ឃុំអូរប្រាសាទ ស្រុកមង្គលបូរី ខេត្តបន្ទាយមានជ័យ កាលពីថ្ងៃទី០៨ ខែតុលា ឆ្នាំ២០១៧ ។
លោកអធិការបានបញ្ជាក់ថា ៖ ក្រោយពីធ្វើការចាប់ឃាត់ខ្លួន ជនសង្ស័យត្រូវបានបញ្ជូនទៅស្នងការដ្ឋាននគរបាលខេត្ត ដើម្បីការបន្តតាមនិតិវិធីច្បាប់ ។ លោកវរសេនីយ៍ទោ ភឿង ម៉ាន់សឹង្ហ នាយការិយាល័យនគរបាលព្រហ្មទណ្ឌកំរិតធ្ងន់បានបញ្ជាក់ថា ជនសង្ស័យឈ្មោះ បាន ចិន្តា ហៅ តាប់ កម្លាំងនគរបាលជំនាញបានកសាងសំណុំរឿងបញ្ជូនខ្លួនទៅសាលាដំបូងខេត្តបន្ទាយមានជ័យ ដើម្បីចាត់ការតាមនីតិវិធីច្បាប់ នាថ្ងៃទី០៣ ខែមីនា ឆ្នាំ២០១៨ នេះផងដែរ ៕
ចែករំលែកព័តមាននេះ