ចាប់សត្វចម្លែកបាន៤៣ កាត់កន្ទុយវែងចោល(មានវីដេអូ)
- ព្រៃវែង
ខេត្តព្រៃវែង ៖ លោក អ៊ុន សុធា ប្រធានមន្ទីរសាធារណការ និងដឹកជញ្ជូនខេត្តព្រៃវែងបានឲ្យកោះសន្តិភាពដឹងថា បន្ទាប់ពីសម្តេចអគ្គមហាសេនាបតីតេជោ ហ៊ុន សែន…
ខេត្តព្រៃវែង ៖ លោក អ៊ុន សុធា ប្រធានមន្ទីរសាធារណការ និងដឹកជញ្ជូនខេត្តព្រៃវែងបានឲ្យកោះសន្តិភាពដឹងថា បន្ទាប់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីបានចេញបទបញ្ជាឲ្យចាប់ក្រុមរថយន្តដឹកលើសទម្ងន់ និងរថយន្តកែឆ្នៃខុសបច្ចេកទេសកាលពីយប់ ថ្ងៃទី៩ ខែកុម្ភៈអាជ្ញាធរខេត្តព្រៃវែងបានបង្កើតគណៈកម្មការចម្រុះមួយ ដែលមានសមាសភាពចូលរួមពីគ្រន់ស្ថាប័ន និងបានចេញធ្វើសកម្មភាពត្រួតពិនិត្យយានយន្ត ដឹកទំនិញគ្រប់ប្រភេទនៅលើដងផ្លូវសំខាន់ៗទូទាំងខេត្ត ។
លោកប្រធានមន្ទីរបានបន្តថា សកម្មភាពត្រួតពិនិត្យយានយន្តនេះបានធ្វើឡើងទាំងថ្ងៃទាំងយប់ និងជារៀងរាល់ថ្ងៃដែលគិតមកដល់ត្រឹមថ្ងៃទី២៨ ចុងខែកុម្ភៈ មានរយៈពេល១៨ថ្ងៃ ហើយបានឃាត់ត្រួតពិនិត្យរថយន្តធំៗ ដែលធ្វើចរាចរណ៍នៅលើដងផ្លូវបានចំនួន៣១៦៦ គ្រឿង ក្នុងនោះរកឃើញរថយន្តតទ្រុងខុសលក្ខណៈបច្ចេកទេសចំនួន៤៣គ្រឿង និងបានកាត់ទ្រុង ចេញទាំង៤៣គ្រឿង រថយន្តដឹកលើសទម្ងន់ចំនួន១៣គ្រឿង ក្នុងនោះរថយន្តដឹកខ្សាច់ចំនួន៩គ្រឿង រថយន្តដឹកថ្មចំនួន៣គ្រឿង និងរថយន្តដឹកស្រូវចំនួន១គ្រឿង ហើយរថយន្តដឹកលើសទម្ងន់ទាំងអស់នោះ ត្រូវបានបញ្ជាឲ្យកាយទម្លាក់ចំនួនដែលលើសទាំងអស់ ។
គួរបញ្ជាក់ផងដែរថា សកម្មភាពត្រួតពិនិត្យយានយន្តរបស់គណៈកម្មការចម្រុះខេត្តព្រៃវែង នៅតែបន្តធ្វើជារៀងរាល់ថ្ងៃ និងនៅគ្រប់ស្រុកទាំងអស់ទូទាំងខេត្ត គឺមិនទាន់បញ្ឈប់នៅឡើយទេ ប៉ុន្តែនៅក្នុងនោះគេសង្កេតឃើញថា គណៈកម្មការនេះបានត្រួតពិនិត្យតែលើទ្រុងរថយន្តប៉ុណ្ណោះ ចំពោះទម្ងន់ដែលផ្ទុកលើរថយន្ត គឺមិនបានត្រួតពិនិត្យនោះទេ ដោយមន្ត្រីទាំងនោះអះអាងថា មិនមានជញ្ជីងសម្រាប់ថ្លឹងទម្ងន់ ចំពោះករណីនេះប្រជាពលរដ្ឋស្នើសុំឲ្យលោកប្រធានមន្ទីរសាធារណការ និងឯកឩត្តមអភិបាលខេត្ត ជួយពិនិត្យ និងដោះស្រាយផង ៕
ចែករំលែកព័តមាននេះ