អាន់ឆ័រ ប្រកាសបើកកម្មវិធីប្រកួតបាល់ទះ លើឆ្នេរខ្សាច់២០១៨ ជាផ្លូវការ
- ភ្នំពេញ
រាជធានីភ្នំពេញ ៖ កម្មវិធី Anchor International Beach Volleyball Carnival 2018 របស់ស្រាបៀរអាន់ឆ័រ…
រាជធានីភ្នំពេញ ៖ កម្មវិធី Anchor International Beach Volleyball Carnival 2018 របស់ស្រាបៀរអាន់ឆ័រ…
រាជធានីភ្នំពេញ ៖ កម្មវិធី Anchor International Beach Volleyball Carnival 2018 របស់ស្រាបៀរអាន់ឆ័រ បានផ្ដើមជាផ្លូវការហើយ ដែលកម្មវិធីចាប់ផ្ដើមដំបូងនៅខេត្តកំពង់ស្ពឺ ចាប់ពីថ្ងៃទី២៤ ដល់ថ្ងៃទី២៥ ខែមីនា ឆ្នាំ ២០១៨ខាងមុខនេះ រួចហើយនឹងបន្តទៅកាន់បណ្ដាខេត្តក្រុងធំៗចំនួន ៦ ផ្សេងទៀត ។
លោក Roland Bala នាយកគ្រប់គ្រងទូទៅនៃក្រុមហ៊ុនផលិតស្រាបៀរកម្ពុជា ( CBL ) ថ្លែងនៅសន្និសីទសារព័ត៌មានប្រកាសចាប់ផ្ដើមក្នុងកម្មវិធីប្រកួតបាល់ទះលើឆ្នេរខ្សាច់ កាលពីរសៀលថ្ងៃទី២៧ កុម្ភៈ ២០១៨ នៅសណ្ឋាគារ កាំបូឌីយ៉ាណា បានឱ្យដឹងថា ស្រាបៀរអាន់ឆ័រ នឹងរៀបចំព្រឹត្តិការណ៍កីឡាបាល់ទះលើឆ្នេរខ្សាច់អន្តរជាតិដំបូងបង្អស់ គឺ FIVB World Tour 2 Star ដោយសហការជាមួយនឹងស្ថាប័នល្បីល្បាញពីរ គឺសហព័ន្ធកីឡាបាល់ទះអន្តរជាតិ និងសហព័ន្ធកីឡាបាល់ទះកម្ពុជា នៃក្រសួងអប់រំ យុវជន និងកីឡា ។ កីឡាបាល់ទះលើឆ្នេរខ្សាច់បានចូលទៅក្នុងកីឡាអូឡាំពិក នៅឆ្នាំ១៩៩៦ ស្របពេលដែលស្រាបៀរអាន់ឆ័រ បានចូលក្នុងទីផ្សារប្រទេសកម្ពុជាផងដែរ ។
លោកបន្តថា នៅក្នុងប្រទេសកម្ពុជា បាល់ទះលើឆ្នេរខ្សាច់នៅតែជាកីឡាថ្មីមួយ ប៉ុន្តែវាកំពុងទទួលបានការពេញនិយមនៅក្នុងបណ្ដាប្រទេសជាច្រើន ។ កីឡាករដែលនឹងអាចលេងសម្រាប់វគ្គផ្ដាច់ព្រ័ត្រក្នុងក្របខ័ណ្ឌ FIVB World Tour ត្រូវសន្សំពិន្ទុ ដើម្បីឈានទៅប្រកួតយកជើងឯកពិភពលោក ។
លោក Roland Bala បញ្ជាក់ថា កម្មវិធី Anchor International Beach Volleyball Carnival 2018 របស់ស្រាបៀរអាន់ឆ័រ ត្រូវបានរៀបំឡើងក្នុងគោលបំណងអភិវឌ្ឍន៍វិស័យបាល់ទះនៅកម្ពុជា និងជាវេទិកាមួយសម្រាប់យុវវ័យដែលស្រលាញ់កីឡាបាល់ទះបញ្ចេញសមត្ថភាពរបស់ខ្លួន ព្រមទាំងពង្រឹងបច្ចេកទេស និងបទពិសោធន៍ក្នុងការលេងបាល់ទះ ។ លើសពីនេះទៅទៀត កម្មវិធីពិសេសក៏មានគោលបំណងធ្វើឱ្យអ្នកគាំទ្រស្រាបៀរអាន់ឆ័រ មានអារម្មណ៍ស្រស់ថ្លា ជាមួយតន្ត្រីកន្ត្រាក់អារម្មណ៍ ជាពិសេស យុវវ័យសម័យថ្មី ទទួលបាននូវបទពិសោធន៍ក្នុងការស្ដាប់តន្ត្រីពិរោះអស្ចារ្យ ។
គួរបញ្ជាក់ថា កម្មវិធី Anchor International Beach Volleyball Carnival 2018 របស់ស្រាបៀរអាន់ឆ័រ បានពង្រីកទៅកាន់ខេត្តក្រុងធំចំនួន៦ រួមមានខេត្តកំពង់ស្ពឺ ខេត្តព្រះសីហនុ បន្ទាយមានជ័យ សៀមរាប បាត់ដំបង កំពង់ចាម និងរាជធានីភ្នំពេញ ។ ប៉ុន្តែការប្រកួតកីឡាបាល់ទះលើឆ្នេរខ្សាច់នឹងប្រព្រឹត្តិទៅនៅខេត្តក្រុងចំនួនតែ៤ប៉ុណ្ណោះ គឺខេត្តព្រះសីហនុ ខេត្តសៀមរាប ខេត្តបាត់ដំបង និងរាជធានីភ្នំពេញ ៕
ចែករំលែកព័តមាននេះ