រាជធានីភ្នំពេញ ៖ ដើម្បីចូលរួមអបអរបុណ្យនៃក្តីស្រលាញ់ ឬហៅថា Valentines’ Day ថ្ងៃទី ១៤ កុម្ភះនេះ ភូមិមូលកុងទីន័រ បានរៀបចំនូវកម្មវិធីសប្បុរសធម៌មួយចែករំលែកនូវក្តីស្រលាញ់ជាមួយកុមារកំព្រា កុមារគ-ថ្លង់ និងលោកគ្រូ-អ្នកគ្រូ មកពីអង្គការគ្រួសារថ្មីចំនួន ២៤៧ នាក់ តាមរយៈការផ្តល់នូវអំណោយជាសម្ភារៈ និងថវិកា ។
តាមប្រសាសន៍របស់អ្នករៀបចំកម្មវិធីរបស់ ភូមិមូល Restaurant & PUB បានឱ្យដឹងថាក្នុងគោលបំណ់ងចែករំលែកក្តីស្រឡាញ់ និងបង្ហាញទឹកចិត្តបន្តិចបន្តួចពី ភូមិមូល Restaurant & PUB ទៅដល់កុមារកំព្រា កុមារគ-ថ្លង់ មកពីអង្គការគ្រួសារថ្មីចំនួនសរុប ២០០នាក់ និងលោកគ្រូ-អ្នកគ្រូចំនួន ៤៧ នាក់ ក្នុងថ្ងៃនៃថ្ងៃបុណ្យ នៃក្តីស្រលាញ់នៅទីតាំង ភូមិមូល Restaurant & PUB ស្ថិតនៅបណ្តោយផ្លូវ ១៩៨៦ ជិតសាលាលឹមកុកវីង ក្នុងសង្កាត់ភ្នំពេញថ្មី ខណ្ឌសែនសុខ កាលពីរសៀលថ្ងៃទី ១៤ កុម្ភះ ឆ្នាំ ២០១៨ ។
អ្នករៀបចំកម្មវិធីរបស់ ភូមិមូល Restaurant & PUB មានប្រសាសន៍ថា៖ «យើងរៀបចំកម្មវិធីសប្បុរសធម៌ចែកអំណោយដល់ពួកគាត់ គឺដើម្បីបញ្ជាក់ថា នៅថ្ងៃបុណ្យនៃក្តីស្រលាញ់ មិនថា តែបងប្អូន ឪពុក-ម្តាយ បងប្អូននោះទេ គឺយើងចែករំលែកនូវក្តីស្រលាញ់ដល់ពួកគាត់ជាកុមារកំព្រារ កុមារពិការ គ-ថ្លង់ផងដែរ គឺចែករំលែកក្តីស្រលាញ់សម្រាប់ទាំងអស់គ្នា» ។
សម្រាប់កុមារម្នាក់ៗ គឺទទួលបានសម្ភារៈមួយកញ្ចប់ និងទឹកប្រាក់ចំនួន ៥ ពាន់រៀល ចំណែកលោកគ្រូ-អ្នកគ្រូពីអង្គការគ្រួសារថ្មីក៏ទទួលបានសម្ភារៈមួយកញ្ចប់ និងថវិកាចំនួន១ម៉ឺនរៀលក្នុងមួយនាក់ផងដែរ។ បន្ទាប់មកក៏មានការថតរូបរួមគ្នាដែលកុមារគ-ថ្លង់ ក៏ដូចជាលោកគ្រូ-អ្នកគ្រូបានពាក់អាវដែលចែកជូនក្នុងកញ្ចប់សម្ភារៈសម្រាប់ការថតរូបរួមគ្នាផងដែរ ។ ដើម្បីចូលរួមចំណែកដល់ដំណើរការរបស់អង្គការគ្រួសារថ្មី ភូមិមូលកុងទីន័រ ក៏បានផ្តល់ជាថវិកាចំនួនធំនិងអង្ករចំនួន ១០ប៉ាវដល់អង្គការគ្រួសារថ្មី ដើម្បីជួយដល់កុមារកំព្រារ កុមារពិការ និងកុមារគ-ថ្លង់ ថែមទៀត។
អ្វីដែលកាន់តែរំភើប និងរំជើបរំជួលនោះ ភូមិមូល Restaurant & PUB ក៏បានរៀបចំកម្មវិធីពេលរាត្រីបន្តទៀតក្រោមវត្តមានកំពូលតារាចម្រៀងលោក ហ្សូណូ ចម្រៀងកំដរបងប្អូនដែលបានអញ្ជើញទៅពិសារអាហារ និងទទួលទានភេសជ្ជៈ និងស្រាបៀរយ៉ាងសប្បាយរីករាយផងដែរ នាពេលរាត្រីនៃថ្ងៃបុណ្យនៃក្តីស្រលាញ់។
ជាពិសេស គឺតារាចម្រៀងរូបស្រស់សង្ហាលោក ហ្សូណូ បានចាប់ឆ្នោតផ្តល់ជារង្វាន់ជូនភ្ញៀវកិត្តិយសដែលបានមកកំសាន្តក្នុងកម្មវិធីដ៏អស្ចារ្យនៅ ភូមិមូល Restaurant & PUB ដើម្បីឈ្នះរង្វាន់ជាច្រើនសន្ធឹកសន្ធាប់ដូចជាទូរស័ព្ទដៃជាដើម ។ កម្មវិធីបង្ហាញក្តីស្រលាញ់ក្នុងថ្ងៃបុណ្យនៃក្តីស្រលាញ់រៀបចំឡើងដោយ ភូមិមូល Restaurant & PUB ក៏មានការផ្សាយបន្តផ្ទាល់ក្នុងហ្វេសប៊ុកភេករបស់ភូមិមូលកុងទីន័រ ។
សូមបញ្ជាក់ថា ភូមិមូលកុងទីន័រ មានអាហារឆ្ងាញ់ៗ ភេស្ជជៈ និងស្រាបៀរជាច្រើនប្រភេទជាមួយនឹងតម្លៃសមរម្យ ជាពិសេសគឺមាន Band ប្រគំតន្ត្រី និងមានតារាចម្រៀងស្រស់ស្អាត ស្រស់សង្ហារជាមួយទឹកដមអមសម្លេងយ៉ាងក្រអួនក្រអៅបំពេរអារម្មណ៍អតិថិជនដែលបានអញ្ជើញទៅកំសាន្ត និងទទួលទានន ភូមិមូលកុងទីន័រ ៕
ចែករំលែកព័តមាននេះ