រាជធានីភ្នំពេញ ៖ បុរសម្នាក់ដែលគេស្គាល់ថា ជានាយកសាខាសាលាអន្តរជាតិវេសស្ទើន បានកើតជំងឺមហារីកពោះវៀនធំធ្ងន់ធ្ងររយៈពេលច្រើនខែមកហើយ ប៉ុន្តែព្យាបាលមិនជា ។ ដោយសារតែពិបាកក្នុងខ្លួនខ្លាំងពេក និងមិនចង់ចំណាយថវិកាព្យាបាលតទៅទៀត ព្រមទាំងមិនចង់ឱ្យលំបាកដល់ប្រពន្ធនោះ…
រាជធានីភ្នំពេញ ៖ បុរសម្នាក់ដែលគេស្គាល់ថា ជានាយកសាខាសាលាអន្តរជាតិវេសស្ទើន បានកើតជំងឺមហារីកពោះវៀនធំធ្ងន់ធ្ងររយៈពេលច្រើនខែមកហើយ ប៉ុន្តែព្យាបាលមិនជា ។ ដោយសារតែពិបាកក្នុងខ្លួនខ្លាំងពេក និងមិនចង់ចំណាយថវិកាព្យាបាលតទៅទៀត ព្រមទាំងមិនចង់ឱ្យលំបាកដល់ប្រពន្ធនោះ ក៏បានសរសេរលិខិតបណ្ដាំចំនួន៥សន្លឹក ទុកជូនប្រពន្ធនិងកូន ព្រមទាំងឪពុកម្ដាយផងដែរ ។ បន្ទាប់មក បានធ្វើអត្តឃាតដោយចង.កសម្លាប់ខ្លួនស្លាប់នៅក្នុងផ្ទះ ខណៈពេលប្រពន្ធត្រឡប់មកពីយកកូនចេញពីសាលា
រៀន ។
ហេតុការណ៍នេះ បានបង្កភ្ញាក់ផ្អើល កាលពីវេលាម៉ោង១១និង១០នាទីព្រឹកថ្ងៃទី១២ កុម្ភៈនេះ ស្ថិតក្នុងក្នុងភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។ បុរសរងគ្រោះ ឈ្មោះលីម ប៊ុនលាងអាយុ៣៨ឆ្នាំ ជានាយកសាខាសាលាវេសស្ទើន មានប្រពន្ធឈ្មោះវង្ស ធារ៉ែន អាយុ២៨ឆ្នាំ និងកូនស្រីម្នាក់នៅក្នុងបន្ទុកគ្រួសារ និងមានទីលំនៅផ្ទះកើតហេតុខាងលើ ។
បើតាមស្ត្រីជាប្រពន្ធបានប្រាប់នគរបាលថា នៅមុនពេលកើតហេតុ គាត់បានចេញពីផ្ទះទៅដឹកកូនចេញពីសាលារៀន ដោយមិននឹកស្មានថា ប្ដីធ្វើអត្តឃាតសម្លាប់ខ្លួនបែបនេះទេ ។ លុះក្រោយពេលដឹកកូនមកដល់ផ្ទះហើយ កូនបានបើកទ្វារចូលទៅក្នុងផ្ទះមុន ទើបប្រទះឃើញឪពុកចង.ក ដោយនាងបានស្រែកយ៉ាងខ្លាំង បង្កការភ្ញាក់ផ្អើលតែម្តង ។ ពេលនោះ គាត់បានរត់ទៅមើលឃើញប្ដីយកខ្សែកាប្លិ៍ទូរទស្សន៍ចង.កជាប់ជាមួយប្រហោងឥដ្ឋខ្យល់ ហើយដោយសារគិតថា មិនទាន់ស្លាប់គាត់បានយកកាំបិតកាត់ខ្សែទម្លាក់ចុះក្នុងបំណងយកទៅសង្គ្រោះប៉ុន្តែពេលនោះប្ដីស្លាប់បាត់ទៅហើយ ។
ស្ត្រីជាប្រពន្ធបន្តទៀតថា ប្ដីនាងមានជំងឺមហារីកពោះវៀនធំច្រើនខែកន្លងមកហើយ រហូតឈានដល់ការវះកាត់ដាក់ទុយោចេញក្រៅថែមទៀតផង ។ ប៉ុន្តែទោះជាខំប្រឹងព្យាបាលយ៉ាងណា ក៏មិនជាដែរ។
ចែករំលែកព័តមាននេះ