រាជធានីភ្នំពេញ ៖ កាលពីវេលាម៉ោង៧យប់ ថ្ងៃទី២៤ ខែធ្នូ ឆ្នាំ២០១៧ មានករណីទុស្សេខ្សែភ្លើងបណ្តាលឲ្យឆាបឆេះបន្ទប់ឡៅតឿ ខណៈម្ចាស់ផ្ទះនាំគ្នាចេញទៅកម្មវិធីខួបកំណើតអស់បានចាក់សោផ្ទះទុកចោលបង្កឲ្យមានការភ្ញាក់ផ្អើលដល់អ្នកជិតខាង និងសមត្ថកិច្ចនៅចំណុចផ្ទះលេខA113 បណ្តោយផ្លូវ២៦៥…
រាជធានីភ្នំពេញ ៖ កាលពីវេលាម៉ោង៧យប់ ថ្ងៃទី២៤ ខែធ្នូ ឆ្នាំ២០១៧ មានករណីទុស្សេខ្សែភ្លើងបណ្តាលឲ្យឆាបឆេះបន្ទប់ឡៅតឿ ខណៈម្ចាស់ផ្ទះនាំគ្នាចេញទៅកម្មវិធីខួបកំណើតអស់បានចាក់សោផ្ទះទុកចោលបង្កឲ្យមានការភ្ញាក់ផ្អើលដល់អ្នកជិតខាង និងសមត្ថកិច្ចនៅចំណុចផ្ទះលេខA113 បណ្តោយផ្លូវ២៦៥ ស្ថិតក្រុម៣៥ ភូមិ១៣ សង្កាត់ទឹកល្អក់៣ ខណ្ឌទួលគោក ។
តាមប្រភពព័ត៌មានពីម្ចាស់ផ្ទះមានឈ្មោះ អ៊ុត សុវណ្ណធុន បានឱ្យដឹងថា មុនពេលកើតហេតុគាត់បានចាក់សោផ្ទះពីខាងក្រៅរួចក៏នាំគ្នាចេញទៅខួបកំណើតលុះដល់ម៉ោងកើតហេតុខាងលើគាត់ជិះរថយន្តមកដល់មុខមន្ទីរពេទ្យព្រះកុសុមះស្រាប់តែមានអ្នកជិតខាងទូរស័ព្ទមកប្រាប់គាត់ថា មានភ្លើងកំពុងតែឆេះចេញពីក្នុងផ្ទះហ៊ុយផ្សែងយ៉ាងខ្លាំងទើបគាត់ក៏បត់ត្រឡប់ក្រោយវិញទៅដល់ផ្ទះឃើញផ្អើលសមត្ថកិច្ចមូលដ្ឋានទំនាក់ទំនងហៅរថយន្តពន្លត់អគ្គីភ័យមកជួយអន្តរាគមន៍បាញ់ពន្លត់សរុបទាំងអស់៣គ្រឿងមិនបង្កឱ្យមានគ្រោះថ្នាក់ និងរងរបួសទៅដល់នរណាម្នាក់នោះឡើយ គ្រាន់តែខូចខាតសម្ភារស្ទើរមួយរយភាគរយនៅក្នុងបន្ទប់ឡៅតឿ ។ ខណៈពេលកើតហេតុភ្លាមៗប្រជាពលរដ្ឋបាននាំគ្នាជួយយកទូរទឹកកក តុ និងទូរទស្សន៍ចេញ ។
ក្រោយពេលកើតហេតុអគ្គីភ័យខាងលើនេះបានរលាត់អស់ទាំងស្រុងនៅវេលាម៉ោង៧នឹង៣០នាទីយប់ ប្រើប្រាស់រថយន្តអគ្គីភ័យសរុបទាំងអស់៣គ្រឿង ។ តាមការសន្និដ្ឋានរបស់សមត្ថកិច្ចជាជំហានដំបូងបានឲ្យដឹងថា មូលហេតុដែលឆេះចេញពីបន្ទប់ឡៅតឿនេះដោយសារតែទុស្សេខ្សែភ្លើង ៕
ចែករំលែកព័តមាននេះ