ចាប់កូនថៅកែឈើយកឈ្មោះតាតាធ្វើខ្នង
- ភ្នំពេញ
ខេត្តព្រៃវែង ៖ កូនប្រុសរបស់លោក ប៊ វី ថៅកែដេប៉ូឈើនៅឃុំព្រៃព្នៅ ស្រុកពារាំង ដែលបានយកឈ្មោះលោក ស សុខា…
ខេត្តព្រៃវែង ៖ កូនប្រុសរបស់លោក ប៊ វី ថៅកែដេប៉ូឈើនៅឃុំព្រៃព្នៅ ស្រុកពារាំង ដែលបានយកឈ្មោះលោក ស សុខា…
ខេត្តព្រៃវែង ៖ កូនប្រុសរបស់លោក ប៊ វី ថៅកែដេប៉ូឈើនៅឃុំព្រៃព្នៅ ស្រុកពារាំង ដែលបានយកឈ្មោះលោក ស សុខា និងសម្តេចតេជោ ហ៊ុន សែន នាយករដ្ឋមន្ត្រី មកប្រើដើម្បីគំរាមកំហែងអ្នកកាសែតនៅក្នុងខេត្តព្រៃវែង ត្រូវបានស្នងការនគបាលខេត្តព្រៃវែងធ្វើការឃាត់ខ្លួនហើយកាលពីព្រឹកថ្ងៃទី១៧ ខែធ្នូ ឆ្នាំ២០១៧ វេលាម៉ោង១០ នៅស្នងការដ្ឋាននគបាលខេត្ត ។
បើតាមលោកឧត្តមសេនេយ៍ត្រី ពៅ ជីវី ស្នងការងនគបាលខេត្តព្រៃវែងបានឲ្យដឹងថា ជនសង្ស័យដែលបានឃាត់ខ្លួនខាងលើមានឈ្មោះ វី ចាន់ណា ភេទប្រុស អាយុ២២ឆ្នាំ មានទីលំនៅក្នុងភូមិព្រៃព្នៅ ឃុំព្រៃព្នៅ ស្រុកពារាំង ខេត្តព្រៃវែង និស្សិតឆ្នាំទី១ នៃសាកលវិទ្យាល័យមួយកន្លែង ។ លោកបន្តថា ជនសង្ស័យខាងលើត្រូវបានឃាត់ខ្លួនពាក់ព័ន្ធក្នុងករណីយកឈ្មោះថ្នាក់ដឹកនាំមកកាងអាជីវកម្មផ្ទាល់ខ្លួន ពោលជនសង្ស័យខាងបានយកឈ្មោះលោក ស សុខា តំណាងរាស្ត្រមណ្ឌលព្រៃវែង និងជាអនុប្រធានសហភាពសហព័ន្ធកម្ពុជា និងឈ្មោះ សម្តេចតេជោ ហ៊ុន សែន នាយយករដ្ឋមន្ត្រី មកគំរាមអ្នកកាសែត និងអាជ្ញាធរមានសមត្ថកិច្ចដើម្បីប្រយោជន៍ផ្ទាល់ខ្លួន ។
លោកឧត្តមសេនេយ៍ត្រី ពៅ ជីវី បានបន្ថែមថា ជនសង្ស័យឈ្មោះ វី ចាន់ណា បានទទួលស្គាល់ថា សម្លេងដែលនិយាយទូរស័ព្ទជាមួយអ្នកការសែតម្នាក់លោក ចាន់ ថន ភ្នាក់ងារកាសែតរស្មីកម្ពុជា និងទូរទស្សន៍ ntv កាលពីរសៀលថ្ងៃទី១៣ ខែធ្នូ ឆ្នាំ២០១៧ ជាសម្លេងខ្លួនពិតប្រាកដមែនដែលខ្លួនពិតជាបាននិយាយថា បើអ្នកកាសែតទាំងបីនាក់ខ្លាំង មេខ្ញុំគឺលោក ស សុខា ឲ្យទៅជួបនៅទីស្ដីការគណៈរដ្ឋមន្ត្រីជាន់ទី០៧ បន្ទប់លេខ២ ដោយទៅជួបជាមួយសម្ដេចតេជោ ហ៊ុន សែន ផ្ទាល់តែម្ដង មិនបាច់ប្ដឹងផ្ដល់អីទេ ។ ព្រោះថាកូនម្ចាស់ដេប៉ូឈើនេះគឺធ្វើការនៅជាមួយលោក ស សុខា បើថាពិបាកពេកថ្ងៃចន្ទក្រោយទៅជួបសម្ដេចតែម្ដងឲ្យដឹងរឿង ។
ជាមួយគ្នានេះដែលលោក ស សុខា តំណាងរាស្ត្រមណ្ឌលព្រៃវែង និងជាអនុប្រធានសហភាពសហព័ន្ធយុវជនកម្ពុជា បានបដិសេធយ៉ាងដាច់អហង្ការ និងថ្កោលទោសយ៉ាងខ្លាំង ចំពោះករណីម្ចាស់ដេប៉ូឈើយីហោ «វិបុល» ស្ថិតនៅភូមិព្រៃភ្នៅ ឃុំព្រៃព្នៅ ស្រុកពារាំង ខេត្តព្រៃវែង ដែលបានប្រើឈ្មោះរបស់លោក និងសម្ដេចតេជោ ហ៊ុន សែន ជាប្រមុខដឹកនាំដ៏ខ្ពង់ខ្ពស់នៃព្រះរាជាណាចក្រកម្ពុជា ក្នុងគោលបំណងគំរាមកំហែងប្រមាថអ្នកសាព័ត៌មាន និងសមត្ថកិច្ច ៕
ចែករំលែកព័តមាននេះ