ខេត្តកោះកុង ៖ នៅព្រឹកថ្ងៃទី០១ ខែធ្នូ ឆ្នាំ២០១៧ គេសង្កេតឃើញមុខទំនិញដូចជាស្លាបមាន់ ជើងមាន់ និងគ្រឿងក្នុងមាន់ នៅតែត្រូវបានសមត្ថកិច្ចអនុញ្ញាតិឱ្យនាំចូលតាមច្រកទ្វារអន្តរជាតិចាំយាមខេត្តកោះកុងយ៉ាងគគ្រឹកគគ្រេងដដែល ទោះបីមុខទំនិញមួយនេះត្រូវបានរឹតបន្តឹងនៅតាមច្រកនានាក្នុងទូទាំងប្រទេសតាមគោលការណ៍ប្រមុខរាជរដ្ឋាភិបាលយ៉ាងណាក្តីជាពិសេសគឺសមត្ថកិច្ចជំនាញកាំកុងត្រូលតែម្តង…
ខេត្តកោះកុង ៖ នៅព្រឹកថ្ងៃទី០១ ខែធ្នូ ឆ្នាំ២០១៧ គេសង្កេតឃើញមុខទំនិញដូចជាស្លាបមាន់ ជើងមាន់ និងគ្រឿងក្នុងមាន់ នៅតែត្រូវបានសមត្ថកិច្ចអនុញ្ញាតិឱ្យនាំចូលតាមច្រកទ្វារអន្តរជាតិចាំយាមខេត្តកោះកុងយ៉ាងគគ្រឹកគគ្រេងដដែល ទោះបីមុខទំនិញមួយនេះត្រូវបានរឹតបន្តឹងនៅតាមច្រកនានាក្នុងទូទាំងប្រទេសតាមគោលការណ៍ប្រមុខរាជរដ្ឋាភិបាលយ៉ាងណាក្តីជាពិសេសគឺសមត្ថកិច្ចជំនាញកាំកុងត្រូលតែម្តង ។
តាមប្រភពពីមន្ត្រីសមត្ថកិច្ចច្រកទ្វារជាច្រើនបានបង្ហើបឱ្យដឹងថា ក្រៅពីសមត្ថកិច្ចកាំកុងត្រូល គ្មានសមត្ថកិច្ចណាហ៊ានបើកភ្លើងខៀវឱ្យមុខទំនិញមួយនេះនាំចូលរាល់ថ្ងៃដូច្នេះឡើយ តែបើជំនាញបើកដៃស្ថាប័នផ្សេងក៏បានសើមមាត់ដែរ ។ ប្រភពដដែលបាននិយាយទៀតថា ក្នុងមួយថ្ងៃយ៉ាងហោចណាស់ក៏មានគ្រឿងក្នុង ស្លាប និងជង្គង់មាន់ និងប្រហិតខូចគុណភាព ចាប់ពី១តោនទៅ២តោនដែរត្រូវបានសមត្ថកិច្ចជំនាញបើកដៃឱ្យពួកឈ្មួញដែលជាម៉ូយពួកគេរាប់សិបឆ្នាំមកហើយនោះនាំចូលតាមច្រកទ្វារចាំយាម ដោយបំបែករូបភាពដាក់បង្កប់តាមរទេះរុញតូចៗបំភ័នភ្នែកអ្នកធ្វើដំណើរឆ្លងកាត់ច្រកនេះ រួចយកមកដាក់ឡានដែលនៅរង់ចាំខាងទឹកដីខ្មែររួចដឹកចេញមកចែកចាយនៅទីផ្សារដងទង់មួយចំនួនឬប្រមូលគ្រប់ពី៨ទៅ១០តោនទើបដឹកចេញមកកាន់រាជធានីភ្នំពេញ ។
ប្រភពដដែលបកអាក្រាតទៀតថា ដោយសារតែការមើលឃើញសកម្មភាពផ្គើននឹងបទបញ្ជារបស់ប្រមុខរាជរដ្ឋាភិបាលរបស់សមត្ថកិច្ចកាំកុងត្រូលខេត្តកោះកុងបែបនេះហើយ ទើបកាលពីថ្ងៃទី១៧ ខែតុលា ឆ្នាំ២០១៧ កន្លងទៅលោកស្នងការរងទទួលផែនសេដ្ឋកិច្ចនៃស្នងការដ្ឋាននគរបាលខេត្តបានដឹកនាំកំលាំងក្រោមឱវាទស្ទាក់ចាប់មុខទំនិញខូចគុណភាពខាងលើនេះបានចំនួន២តោន ខណៈពួកឈ្មួញបំបែករូបភាពដឹកតាមម៉ូតូកង់បីមកដល់ទីរួមខេត្តយកទៅដុតកំទេចចោល និងអញ្ជើញស្ថាប័នជំនាញមួយនេះមកចូលរួមឈរមើលសកម្មភាពដុតនោះយ៉ាងអាម៉ាសទៀតផង ៕
ចែករំលែកព័តមាននេះ