ខេត្តស្ទឹងត្រែង ៖ មិត្តភក្តិ២នាក់ផឹកស៊ីជាមួយគ្នាស្រវឹងទាស់ពាក្យសម្តីរហូតដល់បង្កឲ្យមានការវាយប្រតប់គ្នាទាញកាំបិទចាក់ធ្លាយពោះស្លាប់នៅនឹងកន្លែងម្នាក់ ។ ករណីខាងលើនេះបានកើតឡើងកាលពីវេលាម៉ោង០៨និង០០នាទីព្រឹក ថ្ងៃទី១៧ ខែវិច្ឆិកា ឆ្នាំ២០១៧ ត្រង់ចំណុចទួលចំបក់ ស្ថិតក្នុង ភូមិឆ្វាំង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ។
សមត្ថកិច្ចបានឲ្យដឹងថា ករណីនេះបង្កដោយជនសង្ស័យម្នាក់ឈ្មោះ ចក់ សារ៉ាន់ ហៅឃូល ភេទប្រុស អាយុ៤១ឆ្នាំ មានមុខរបរកសិករ រស់នៅភូមិស្ទិចលិច ឃុំដងក្តា ស្រុកស្ទឹងត្រង់ ខេត្តកំពុងចាម ។
សមត្ថកិច្ចបន្តថា ជនសង្ស័យបានយកកាំបិតចុងស្រួចមកចាក់ទៅលើជនរងគ្រោះម្នាក់ឈ្មោះ ហួន កេះ ភេទប្រុស អាយុ៤៤ឆ្នាំ មានមុខរបរកសិករដូចគ្នា រស់នៅភូមិឃុំកើតហេតុខាងលើ បណ្ដាលឲ្យស្លាប់នៅនឹងកន្លែងកើតហេតុភ្លាមៗ បន្ទាប់មកជនសង្ស័យក៏បានរត់គេចខ្លួនបាត់ស្រមោលភ្លាមៗផងដែរ ។ ពាក់ព័ន្ធក្នុងករណីឃាត់កម្មខាងលើនេះ សមត្ថកិច្ចកំពុងធ្វើការតាមដាន និងស្រាវជ្រាវបន្ត ៕
ចែករំលែកព័តមាននេះ