ខេត្តប៉ៃលិន ៖ ករណីឆ្លងដែនខុសច្បាប់ទៅលួចកាប់ឈើនៅក្នុងទឹកដីប្រទេសថៃ នៅតែកើតមាន ទោះបីជាអាជ្ញាធរ និងសមត្ថកិច្ចធ្វើការណែនាំ និងហាមឃាត់ជាច្រើនលើកច្រើនសារ ដោយមានអ្នកខ្លះត្រូវថៃចាប់បានវាយធ្វើបាប និងត្រូវគេបាញ់សម្លាប់ ព្រាត់ប្រពន្ធកូនថែមទៀត…
ខេត្តប៉ៃលិន ៖ ករណីឆ្លងដែនខុសច្បាប់ទៅលួចកាប់ឈើនៅក្នុងទឹកដីប្រទេសថៃ នៅតែកើតមាន ទោះបីជាអាជ្ញាធរ និងសមត្ថកិច្ចធ្វើការណែនាំ និងហាមឃាត់ជាច្រើនលើកច្រើនសារ ដោយមានអ្នកខ្លះត្រូវថៃចាប់បានវាយធ្វើបាប និងត្រូវគេបាញ់សម្លាប់ ព្រាត់ប្រពន្ធកូនថែមទៀត ។ មើលទៅពួកគេមិនរាងចាលដែរ ព្រោះឈ្មួញខ្មែរបានជូលឱ្យទៅលីសែងក្នុងតម្លៃថ្លៃ និងមានការបើកដៃពីសមត្ថកិច្ចព្រំដែនថែមទៀត ទើបពួកគេបន្តធ្វើសកម្មភាពម្តងហើយម្តងទៀត រហូតដល់ចាប់ឃាត់ខ្លួនទាំងអស់តែម្តង ។
ហេតុការណ៍ថៃចាប់ឃាត់ខ្លួនកម្មករខ្មែរឆ្លងដែនទៅលីសែងឈើនៅក្នុងទឹកដីប្រទេសថៃនេះ បានកើតឡើងកាលពីវេលាម៉ោង0៧និង៣០នាទីព្រឹក ថ្ងៃទី២៧ ខែតុលា ឆ្នាំ២០១៧ ស្ថិតនៅចន្លោះបង្គោលព្រំដែនលេខ៦៧ និង៦៨ ជាប់នឹងភូមិបហ៊ុយត្បូង សង្កាត់បយ៉ាខា ក្រុងប៉ៃលិន ។ ប្រភពព័ត៌មានពីសមត្ថកិច្ចថៃ បានផ្ដល់ព័ត៌មានឱ្យខាងនគរបាលខ្មែរថា ខាងទាហានថៃបានចាប់ឃាត់ខ្លួនប្រជាពលរដ្ឋខ្មែរ ក្នុងករណីលួចឆ្លងដែនខុសច្បាប់ ចូលទៅអារឈើនៅក្នុងទឹកដីថៃចន្លោះបង្គោលសីមាលេខ៦៧ និង៦៨ ស្ថិតក្នុងភូមិសាស្ដ្រភូមិបហ៊ុយត្បូង សង្កាត់បយ៉ាខា ហើយក៏បានធ្វើការទំនាក់ទំនង និងផ្ញើរូបភាពជនសង្ស័យទាំងអស់មកឲ្យភាគីខ្មែរមើល ។
ប្រភពបញ្ជាក់ទៀតថា បច្ចុប្បន្ន ជនសង្ស័យទាំងប្រាំពីរនាក់ខាងលើ ត្រូវបានទាហានថៃបញ្ជូនទៅស្រុកពោងណាំរ៉ន ខេត្ដចាន់បូរី ប្រទេសថៃ ដើម្បីចាត់ការតាមនីតិវិធី ៕
ចែករំលែកព័តមាននេះ