SEOUL, ២៩សីហា២០១២ ៖ ទូរស័ព្ទ LG Optimus L9 នឹងបន្តស៊េរី L ដែលជាស៊េរីស្មាតហ្វូនមានការរចនាម៉ូតដ៏ស្រស់ស្អាតបំផុត និងទទួលបានការកោតសរសើរមិនដាច់ពីមាត់អតិថិជន ។ បន្ទាប់ពីទទួលបានជោគជ័យពី Optimus L3, Optimus L5 និង Optimus L7, ក្រុមហ៊ុន LG បានបន្តភាពជោគជ័យនេះដោយផ្ដោតកាន់តែខ្លាំងទៅលើការរចនាដ៏ល្អប្រណីតគឺ Optimus
SEOUL, ២៩សីហា២០១២ ៖ ទូរស័ព្ទ LG Optimus L9 នឹងបន្តស៊េរី L ដែលជាស៊េរីស្មាតហ្វូនមានការរចនាម៉ូតដ៏ស្រស់ស្អាតបំផុត និងទទួលបានការកោតសរសើរមិនដាច់ពីមាត់អតិថិជន ។ បន្ទាប់ពីទទួលបានជោគជ័យពី Optimus L3, Optimus L5 និង Optimus L7, ក្រុមហ៊ុន LG បានបន្តភាពជោគជ័យនេះដោយផ្ដោតកាន់តែខ្លាំងទៅលើការរចនាដ៏ល្អប្រណីតគឺ Optimus L9 ។
ដោយទទួលក្បាច់រចនាដ៏ល្អប្រណីតពីស៊េរី L, Optimus L9 មានកម្រាស់ត្រឹមតែ 9.1 មីលី្លម៉ែត្រ ជាមួយនឹងវ័ណ្ឌលោហៈ និងរាងជ្រុងស្រស់ស្អាតទំនើបទាន់សម័យ ជាពិសេសមានភាពងាយពេលកាន់ក្នុងដៃ ។Optimus L9 បំពាក់ដោយអេក្រង់ដ៏ធំទំហំ4.7 អីុញ មានរូបភាពម៉ដ្ឋ និងភ្លឺច្បាស់ជាមួយបច្ចេកវិទ្យា IPS មានពណ៌ធម្មជាតិដូចរូបពិតដើម្បីផ្ដល់អេក្រង់ល្អបំផុតដល់អតិថិជនក្នុងការអាននិងមើលរូបភាព ។ ក្រៅពីនោះជាមួយថ្ម SiO+ ទំហំ2150mAh ធ្វើឱ្យលោកអ្នកអាចប្រើប្រាស់កម្មវិធីនានា និងលក្ខណៈពិសេសជាច្រើនបានរយៈពេលយូរដោយរក្សារូបរាងដ៏ស្ដើងនៃទូរស័ព្ទ ។
ម្យ៉ាងទៀត Optimus L9 បានផលិតឡើងជាស្មាតហ្វូនដែលមានភាពវៃឆ្លាតជាងមុន ដោយមានលក្ខណៈពិសេសនៃបទពិសោធន៍អ្នកប្រើប្រាស់ (UX) ខុសប្លែកជាងមុនមានដូចជា កម្មវិធី QTranslator, My Style Keypad, និងកម្មវិធីដ៏ល្បីគឺQuickMemoTM ។Qtranslator មិនត្រឹមតែជាកម្មវិធីសម្រាប់បកប្រែពាក្យប៉ុណ្ណោះទេ តែវាក៏អាចបកប្រែប្រយោគទាំងមូលដល់ទៅ៦៤ភាសា ដោយប្រើកាមេរ៉ាថតយករូបភាព បន្ទាប់មកបំលែងរូបនោះជាអក្សរតាមរយៈបច្ចេកវិទ្យា Optical Character Recognition (OCR) ។
ចំណែកកម្មវិធី My Style Keypad ជាកម្មវិធីថ្មីសន្លាងដែលអាចឱ្យលោកអ្នកប្ដូរទម្រង់ក្ដារចុចទៅតាមដៃដូចជាការវាយអក្សរដោយប្រើដៃតែម្ខាង (ឆ្វេង ឬស្ដាំ) ឬប្រើដៃពីរ ។ កម្មវិធី QuickMemoTM អាចឱ្យលោកអ្នកថតយករូបអេក្រង់ ហើយសរសេរ និងចែករំលែកតាមរយៈប៊្លូធូស សារ អីុម៉េល ហ្វេសប៊ុក ឬកម្មវិធីសន្ទនាកម្សាន្តនានាជាដើម ។
លក្ខណៈពិសេស ៖
• Android 4.0 Ice Cream Sandwich
• CPU 1GHz Dual-Core
• អេក្រង់ 4.7 អីុញ IPS
• 4GB Internal Memory / 1GB RAM
• កាមេរ៉ាក្រោយ 5MP/ កាមេរ៉ាមុខ VGA
• ថ្ម 2150 mAh SiO+
• ទំហំ 131.9 x 68.2 x 9.1mm / 125g
• ផ្សេងៗ ៖ QuickMemoTM , Qtranslator, My Style Keypad ៕
ចែករំលែកព័តមាននេះ