ក្លឹបកម្សាន្តសំរាប់បុរសមួយ ក្នុងទីក្រុងញូវយ៉កមានគោលបំណងចង់គេចពីការបង់ពន្ធដ៏សន្ធឹកសន្ធាប់ ដោយមានអំណះអំណាងថា ការរាំស្រាតជាសិល្បៈ ។ក្លឹបកម្សាន្តនៅក្រុងញូវយ៉ក បានផ្តល់ហេតុផលថា «ការរាំទៅដល់កៅអី» របស់អតិថិជន ជាការសំដែងសិល្បៈផ្នែកអារម្មណ៍ និងតន្រ្តី ដូចគ្នានឹងការទស្សនាតាមទូរទស្សន៍ ឬការសំដែងរបាំបាឡេដែរ។ លោកអេនឌ្រូ មេកខូលឡាហ្វ
ក្លឹបកម្សាន្តសំរាប់បុរសមួយ ក្នុងទីក្រុងញូវយ៉កមានគោលបំណងចង់គេចពីការបង់ពន្ធដ៏សន្ធឹកសន្ធាប់ ដោយមានអំណះអំណាងថា ការរាំស្រាតជាសិល្បៈ ។ក្លឹបកម្សាន្តនៅក្រុងញូវយ៉ក បានផ្តល់ហេតុផលថា «ការរាំទៅដល់កៅអី» របស់អតិថិជន ជាការសំដែងសិល្បៈផ្នែកអារម្មណ៍ និងតន្រ្តី ដូចគ្នានឹងការទស្សនាតាមទូរទស្សន៍ ឬការសំដែងរបាំបាឡេដែរ។ លោកអេនឌ្រូ មេកខូលឡាហ្វ មេធាវីរបស់ក្លឹបកម្សាន្តនោះបញ្ជាក់ថា «ប្រសិនបើលោកអ្នកបានឃើញរបាំនេះ អ្នកនឹងត្រូវប្រាប់ថា មិនមែនជាការសំដែងអាសអាភាស ប៉ុន្តែជាការសំដែងដ៏ល្អគួរឱ្យគយគន់» ។
ការព្យាយាមក្នុងការសំចៃប្រាក់លើថ្លៃពន្ធប្រហែល១២៤.០០០ដុល្លារ ក្នុងមួយឆ្នាំរបស់ក្លឹបរបាំស្រាតនេះ បានទទួលការគាំទ្រពីអ្នកសិក្សាផ្នែករបាំបរទេសម្នាក់ និងធ្លាប់ចូលលេងកម្សាន្តក្នុងក្លឹបនេះ ។បញ្ហានោះត្រូវបានលើកយកទៅពិភាក្សាវែកញែកនៅសាលាឧទ្ធរណ៍ ក្នុងទីក្រុងកាលពីពេលថ្មីៗកន្លងមក និងបានសម្រេចថា តើក្លឹបកម្សាន្តនេះគួរត្រូវបង់ពន្ធឬអត់? ការប្រកាសសាលដីកាគឺនៅសប្តាហ៍ក្រោយ ។
ស្រ្តីរបាំម្នាក់ថ្លែងថា «នេះជាសិល្បៈយ៉ាងពិតប្រាកដ ។ ស្រ្តីរបាំមួួយចំនួនត្រូវហាត់សមអស់រយៈពេលជាច្រើនម៉ោង» ។បើមានការសម្រេចឱ្យក្លឹបកម្សាន្តនោះរួចពន្ធអាចធ្វើឱ្យក្លឹបកម្សាន្តប្រហែល២០០ទៀតនៅទូទាំងរដ្ឋក្នុងសហរដ្ឋអាមេរិក នឹងប្រើអំណះអំណាងដូចគ្នាដើម្បីមិនបង់ពន្ធដែរ ។
ចែករំលែកព័តមាននេះ