លោក ជេម កាមឺរ៉ុន ចាប់អារម្មណ៍ខ្សែភាពយន្តបុរាណចិន រឿង «ថាំងចេងទៅចម្លងធម៌»
លោក ជេម កាមឺរ៉ុន (James Cameron) ចាងហ្វាងផលិតកម្មខ្សែភាពយន្តហូលីវូដ អាចនឹងចងក្រងផលិតខ្សែភាពយន្តរឿង ថាំងចេងទៅចម្លងធម៌ ជាលក្ខណៈ3D ដែលជាខ្សែភាពយន្តភាគបុរាណចិនដ៏ល្បីទូទាំងពិភពលោក ។ នេះបើយោងតាមប្រភពពីគេហទំព័រសិល្បៈចិនចេញផ្សាយថ្ងៃទី៩ ឧសភា ឆ្នាំ ២០១២ ។
ប្រភពបន្តថា លោក ហ្សាង ជីនឡៃ (Zhang Jinlai) តារាភាពយន្តដ៏ល្បីឈ្មោះតាំងពីទសវត្សឆ្នាំ៨០ ដែលដើរតួជាស្តេចស្វានៅក្នុងរឿងនេះបាននិយាយថា លោកនឹងជិះយន្តហោះទៅកាន់សហរដ្ឋអាមេរិកនៅខែក្រោយនេះ ដើម្បីពិភាក្សាជាមួយលោក ជេម កាមឺរ៉ុន និងលោក ស្ទីវិន ស្ពីលបឺហ្គ (Steven Spielberg) និងចាងហ្វាងមួយចំនួនទៀត ស្តីអំពីផ្នត់គំនិតក្នុងខ្សែភាពយន្តនេះ ។
ចែករំលែកព័តមាននេះ