រាជធានីភ្នំពេញ ៖ ការប្រកួតប្រដាល់ដណ្តើមខ្សែក្រវាត់ភេសជ្ជៈខារ៉ាបាវ ក្នុងប្រភេទទម្ងន់៥៤គីឡូក្រាម នៅលើសង្វៀនស្ថានីយទូរទស្សន៍ CTN នាថ្ងៃសុក្រ ទី២៦ សីហា ខាងមុខនេះ គឺជាវគ្គប្រកួតជម្រុះវិលជុំក្នុងពូល B ដែលមានទាំងអស់២គូ ។ សារឹម ង៉ា មកពីក្លឹបកីឡាប្រដាល់ក្រសួងការពារជាតិ ជួប ខុន ស៊ីចាន់
រាជធានីភ្នំពេញ ៖ ការប្រកួតប្រដាល់ដណ្តើមខ្សែក្រវាត់ភេសជ្ជៈខារ៉ាបាវ ក្នុងប្រភេទទម្ងន់៥៤គីឡូក្រាម នៅលើសង្វៀនស្ថានីយទូរទស្សន៍ CTN នាថ្ងៃសុក្រ ទី២៦ សីហា ខាងមុខនេះ គឺជាវគ្គប្រកួតជម្រុះវិលជុំក្នុងពូល B ដែលមានទាំងអស់២គូ ។ សារឹម ង៉ា មកពីក្លឹបកីឡាប្រដាល់ក្រសួងការពារជាតិ ជួប ខុន ស៊ីចាន់ មកពីក្លឹបកងពលធំអន្តរាគមន៍លេខ៣ ព្រះវិហារ ឯ ឯម លីថូ មកពីក្លឹបគ្រុឌមានជ័យ ជួបលាភ សំណាង មកពីក្លឹបកងពលតូចលេខ៧០។
សារឹម ង៉ា ប្រកួតឈ្នះ២លើករួចមកហើយ មាន៦ពិន្ទុ ប៉ុន្តែទោះបីជាយ៉ាងណាគេត្រូវការជ័យជម្នះ១លើកនេះទៀត ដើម្បីគេចឱ្យផុតពីការហាលខោ ។ ចំណែកខុន ស៊ីចាន់ ទើបតែឆ្លងកាត់ការប្រកួតបាន១លើកប៉ុណ្ណោះ និងមិនទាន់ស្គាល់ឈ្នះឡើយ ទើបតែមាន១ពិន្ទុគត់ ។ ដូច្នេះលើកនេះបើសិនជាគេឈ្នះ គឺអាចស្រោចស្រង់ស្ថានការណ៍អាក្រក់ខ្លះបានមកវិញ ប៉ុន្តែគេនៅមិនទាន់ហ៊ានអះអាងថា យ៉ាងណានោះទេ ព្រោះសារឹម ង៉ា ជាជើងខ្លាំងមួយរូបដែលមិនងាយនឹងបង្ក្រាបឡើយ ។
ឯម លីថូ នៅក្នុងពូល B គេមាន៦ពិន្ទុ រួចមកហើយដូចគ្នា ហើយក៏ត្រូវការឈ្នះ១លើកនេះទៀតដូចគ្នាដែរ ដើម្បីរក្សាភាពលំនឹងនៅក្នុងពូលបាន ព្រោះថា លាភ សំណាង ប្រកួតបាន២លើក ឈ្នះទាំង២លើក និងមាន៦ពិន្ទុដែរ ។ គូនេះសុទ្ធតែជាអ្នកសម្បូរល្បិចប្រយុទ្ធនៅលើសង្វៀនដូចគ្នា កម្លាំងស៊ុហ្វខ្លាំងដូចគ្នាទៀត ប៉ុន្តែលីថូចិត្តសឿងជាង រីឯអ្នកដែលធ្លាប់តាមដានការប្រកួតភាគច្រើនក៏ មានជំនឿចិត្តលើលីថូច្រើនជាងដែរ។
រីឯគូប្រកួតមិត្តភាព វ៉ោយ សុធន់ មកពីក្លឹបរាជសីហ៍ខេត្តបន្ទាយមានជ័យ ជួប ឌុន រដ្ឋា មកពីក្លឹបអេភូថងកីឡា ។ ជា សំណាង មកពីក្លឹបរិទ្ធីស័ក្តិកីឡា ជួប ផល សុភាព មកពីក្លឹបឃ្លាំងមឿងកីឡា ៕
ចែករំលែកព័តមាននេះ