រាជធានីភ្នំពេញ ថ្ងៃទី២២ ខែសីហា ឆ្នាំ២០១១ ៖ ក្រុមហ៊ុនបណ្តាញទូរស័ព្ទចល័ត Beeline បានរកឃើញអ្នកឈ្នះរង្វាន់ និងបានរៀបចំកម្មវិធីប្រគល់រង្វាន់សម្រាប់អ្នកឈ្នះពីការចាប់រង្វាន់ផ្សងសំណាងលើកទី៨ពីកម្មវិធីប្រូម៉ូសិន Top-up Promotion នាព្រឹកនេះនៅទីស្នាក់ការកណ្តាលក្រុមហ៊ុនរាជធានីភ្នំពេញ។
កញ្ញាខៀវ ដារ៉ា មានអាយុ២០ឆ្នាំ រស់នៅភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ គឺជាអ្នកមានសំណាងឈ្នះរង្វាន់ធំបំផុតគឺ រថយន្តម៉ាក Chevrolet Spark ស៊េរីឆ្នាំ២០១១ មួយ គ្រឿងពីការចាប់រង្វាន់ផ្សងសំណាងលើកទី៨នៃកម្មវិធី Top-up Promo ដែលបានប្រព្រឹត្តទៅកាលពីថ្ងៃទី១៣ ខែសីហា ឆ្នាំ២០១១ តាមរយៈការផ្សាយបន្តផ្ទាល់នាស្ថានីយទូរទស្សន៍បាយ័ន។
កញ្ញាដារ៉ាទើបប្រើប្រាស់ Beeline បានរយៈពេលកន្លះខែប៉ុណ្ណោះដែលមានលេខទូរស័ព្ទ០៩០ ៨០៦ ៥៣៨។ កញ្ញាដារ៉ា បានមានប្រសាសន៍ឱ្យដឹងថា «ខ្ញុំប្រើប្រាស់ប្រព័ន្ធទូរស័ព្ទ Beeline ព្រោះ Beeline មានបណ្តាញសេវាល្អ ព្រោះខ្ញុំមិនដែលជួបបញ្ហារអាក់រអួលនៅក្នុងពេលសន្ទនាទេ។ ជាពិសេសអត្រាតម្លៃដ៏ទាបក៏ជាមូលហេតុមួយទៀតដែលខ្ញុំប្រើប្រាស់ប្រព័ន្ធនេះផងដែរ។ ក្រៅពីជាអតិថិជនប្រចាំម្នាក់ហើយខ្ញុំតែងចង់ក្លាយជាអ្នកឈ្នះរង្វាន់មួយរូបផងដែរពី Beeline ហើយភ័ព្វសំណាងនោះក៏រត់មករកខ្ញុំមែន ព្រោះនៅពេលនេះ ខ្ញុំគឺជាអ្នកឈ្នះរង្វាន់ដ៏ធំបំផុតមួយរូប»។
ទន្ទឹមនឹងការប្រគល់រង្វាន់ជារថយន្តក្រុមហ៊ុន Beeline ក៏ប្រគល់រង្វាន់ជូនដល់អ្នកឈ្នះរង្វាន់ទូរស័ព្ទដៃ Beeline ចំនួន១០រូបផ្សេងទៀតផងដែរ។ អ្នកមានសំណាងទាំងនេះអញ្ជើញមកពីខេត្តកំពង់ឆ្នាំង កំពង់ចាម បាត់ដំបង កណ្តាល និងរាជធានីភ្នំពេញ។ សម្រាប់អ្នកឈ្នះរង្វាន់ជាកាតកោស ក្រុមហ៊ុននឹងបញ្ចូលទឹកប្រាក់ក្នុងគណនីទូរស័ព្ទរបស់ពួកគេដោយស្វ័យប្រវត្តិតែម្តង។
យោងតាមប្រសាសន៍តំណាងរបស់ក្រុមហ៊ុនបណ្តាញទូរស័ព្ទចល័ត Beeline ប្រចាំនៅប្រទេសកម្ពុជាបានឱ្យដឹងថា នៅមានរង្វាន់ធំគឺរថយន្តម៉ាក Chevrolet Spark ស៊េរីឆ្នាំ២០១១ចំនួនមួយគ្រឿងទៀត ព្រមទាំងរង្វាន់ទូរស័ព្ទដៃស៊ីមពីរ Beeline ជាច្រើនគ្រឿង និងកាតកោសបញ្ចូលទឹកប្រាក់ជាច្រើនរង្វាន់កំពុងរង់ចាំអ្នកមានសំណាង ឈ្នះរង្វាន់ចុងក្រោយ។
លក្ខខណ្ឌចូលរួមកម្មវិធីប្រូម៉ូសិនបញ្ចូលទឹកប្រាក់ដើម្បីឈ្នះរថយន្តនេះគឺអតិថិជនទាំងអស់គ្រាន់តែបញ្ចូលទឹកប្រាក់ក្នុងទូរស័ព្ទដៃរបស់ពួកគេយ៉ាងតិច៣ដងក្នុងរយៈពេល២សប្តាហ៍ក្នុងចំនួនទឹកប្រាក់ប៉ុន្មានក៏បាន បន្ទាប់មកលេខទូរស័ព្ទរបស់ពួកគេនឹងត្រូវបានបញ្ចូលទៅក្នុងប្រព័ន្ធចាប់រង្វាន់ផ្សងសំណាងដើម្បីឈ្នះរង្វាន់ផ្សេងៗរួមមានរថយន្តគឺរថយន្តម៉ាក Chevrolet Spark ស៊េរីឆ្នាំ២០១១ មួយគ្រឿង ទូរស័ព្ទដៃស៊ីមពីរ Beeline ចំនួន១០គ្រឿង និងកាតកោសបញ្ចូលទឹកប្រាក់សរុបជាង៦០រង្វាន់ផងដែរ។
ការចាប់ឆ្នោតផ្សងសំណាងនេះធ្វើឡើងដោយយុត្តិធម៌ និងមានការផ្សាយបន្តផ្ទាល់តាមកញ្ចក់ទូរទស្សន៍បាយ័ននៅវេលាម៉ោង៧ និង៣០នាទីយប់ក្នុងកម្មវិធីឋានមនុស្សលោក។ រាល់លេខទូរស័ព្ទរបស់អ្នកឈ្នះរង្វាន់ទាំងអស់នឹងត្រូវផ្សព្វផ្សាយនៅលើគេហទំព័ររបស់ក្រុមហ៊ុន Beeline ព្រមទាំងនៅក្នុងសេចក្តីប្រកាសព័ត៌មានចុះផ្សាយលើទំព័រសារព័ត៌មានកម្ពុជាថ្មីនៅពេលក្រោយផងដែរ។ ក្រុមការងារ Beeline ក៏នឹងជម្រាបជូនដល់អ្នកឈ្នះរង្វាន់ទាំងអស់អំពីការមកទទួលរង្វាន់ទាំងនោះពីក្រុមហ៊ុនផងដែរ។ ការចាប់ឆ្នោតផ្សងសំណាងចុងក្រោយនឹងប្រារព្ធធ្វើនៅថ្ងៃទី២៧ ខែសីហា ឆ្នាំ២០១១ ខាងមុខនេះហើយ។
ក្រុមហ៊ុន Sotelco LTD គឺជាផ្នែកមួយនៃក្រុមហ៊ុន VimpelCom Group ។ កាលពីថ្ងៃទី១៨ ខែឧសភា ឆ្នាំ២០០៩ ក្រុមហ៊ុនសហកម្មសិទ្ធិ Vimpel-Communications(ហៅកាត់ថា ក្រុមហ៊ុន VimpelCom ឬក្រុមហ៊ុននៅក្នុងទីផ្សារភាគហ៊ុនញូវយ៉ក NYSE សរសេរកាត់ VIP )ក្នុងនាមជាក្រុមហ៊ុនផ្តល់សេវាទូរគមនាគមន៍អន្តរជាតិនាំមុខមួយដែលមានប្រតិបត្តិការនៅក្នុងតំបន់អាស៊ីអាគ្នេយ៍ ប្រទេសរុស្ស៊ី សមាគមរដ្ឋឯករាជ្យកុម្ម៉ុងវេលស៍(CIS) ទ្វីបអឺរ៉ុប ទ្វីបអាមេរិកខាងជើង និងទ្វីបអាហ្វ្រិកបានប្រកាសជាផ្លូវការនូវការចាប់ផ្តើមដំណើរការអាជីវកម្មក្រោមពាណិជ្ជសញ្ញាBeeline នៅក្នុងព្រះរាជាណាចក្រកម្ពុជាតាមរយៈក្រុមហ៊ុនSotelco Ltd ដែលជាក្រុមហ៊ុនបុត្រសម្ព័ន្ធមួយរបស់ខ្លួន។ ចាប់តាំងពីការចាប់ផ្តើមដំណើរការអាជីវកម្មមក ក្រុមហ៊ុនបណ្តាញទូរស័ព្ទចល័ត Beeline បានក្លាយជាក្រុមហ៊ុនផ្តល់សេវាទូរគមនាគមន៍មួយដែលបាននិងកំពុងរីកចម្រើនយ៉ាងឆាប់រហ័សនៅក្នុងប្រទេសកម្ពុជា។
ក្នុងនាមជាក្រុមហ៊ុនផ្តល់សេវាទូរគមនាគមន៍Beeline យល់ច្បាស់អំពីតម្រូវការនៃបណ្តាញសេវាសម្រាប់អតិថិជនរបស់យើង។ បន្ទាប់ពីបានបើកដំណើរការអាជីវកម្មរបស់ខ្លួនក្នុងប្រទេសកម្ពុជាមួយឆ្នាំមក ក្រុមហ៊ុនបណ្តាញទូរស័ព្ទចល័ត Beelineដែលជាក្រុមហ៊ុនផ្តល់សេវាទូរគមនាគមន៍អន្តរជាតិនាំមុខគេបានពង្រីកសេវារបស់ខ្លួននៅទូទាំងប្រទេសដោយផ្តល់ជូនអតិថិជនទាំង២៤ខេត្ត-ក្រុងនូវសេវាឮច្បាស់បំផុត ព្រមទាំងការគិតថ្លៃសេវាល្អជាងគេផងដែរ។ ខេត្តចំនួនពីរចុងក្រោយក្នុងប្រទេសកម្ពុជាដែលទទួលបានសេវាគ្របដណ្តប់របស់ក្រុមហ៊ុនបណ្តាញទូរស័ព្ទចល័ត Beeline គឺខេត្តរតនគិរីនិងមណ្ឌលគិរីចាប់តាំងពីចុងខែធ្នូ ឆ្នាំ២០១០
មក។
កាលពីចុងខែមិថុនា ឆ្នាំ២០១០ ក្រុមហ៊ុន Swiss Qual ដែលជាក្រុមហ៊ុនប្រទេសស្វ៊ីសឯករាជ្យមួយមានជំនាញក្នុងការវាស់វែងគុណភាព និងត្រួតពិនិត្យបណ្តាញទូរស័ព្ទលើតុ និងទូរស័ព្ទដៃបានចាប់ផ្តើមគម្រោងស្រាវជ្រាវមួយលើគុណភាពបណ្តាញសេវាសម្លេង និងទិន្នន័យក្នុងប្រទេសកម្ពុជា។ បន្ទាប់ពី ការបើកបរសាកល្បង២សប្តាហ៍តាមទីក្រុងសំខាន់ៗទូទាំងប្រទេសរួចមកពួកគេបានរកឃើញថា បណ្តាញសេវាក្រុមហ៊ុន Beeline មានគុណភាពល្អជាងគេក្នុងចំណោមប្រតិបត្តិការផ្តល់សេវាទូរគមនាគមន៍ឈានមុខគេក្នុងប្រទេសលើគុណភាពហៅចេញហៅចូល និងសេវាទិន្នន័យ។
ក្រុមហ៊ុនបណ្តាញទូរស័ព្ទចល័ត Beeline ប្រចាំនៅកម្ពុជាផ្តល់នូវសេវាកម្មជាច្រើនដូចជាសេវា Live Zero សេវាលេខទូរស័ព្ទពិសេស សេវាលេខទូរស័ព្ទឯកជន សេវា GPRS សេវាអីុនធើរណេត សារជាអក្សរ និងសាររូបភាព។ សេវាបន្ថែមរបស់ប៊ីឡាញរួមមានសេវាជជែកកំសាន្តជាក្រុម(rooming, conference Olls)សេវារង់ចាំ(Call Waiting) សេវាតភ្ជាប់ទៅលេខទូរស័ព្ទមួយទៀត សេវាដែលអាចឱ្យអតិថិជនលើកទូរស័ព្ទអ្នកហៅចូលថ្មីដោយឱ្យអ្នកកំពុងនិយាយរង់ចាំសិន សេវា Hiding Number, សេវា Call me back, សេវា Give me Money, សេវាជំនួយ Call, សេវា Fun tone all in one Sim សេវាបញ្ចូលទឹកប្រាក់ Easy Fill សេវា Wey Luy សេវាបញ្ចូលទឹកប្រាក់(Top Up)តាមរយៈ ATM និងសេវាផ្ញើសារជាសម្លេង។ ក្នុងខែមីនា ឆ្នាំ២០១១ ក្រុមហ៊ុនប៊ីឡាញបានណែនាំសេវាថ្មីដំបូងគេមួយថា Your Number ដែលជាសេវាកម្មបង្កើតឡើង និងអាចផ្តល់ភាពងាយស្រួលជាមួយនឹងជួយសន្សំសំចៃពេលវេលារបស់អតិថិជនផងដែរ។ អតិថិជនអ្នកប្រើប្រាស់ឥឡូវអាចស្វែងរកលេខទំនេរតាមតម្លៃដែលចង់បានដោយមិនចាំបាច់ធ្វើដំណើរទៅកាន់ការិយាល័យ ឬហាងសាខាក្រុមហ៊ុនបណ្តាញទូរស័ព្ទចល័ត Beeline ក៏បាន។ អតិថិជនអ្នកប្រើប្រាស់អាចទទួលបានសេវាឆែករកលេខនេះដោយឥតគិតថ្លៃ ហើយក្រុមហ៊ុនបណ្តាញទូរស័ព្ទចល័ត Beeline មានគម្រោងដាក់ឱ្យប្រើប្រាស់នូវសេវាកម្មថ្មីៗមានប្រយោជន៍ជាច្រើនទៀតក្នុងពេលឆាប់ៗខាងមុខ។
សម្រាប់ព័ត៌មានលំអិតបន្ថែមសូមទាក់ទងកញ្ញា ញ៉ែម សុជាតា ផ្នែកទំនាក់ទំនងសាធារណៈ និងផ្សព្វផ្សាយ ៕
ចែករំលែកព័តមាននេះ