រាជធានីភ្នំពេញថ្ងៃទី១៥ សីហា ឆ្នាំ២០១១ ៖ កាលពីថ្ងៃអាទិត្យសបា្តហ៍កន្លងទៅនេះ កម្មវិធីទូរទស្សន៍« Cha-Cha-Cha» ដែលឧបត្ថម្ភដោយក្រុមហ៊ុន Beeline នៅកម្ពុជា និងជាកម្មវិធីដែលមានការចាក់ផ្សាយជូនទស្សនារៀងរាល់ថ្ងៃ អាទិត្យ វេលាម៉ោង២ និង៣០នាទីដល់ម៉ោង៤ និង៣០នាទីរសៀលតាមកញ្ចក់ទូរទស្សន៍បាយ័ន
រាជធានីភ្នំពេញថ្ងៃទី១៥ សីហា ឆ្នាំ២០១១ ៖ កាលពីថ្ងៃអាទិត្យសបា្តហ៍កន្លងទៅនេះ កម្មវិធីទូរទស្សន៍« Cha-Cha-Cha» ដែលឧបត្ថម្ភដោយក្រុមហ៊ុន Beeline នៅកម្ពុជា និងជាកម្មវិធីដែលមានការចាក់ផ្សាយជូនទស្សនារៀងរាល់ថ្ងៃអាទិត្យ វេលាម៉ោង២ និង៣០នាទីដល់ម៉ោង៤ និង៣០នាទីរសៀលតាមកញ្ចក់ទូរទស្សន៍បាយ័នដែលទទួលបានការពេញនិយមជាច្រើននោះ បានប្រគល់រង្វាន់ប្រាក់សុទ្ធចំនួន៥២៥.០០០រៀល ជូនដល់លោកជន នឿន ដែលជាម្ចាស់លេខទូរស័ព្ទ០៩០ ៤៨៥ ២៣៥ ។
លោកជន នឿន ដែលជាប្រជាពលរដ្ឋរស់នៅក្នុងភូមិសាយាវ ឃុំព្រះនិព្វាន ស្រុកគងពិសី ខេត្តកំពង់ស្ពឺ ក៏ជាអតិថិជនដែលឈ្នះរង្វាន់ទី១ គឺទូរស័ព្ទស៊ីមពីរស៊េរីG5500 ម៉ាក Beeline រួមជាមួយនឹងស៊ីមកាត Beeline និងកាតកោសដែលមានទឹកប្រាក់៥ដុល្លារ សម្រាប់ការចូលរួម ផ្ញើសារទស្សន៍ទាយនៅក្នុងកម្មវិធីនេះផងដែរ ។ លោកនឿន បានប្រាប់ឱ្យដឹងថា លោកពិតជាត្រេកអរណាស់ ដែលបានឈ្នះរង្វាន់ជាប្រាក់សុទ្ធក៏ដូចជាទូរស័ព្ទដៃស៊ីមពីរស៊េរីG5500 ដែលលោកបម្រុងនឹងទិញស្រាប់ ប៉ុន្តែជាសំណាងល្អ លោកក៏ទទួលបានទូរស័ព្ទនេះពី Beeline នៅក្នុងកម្មវិធី «Cha-Cha-Cha» ។ នៅក្នុងកម្មវិធី នាថ្ងៃទី៧ សីហា នោះ លោកបានផ្ញើសារគាំទ្រក្រុម G3 ដែលមានវត្តមានលោកសុខ ជេក និងកញ្ញាអេឡិច ជាក្រុមតារាកិត្តិយសដែលបានឈ្នះ ។
ទន្ទឹមនឹងការប្រគល់រង្វាន់នេះផងដែរ កម្មវិធី «Cha-Cha-Cha» ក៏បានរកឃើញអ្នកឈ្នះរង្វាន់ថ្មីប្រចាំសបា្តហ៍ថ្ងៃទី១៤ សីហា ដែលបានផ្ញើសារ SMS គាំទ្រក្រុម G1 របស់លោកហូ នរមង្គល និងកញ្ញាឡោម លក្ខិណា ។ លេខដែលឈ្នះរង្វាន់ទាំងប្រាំរួមមានរង្វាន់ទី១ ៖ ០៩០ ៧២១ ០៩៩, រង្វាន់ទី២ ៖ ០៩០ ៨១៤ ០០៤, រង្វាន់ទី៣ ៖ ០៦៨ ៣៤១ ៨៦៥,រង្វាន់ទី៤ ៈ ០៦៦ ៦១៩ ០៦៦ និងរង្វាន់ទី៥ ៖ ០៦៨ ២៨៨ ៨២៨ ។
គួររំលឹកផងដែរថា កម្មវិធី «Cha-Cha-Cha» បានចាក់ផ្សាយតាមកញ្ចក់ទូរទស្សន៍បាយ័នអស់រយៈពេលជាង១១ខែមកហើយ ហើយតារាកិត្តិយស និងប្រិយមិត្តដែលបានចូលរួមលេងក្នុងកម្មវិធីនេះនៅសបា្តហ៍មុនៗ ធ្លាប់បានឈ្នះទឹកប្រាក់ច្រើនបំផុតរហូតដល់ជិតមួយលានរៀលក្នុងម្នាក់ៗ ។ លើសពីការកម្សាន្តសប្បាយដោយទទួលបានរង្វាន់ទឹកប្រាក់សុទ្ធ នៅក្នុងកម្មវិធី អតិថិជន Beeline ទាំងអស់ក៏អាចចូលរួមទស្សន៍ទាយថា ក្រុមណាមួយជាអ្នកឈ្នះដោយផ្ញើសារជាអក្សរ G1 ឬ G2 ឬ G3 ទៅកាន់លេខ៨៨៨ ដើម្បីទទួលបានរង្វាន់ជាទូរស័ព្ទដៃម៉ាក Beeline ដ៏ស្រស់ស្អាត និងកាតកោសជាច្រើនរង្វាន់ផងដែរ ។
លេខទូរស័ព្ទចំនួនប្រាំលេខនឹងត្រូវជ្រើសរើសដោយប្រព័ន្ធចាប់លេខផ្សងសំណាងរៀងរាល់សបា្តហ៍ថ្ងៃអាទិត្យ ដើម្បីទទួលបានរង្វាន់ទាំងប្រាំដែលរួមមានៈ រង្វាន់ទី១-ទូរស័ព្ទស៊ីមពីរម៉ាក Beeline (ស៊េរីG5500) ស៊ីមកាត និងកាតកោស ៥ដុល្លារ, រង្វាន់ទី២-ទូរស័ព្ទស៊ីមពីរម៉ាក Beeline (ស៊េរីR221) ស៊ីមកាត និងកាតកោស៥ដុល្លារ, រង្វាន់ទី៣-កាតកោសដែលមានទឹកប្រាក់២០ដុល្លារ, រង្វាន់ទី៤-កាតកោសដែលមានទឹកប្រាក់១០ដុល្លារ និងរង្វាន់ទី៥-កាតកោសដែលមានទឹកប្រាក់៥ដុល្លារ ។
សម្រាប់អ្នកឈ្នះរង្វាន់ជាកាតកោស ក្រុមហ៊ុននឹងបញ្ចូលទឹកប្រាក់ទៅក្នុងគណនីទូរស័ព្ទ ជូនដោយស្វ័យប្រវត្តិតែម្តង ។ ទន្ទឹមនឹងកម្មវិធី Cha-Cha-Cha នេះ ក្រុមហ៊ុន Beeline ក៏បាននាំយកកម្មវិធីកម្សាន្ត និងកម្មវិធីមានអត្ថប្រយោជន៍ជាច្រើនផ្សេងទៀត មកចាក់បញ្ចាំងតាមកញ្ចក់ទូរទស្សន៍ដូចជាកម្មវិធីឋានមនុស្សលោក កម្មវិធីដំណើរទេសចរណ៍កម្ពុជា កម្មវិធីប្រដាល់ កម្មវិធីព័ត៌មានប្រចាំថ្ងៃ កម្មវិធីប្រគំតន្ត្រី។ល។ ព្រមទាំងកម្មវិធីវិទ្យុជាច្រើនផ្សេងទៀត ៕
ចែករំលែកព័តមាននេះ