រាជធានីភ្នំពេញ ៖ ក្រុមបាល់ទាត់ព្រែកប្រាកីឡារកបាន៣ពិន្ទុបន្ថែមទៀតកើនបាន១០ពិន្ទុ បន្ទាប់ពីយកឈ្នះឫទ្ធីសែន ១-០ នៅក្នុងព្រឹត្តិការណ៍នៃការប្រកួតបាល់ទាត់ពានរង្វាន់ Metfone Cambodian Leaque 2011 ជុំទី២ នៅទីលានពហុកីឡដ្ឋានជាតិកាលពីរសៀលថ្ងៃអាទិត្យ ទី១៤ សីហា។ ដោយឡែកសម្រាប់ការជួបគ្នារវាងឆ្លាមសមុទ្រ
រាជធានីភ្នំពេញ ៖ ក្រុមបាល់ទាត់ព្រែកប្រាកីឡារកបាន៣ពិន្ទុបន្ថែមទៀតកើនបាន១០ពិន្ទុ បន្ទាប់ពីយកឈ្នះឫទ្ធីសែន ១-០ នៅក្នុងព្រឹត្តិការណ៍នៃការប្រកួតបាល់ទាត់ពានរង្វាន់ Metfone Cambodian Leaque 2011 ជុំទី២ នៅទីលានពហុកីឡដ្ឋានជាតិកាលពីរសៀលថ្ងៃអាទិត្យ ទី១៤ សីហា។ ដោយឡែកសម្រាប់ការជួបគ្នារវាងឆ្លាមសមុទ្រ និងណាហ្គាខបវិញត្រូវលើកពេលដោយសារតែភ្លៀងធ្លាក់ខ្លាំងពេកមិនអាចប្រកួតកើត។
ព្រែកប្រាកីឡាដែលទទួលជ័យជម្នះលើឫទ្ធីសែន ១-០ ធ្វើឱ្យក្រុមខ្មែរអ៊ិស្លាមមួយនេះកើនបាន១០ពិន្ទុ ប៉ុន្តែនៅមិនទាន់សង្ឃឹមថា នឹងអាចគេចផុតពី តំបន់កាត់ចោល ឬយ៉ាងណាទេ ព្រោះត្រូវប្រជែងគ្នាជាមួយឆ្លាមសមុទ្រទៀត ខណៈពេលដែលក្រុម២នេះមាន១០ពិន្ទុនៅក្នុងដៃដូចគ្នា។ កីឡាកររូន រ៉បីយ៉ា ពាក់អាវលេខ៤៦ជាអ្នករកបានបាល់១គ្រាប់ឱ្យព្រែកប្រាកីឡាពេលលេងបាន១៣នាទីដំបូងស្ថិតនៅក្នុងតង់ទី១។ ចូលដល់តង់ទី ២ ព្រែកប្រាមានឱកាសគ្រប់គ្រងបាល់បានច្រើនដដែល ប៉ុន្តែមិនមានឱកាសស៊ុតបាល់បញ្ចូលទីបានសម្រេចឡើយ។
ចំណែកការជួបគ្នារវាងណាហ្គាខប និងឆ្លាមសមុទ្រត្រូវលើកពេលទៅប្រកួតនៅថ្ងៃពុធ ទី១៧ សីហា វិញ បន្ទាប់ពីការប្រកួតចប់តង់ទី១ ហើយចូលដល់តង់ទី២មានភ្លៀងធ្លាក់ខ្លាំងពេករំខានដល់ការប្រកួត។ មុននឹងប្រកាសលើកពេលគណៈកម្មការបានទុករយៈពេល៣០នាទីដើម្បីរង់ចាំមើលក្រែងភ្លៀងរាំង ប៉ុន្តែទីបំផុតភ្លៀងធ្លាក់កាន់តែជោគជាំជាហេតុធ្វើឱ្យគណៈកម្មការរៀបចំការប្រកួតសម្រេចផ្អាកការប្រកួត៕
ចែករំលែកព័តមាននេះ