ក្រុងបាត់ដំបង ថ្ងៃទី១២ សីហា ឆ្នាំ២០១១ ៖ ក្រុមហ៊ុន Beeline ដែលជាក្រុមហ៊ុនផ្តល់សេវាបណ្តាញទូរស័ព្ទចល័តដ៏ធំលំដាប់ ថ្នាក់ទី៦ នៅលើពិភពលោក និងកំពុងមានប្រតិបត្តិការនៅតំបន់អាស៊ីអាគ្នេយ៍ ប្រទេសរុស្ស៊ី សមាគមរដ្ឋឯករាជ្យកុម៉្មុងវេលស៍ (CIS) ទ្វីបអឺរ៉ុប ទ្វីបអាេមរិកខាងជើង និងទ្វីបអាហ្វ្រិក បានធ្វើការ
ក្រុងបាត់ដំបង ថ្ងៃទី១២ សីហា ឆ្នាំ២០១១ ៖ ក្រុមហ៊ុន Beeline ដែលជាក្រុមហ៊ុនផ្តល់សេវាបណ្តាញទូរស័ព្ទចល័តដ៏ធំលំដាប់ថ្នាក់ទី៦ នៅលើពិភពលោក និងកំពុងមានប្រតិបត្តិការនៅតំបន់អាស៊ីអាគ្នេយ៍ ប្រទេសរុស្ស៊ី សមាគមរដ្ឋឯករាជ្យកុម៉្មុងវេលស៍ (CIS) ទ្វីបអឺរ៉ុប ទ្វីបអាេមរិកខាងជើង និងទ្វីបអាហ្វ្រិក បានធ្វើការប្រគល់រង្វាន់ជូនដល់អតិថិជនមានសំណាងពីការចាប់រង្វាន់លើកទី៧ ក្នុងកម្មវិធីប្រូម៉ូសិន Top Up នៅឯទីស្នាក់ការផ្នែកលក់សាខាបាត់ដំបង។
រង្វាន់ធំបំផុត គឺរថយន្តម៉ាក Chevrolet Spark ស៊េរីឆ្នាំ២០១១ ចំនួនមួយគ្រឿង ត្រូវបានប្រគល់ជូនលោកហេង ចំណាប់ ជាប្រជាពលរដ្ឋរស់នៅក្នុងភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ដែលបានឈ្នះនៅក្នុងការចាប់រង្វាន់ផ្សងសំណាងលើកទី៧ដែលត្រូវបានធ្វើឡើងកាលពីថ្ងៃទី៣០ កក្កដា ឆ្នាំ២០១១ កន្លងទៅនេះ។
ស្ថិតក្នុងវ័យ២៧ឆ្នាំ លោកហេង ចំណាប់ មានមុខរបរជាអ្នកបើកបរតាក់ស៊ី និងជាអតិថិជនប្រើប្រាស់លេខទូរស័ព្ទ 067 266 461 ។ លោកបានមានប្រសាសន៍ថា «ខ្ញុំប្រើប្រាស់ប្រព័ន្ធ Beeline ដោយសារតែមានសេវាល្អគ្រប់ទីកន្លែង និងមិនមានការរំខាន ឬរអាក់រអួល ក្នុងពេលសន្ទនា។ ហើយលើសពីនេះទៅទៀត តម្លៃហៅចេញរបស់ប្រព័ន្ធ Beeline ក៏ទាបជាងប្រព័ន្ធដទៃ។ ខ្ញុំអាចនិយាយជាមួយក្រុមគ្រួសារ មិត្តភក្តិ និងអតិថិជនរបស់ខ្ញុំបានកាន់តែយូរ និងងាយស្រួលជាងមុន។ ប្រើប្រព័ន្ធ Beeline ចំណេញទាំងប្រាក់ ចំណេញទាំងពេលវេលា!»។
ក្រៅពីនេះ ក្រុមហ៊ុនក៏បានធ្វើការប្រគល់រង្វាន់ដល់អតិថិជនមានសំណាងឈ្នះរង្វាន់ជាទូរស័ព្ទដៃស៊ីម២ ម៉ាក Beeline ដល់អ្នកស្រីអ៊ុំ សុភាព ជាគ្រូបង្រៀនផងដែរ។ ចំណែកអតិថិជនដែលមានអាសយដ្ឋាននៅរាជ ធានីភ្នំពេញ ខេត្តកំពង់ឆ្នាំង សៀមរាប និងកំពត ក្រុមហ៊ុនបានធ្វើការទំនាក់ទំនងទៅ ដើម្បីមកទទួលរង្វាន់ពីទីស្នាក់ការផ្នែកលក់ Beeline នៅទីនោះ ។ រីឯរង្វាន់ដែលជាកាតកោសតម្លៃ២០ដុល្លារ ចំនួន១០រង្វាន់ និងកាតកោសតម្លៃ១០ដុល្លារ ចំនួន៤០រង្វាន់នោះ ក្រុមហ៊ុនបានធ្វើការបញ្ចូលទឹកប្រាក់ដោយស្វ័យប្រវត្តិជូនដល់អតិថិជនមានសំណាងរួចជាស្រេចផងដែរ។
លក្ខខណ្ឌចូលរួមកម្មវិធីប្រូម៉ូសិនដ៏ធំអស្ចារ្យនេះ គឺអតិថិជន Beeline ទាំងអស់គ្រាន់តែបញ្ចូលទឹកប្រាក់ក្នុងគណនីទូរស័ព្ទ យ៉ាងតិច៣ដងក្នុងរយៈពេល២សប្តាហ៍ បន្ទាប់មកលេខទូរស័ព្ទរបស់គាត់នឹងត្រូវបានបញ្ចូលទៅក្នុងការចាប់រង្វាន់ផ្សងសំណាងខាងលើនេះដោយស្វ័យប្រវត្តិ។
រៀងរាល់២សប្តាហ៍ ក្រុមហ៊ុននឹងធ្វើការចាប់រង្វាន់ផ្សងសំណាងជូនដល់អតិថិជន ដែលរង្វាន់ធំគឺជារថយន្ត Chevrolet Spark ស៊េរីឆ្នាំ២០១១ មួយគ្រឿង និងរង្វាន់ជាច្រើនទៀតដូចជារង្វាន់ទូរស័ព្ទដៃ Beeline ស៊េរី R221 ចំនួន១០រង្វាន់ រង្វាន់កាតកោសតម្លៃ២០ដុល្លារចំនួន១០រង្វាន់ និងកាតកោសតម្លៃ១០ដុល្លារចំនួន៤០រង្វាន់។
ការចាប់រង្វាន់ផ្សងសំណាងនេះធ្វើឡើងដោយយុត្តិធម៌ និងមានការផ្សាយបន្តផ្ទាល់តាមកញ្ចក់ទូរទស្សន៍បាយ័ន នៅវេលាម៉ោង៧និង៣០នាទីយប់ ក្នុងកម្មវិធីឋានមនុស្សលោក ។ រាល់លេខទូរស័ព្ទរបស់អ្នកឈ្នះរង្វាន់ទាំងអស់នឹងត្រូវផ្សព្វផ្សាយនៅលើគេហទំព័ររបស់ក្រុមហ៊ុន Beeline ព្រមទាំងនៅក្នុងសេចក្តីប្រកាសព័ត៌មានចុះផ្សាយលើទំព័រកាសែតកម្ពុជាថ្មី រៀងរាល់ថ្ងៃអង្គារ។ ក្រុមការងារ Beeline ក៏នឹងជម្រាបជូនដល់អ្នកឈ្នះរង្វាន់ទាំងអស់អំពីការមកទទួលរង្វាន់ទាំងនោះពីក្រុមហ៊ុនផងដែរ។ ការចាប់រង្វាន់ផ្សងសំណាងលើកទី៨ ត្រូវប្រារព្ធធ្វើនៅថ្ងៃទី១៣ សីហា ឆ្នាំ២០១១។ ហើយការចាប់រង្វាន់លើកទី ៩ ដែលជាលើកចុងក្រោយនឹងប្រព្រឹត្តទៅនៅថ្ងៃទី២៧ សីហា ឆ្នាំ២០១១៕
ចែករំលែកព័តមាននេះ