រាជធានីភ្នំពេញ ៖ ក្រោមការរៀបចំពីសាលាតូរ្យតន្ត្រីស៊ីមហ្វូនី សាកលវិទ្យាល័យភូមិន្ទវិចិត្រសិល្បៈបានជួបពិភាក្សា និងផ្លាស់ប្តូរបទពិសោធន៍គ្នាលើផ្នែកតូរ្យតន្ត្រីដែលពិធីនោះ បានធ្វើឡើងកាលពីថ្ងៃទី១២ សីហា នៅសាលាតូរ្យតន្ត្រីស៊ីមហ្វូនី។ នេះគឺជាការផ្លាស់ប្តូរបទពិសោធន៍ផ្នែកតូរ្យតន្ត្រីមួយដែលមិន ធ្លាប់មានពីមុនមករវាង
រាជធានីភ្នំពេញ ៖ ក្រោមការរៀបចំពីសាលាតូរ្យតន្ត្រីស៊ីមហ្វូនី សាកលវិទ្យាល័យភូមិន្ទវិចិត្រសិល្បៈបានជួបពិភាក្សា និងផ្លាស់ប្តូរបទពិសោធន៍គ្នាលើផ្នែកតូរ្យតន្ត្រីដែលពិធីនោះបានធ្វើឡើងកាលពីថ្ងៃទី១២ សីហា នៅសាលាតូរ្យតន្ត្រីស៊ីមហ្វូនី។
នេះគឺជាការផ្លាស់ប្តូរបទពិសោធន៍ផ្នែកតូរ្យតន្ត្រីមួយដែលមិនធ្លាប់មានពីមុនមករវាងក្រុមតន្ត្រីករ VIVACE Youth Symphony Orchestra មកពីទីក្រុងហុងកុងក្នុងនោះមានការចូលរួមពីសាស្ត្រាចារ្យ ដែលមកពីសាកលវិទ្យាល័យភូមិន្ទវិចិត្រសិល្បៈ ជាមួយក្រុមតន្ត្រីករហុងកុង VIVACE Youth Symphony Orchestra និង I1 Mentore A Capella ដើម្បីជួបពិភាក្សាគ្នាអំពីបទពិសោធន៍ និងចំណាប់អារម្មណ៍ផ្នែកតូរ្យតន្ត្រីហើយក្រុមទាំងពីរក៏នឹងបង្ហាញជូនការសម្តែងឧបករណ៍ភ្លេងបែបបស្ចិមប្រទេស និងចំរៀងខ្មែរចិនផងដែរ។
លោកហ៊ុន ឡាក់ អគ្គនាយកសាលាតន្ត្រីស៊ីមហ្វូនី បានបង្ហាញថា «នេះគឺជាលើកទីមួយដែលសិល្បករកម្ពុជា និងហុងកុងមានកិច្ចពិភាក្សាមួយដោយផ្ទាល់ដើម្បីផ្លាស់ប្តូរបទពិសោធន៍ និងចំណាប់អារម្មណ៍លើវិស័យតូរ្យតន្ត្រី។ នេះជាព្រឹត្តិការណ៍ដែលកម្រមាន ហើយក៏ជាចំណុចចាប់ផ្តើមមួយដ៏ល្អសម្រាប់ប្រទេសជាតិ។
កិច្ចពិភាក្សានេះប្រព្រឹត្តទៅក្រោមការដឹកនាំរបស់លោកយស់ ច័ន្ទតារា ព្រឹទ្ធបុរស និងលោកប៉ិន សាមុល ព្រឹទ្ធបុរសរង ដែលជាគណៈសាស្ត្រាចារ្យផ្នែកតូរ្យតន្ត្រីនៃសាកលវិទ្យាល័យភូមិន្ទវិចិត្រសិល្បៈ និងកញ្ញា Hang Sin Law ថ្នាក់ដឹកនាំការិយាល័យអប់រំផ្នែកសិល្បៈនៅវិទ្យាល័យអាស៊ីថ្មី (New Asia Middle School) នៅហុងកុង និង Marcus Chow ដែលជាអ្នកតំណាងឱ្យក្រុមតន្ត្រី VIVACE Youth Symphony Orchestra។ នេះពិតជាឱកាសមួយដ៏ល្អក្នុងការប្តូរបទពិសោធន៍គ្នាទៅវិញទៅមករវាងតន្ត្រីករខ្មែរ និងហុងកុង៕
ចែករំលែកព័តមាននេះ