ប្រទេសម៉ាលី ៖ មានការពួនស្ទាក់វាយប្រហារមួយ កាលពីថ្ងៃទី២៨ កញ្ញា កន្លងមកនេះ នៅកន្លែងមួយស្ថិតនៅចន្លោះក្រុងទីអ៉ីម៉ាបា និងក្រុងវីវ៉ូ ភាគខាងជើងតំបន់នីអូណូ ជាតំបន់មានទីតាំងរបស់ក្រុមជីហាដម៉ាលី JNIM ចាប់តាំងពីយូរឆ្នាំមកហើយ។
ពួកជីហាដបានពួនស្ទាក់វាយប្រហារដំបូងដោយប្រើដ្រូន ប្រឆាំងបណ្ដារថយន្តយោធា មុនពេលពួកគេចេញពិនិត្យបណ្ដាការខូចខាត ហើយថតរូបភាពសម្រាប់យកទៅផ្សាយឃោសនាតាមបណ្ដាញសង្គម។ ការពួនស្ទាក់វាយប្រហារនោះ ប្រកាសទទួលខុសត្រូវដោយពួកJNIM ដែលអះអាងពីទាហានរុស្ស៊ី ក្នុងកងកម្លាំងAFRICA CORPSស្លាប់ ឬរបួស៧នាក់ និងពីការរឹបអូសយកអាវុធ និងសម្ភារយោធា។ គេមិនបាននិយាយពីកងទាហានម៉ាលីឡើយ។ ប្រភពផ្សេងៗរៀបរាប់ពីទាហានរុស្ស៊ីយ៉ាងតិច៤នាក់ស្លាប់ និងច្រើននាក់រងរបួស។
ចំណែកពួកឧទ្ទាមឯករាជ្យនិយមនៃរណសិរ្ស FLA ដែលប្រយុទ្ធប្រឆាំងកងទ័ពម៉ាលី និងកងទាហានAFRICA CORPSរុស្ស៊ី រួមគ្នាជាមួយពួកជីហាដក្រុម JNIM នៅភាគខាងជើងប្រទេស អះអាងពីការវាយប្រហារដោយដ្រូនអត្តឃាត កាលពីថ្ងៃទី២៩ កញ្ញា ប្រឆាំងបន្ទាយយោធាម៉ាលី នៅ GOUNDAM តំបន់តោមប៊ុកទូ តែមិនបាននិយាយពិតុល្យការឡើយ ៕
ចែករំលែកព័តមាននេះ