ប្រទេសចិន ៖ តាមទីភ្នាក់ងារព័ត៌មានចិនស៊ីនហួថា ចិនគ្រោងបង្ហើយការធ្វើផែនទីភូមិសាស្ត្រភពព្រះអង្គារជំនន់ថ្មីឲ្យបានហើយ នាដំណាច់ឆ្នាំ២០២៨ខាងមុខនេះ ក្នុងគោលបំណងបញ្ចូលប្រព័ន្ធចិនបែងចែកពេលវេលាភូមិសាស្ត្រភពព្រះអង្គារ ។
លោក HOU ZENGQIAN សមាជិកបណ្ឌិតសភាវិទ្យាសាស្ត្រចិន និងជាប្រមុខអ្នកវិទ្យាសាស្ត្រនៃបេសកកម្មនាំយកគំរូដីភពព្រះអង្គារមកកាន់ផែនដី តាមរយៈយានTIANWEN-3 បានលាតត្រដាងគម្រោងនោះ ក្នុងឱកាសនៃសន្និសីទវិទ្យាសាស្ត្រមួយកាលពីថ្ងៃទី២៨ កញ្ញា នៅវិទ្យាស្ថានភូមិវិទ្យារបស់បណ្ឌិតសភាវិទ្យាសាស្ត្រភូមិវិទ្យាចិន។
យានZHURONG ដែលចិនបញ្ជូនទៅចុះនៅភពព្រះអង្គារកាលពីឆ្នាំ២០២១ ក្នុងក្របខណ្ឌនៃបេសកកម្មTIANWEN-1បានផ្ដល់សញ្ញាថ្មីពីប្រវត្តិទឹករបស់ភពព្រះអង្គារ ។ ផែនទីថ្មីនោះ យកជាមូលដ្ឋានសម្រាប់បែងចែកពេលវេលាភូមិសាស្ត្រភពព្រះអង្គារ។
ផែនទីថ្មីនៃភពព្រះអង្គារនោះ ដែលគ្រោងធ្វើបង្ហើយនាចុងឆ្នាំ២០២៨ រួមមានផែនទីភូមិសាស្ត្រភពព្រះអង្គារខ្នាត១/៥០០០.០០០ និងផែនទីខ្នាត១/៥០.០០០។ គម្រោងនេះក៏នឹងចេញផ្សាយផងដែរផែនទីភូមិសាស្ត្រមានបញ្ញារបស់ភពព្រះអង្គារប្រាប់ដល់ពិភពលោក ហើយនឹងផ្ដល់គំរូសម្រាប់គូសវាសផែនទីភពព្រះចន្ទ ភពវេនុស និងអាចម៍ផ្កាយទាំងឡាយ ៕
ចែករំលែកព័តមាននេះ