ស្រាយគំនុំចា.ស់! ដេញកា.ប់យុវជន ២នាក់កំពុងលេងទូរស័ព្ទមុខផ្ទះ សំណាងល្អគេចទាន់ ចុងក្រោយត្រូវចាប់ខ្លួន
- កំពង់ស្ពឺ
ខេត្តកំពង់ស្ពឺ៖ ជនសង្ស័យជាប់ពាក់ព័ន្ធករណីប៉ុនប៉ងមនុស្សឃាដោយចេតនា(ប្រើកាំបិតក្រចែត) ដេញកាប់យុវជនពីរនាក់សំណាងល្អមិនមានរងរបួស។ ត្រូវបាននគរបាលស្រុកបសេដ្ឋ ធ្វើការឃាត់ខ្លួន ព្រោះតែស្រាយគំនុំចាស់ ដេញកាប់យុវជនពីរនាក់កំពុងលេងទូរស័ព្ទក្នុងផ្ទះ។
ការឃាត់ខ្លួនជនសង្ស័យម្នាក់ពាក់ព័ន្ធករណីប៉ុនប៉ងមនុស្សឃាតដោយចេតនា បានធ្វើឡើងកាលពីថ្ងៃទី២៧ ខែកញ្ញា ឆ្នាំ២០២៦ ស្ថិតនៅក្នុងភូមិសំបូរមាស ឃុំផុង ស្រុកបសេដ្ឋ ខេត្តកំពង់ស្ពឺ ។
នគរបាលស្រុកបសេដ្ឋ បាននិយាយឱ្យដឹងថា ជនសង្ស័យដែលឃាត់ខ្លួនបាន មានឈ្មោះ ចក់ សីហៈ ភេទប្រុស អាយុ១៦ឆ្នាំមុខរបរមិនពិតប្រាកដ រស់នៅក្នុងភូមិសំបូរមាស ឃុំផុង ស្រុកបសេដ្ឋ ខេត្តកំពង់ស្ពឺ ។
នគរបាលស្រុកបសេដ្ឋ បានបន្តឱ្យដឹងទៀតថា នៅមុនពេលកើតហេតុ គឺនៅវេលាម៉ោង៨យប់ថ្ងៃទី២៦ ខែកញ្ញា ឆ្នាំ២០២៦ មានជនសង្ស័យឈ្មោះ ចក់ សីហៈ ភេទប្រុស អាយុ១៦ឆ្នាំ រស់នៅក្នុងភូមិសំបូរមាស ឃុំផុង ស្រុកបសេដ្ឋ ខេត្តកំពង់ស្ពឺ បានកាន់កាំបិតក្រចែតដើរចូលទៅក្នុងផ្ទះ របស់ជនរងគ្រោះ រួចធ្វើសកម្មភាព ទាញកាំបិតទៅកាប់ជនរងគ្រោះឈ្មោះ ប៊ន សេងហ័ន ភេទប្រុស អាយុ២២ឆ្នាំ និងឈ្មោះចេវ ភារម្យ ភេទប្រុសអាយុ២១ ឆ្នាំរស់នៅភូមិ-ឃុំជាមួយគ្នា ខណៈដែលជនរងគ្រោះ ទាំង២នាក់កំពុងតែអង្គុយលេងទូរស័ព្ទនៅលើបង់ពីមុខផ្ទះ ប៉ុន្តែមិនបណ្ដាលឲ្យរងរបួសឡើយដោយជនរងគ្រោះឃើញបានរត់គេចខ្លួនទាន់ ក្រោយពីធ្វើសកម្មភាពរួចជនសង្ស័យ(ចក់ សីហៈ) បានកាន់កាំបិតរត់គេចខ្លួនចេញពីកន្លែងកើតហេតុបាត់ ។
នគរបាលស្រុកបសេដ្ឋបានបន្ថែមទៀតថា លុះដល់ព្រឹកថ្ងៃទី២៧ ខែកញ្ញា ឆ្នាំ២០២៦ ឈ្មោះឈឹម សុភាព ភេទស្រី អាយុ៤៣ឆ្នាំ រស់នៅភូមិ-ឃុំខាងលើ ត្រូវជាម្ដាយជនរងគ្រោះ បានរាយការណ៍មកសមត្ថកិច្ច និងដាក់បណ្ដឹងនៅប៉ុស្ដិ៍នគរបាលរដ្ឋបាលផុង សុំឲ្យ សមត្ថកិច្ចជួយអន្តរាគមន៍ និងចាត់ការជនសង្ស័យ(ចក់ សីហៈ) ទៅតាមផ្លូវច្បាប់ ។ ក្រោយពីទទួលបាន ពាក្យបណ្ដឹងខាងលើរួចមក កម្លាំងជំនាញព្រហ្មទណ្ឌ នៃអធិការដ្ឋាននគរបាលស្រុកបសេដ្ឋ សហការជាមួយប៉ុស្តិ៍ផុង បានចុះដល់កន្លែងកើតហេតុធ្វើការឃាត់ខ្លួនជនសង្ស័យ(ឈ្មោះ ចក់ សីហៈ) រួមទាំងវត្ថុតាង(កាំបិតក្រចែត) យកមកសួរនាំ នៅអធិការដ្ឋាននគរបាលស្រុកបសេដ្ឋ ដើម្បីចាត់ការតាមនីតិវិធី ។
នគរបាលស្រុកបសេដ្ឋបានបន្តឱ្យដឹងទៀតថា បើយោងតាមចម្លើយរបស់ជនសង្ស័យ ឈ្មោះ(ចក់ សីហៈ) បានឆ្លើយសារភាពថា ខ្លួនពិតជាបានធ្វើសកម្មភាពកាន់កាំបិតរត់ទៅកាប់ ជនរងគ្រោះ( ឈ្មោះ ប៊ន សេងហ័ន និងឈ្មោះចេវ ភារម្យ) ពិតប្រាកដមែន ។មូលហេតុ ជនសង្ស័យ(ឈ្មោះចក់ សីហៈ) ជាមនុស្សមានចរិកកាចសាហាវ និងមានគំនុំ ជាមួយជនរងគ្រោះកន្លងមក ផង ទើបឈានទៅទាញកាំបិតដេញកាប់បែបនេះទៅ ដើម្បីស្រាយគំនុំចាស់ ។
នគរបាលស្រុកបសេដ្ឋបានបញ្ជាក់ថា ក្រោយឃាត់ខ្លួនជនសង្ស័យរួមជាមួយនឹងវត្ថុតាងនគរបាលបានកសាងសំណុំរឿងបញ្ជូនទៅស្នងការដ្ឋាននគរបាលខេត្តកំពង់ស្ពឺដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ