ពីខែមករា ដល់ខែសីហា ឆ្នាំ២០២៦ តម្រូវការទូរស័ព្ទមកបំពេញតម្រូវការនៅទីផ្សារនៅកម្ពុជា បានធ្លាក់ចុះគួរឲ្យកត់សម្គាល់ ។
ស្ថិតិមួយដែលទទួលបាន កាលពីថ្ងៃទី២៨ ខែកញ្ញា ឆ្នាំ២០២៦ បានឲ្យដឹងថា ពីខែមករា ដល់ខែសីហា ឆ្នាំ២០២៦ កម្ពុជានាំចូលទូរស័ព្ទ មានតម្លៃត្រឹមតែ១៦,៣៧ លានដុល្លារទេ គឺធ្លាក់ចុះប្រមាណជាជិត៣៣ភាគរយ។
គួររំលឹកថា កាលពីអំឡុងពេលដដែល នៅក្នុងឆ្នាំ២០២៥ កម្ពុជានាំចូលទូរស័ព្ទគ្រប់ប្រភេទ មានតម្លៃដល់ទៅជាង២៤លានដុល្លារ ។
អ្នកវិភាគនិយាយថា ការនាំចូលទូរស័ព្ទធ្លាក់ចុះ អាចមកពីការថយចុះនៃតម្រូវការក្នុងស្រុក ដែលបណ្តាលមកពីការរកលុយមិនសូវបាន ក្នុងស្ថានភាពសេដ្ឋកិច្ចបច្ចុប្បន្ន ។ ប្រភពនាំចូលទូរស័ព្ទមកកាន់កម្ពុជានៅពេលនេះ មួយចំនួនធំ គឺនាំចូលមកពីចិន ៕
ចែករំលែកព័តមាននេះ