ជំនន់ទឹកភ្លៀងលិចផ្លូវជាតិលេខ៦ ត្រង់ចំណុចជញ្ជីងថ្លឹងរថយន្តរលួស អាជ្ញាធរណែនាំឱ្យប្រើប្រាស់ផ្លូវវាង ព្រោះទឹកជន់លិចហូរកាត់ផ្លូវ ។
ជាក់ស្តែងប៉ុស្ដិ៍នគរបាល រដ្ឋបាលរលួស បានប្រកាសនាព្រឹកថ្ងៃទី២៥ ខែកញ្ញានេះថា ៖ ប៉ុស្តិ៍នគរបាលរដ្ឋបាលរលួស សូមជូនដំណឹងដល់សាធារណៈជន ដែលធ្វើដំណើរឆ្លងកាត់ផ្លូវជាតិលេខ៦ ត្រង់ចំនុចកន្លែងជញ្ជីងថ្លឹងរថយន្ត ខាងលិចផ្លូវបំបែក (ផ្លូវហ្វាយវេ) ដោយសារទឹកជំនន់ មានការជន់លិចហូរកាត់ផ្លូវ ។
ប៉ុស្ដិ៍នគរបាល រដ្ឋបាលរលួស បានបន្តថា ចំពោះបងប្អូនដែលមានរថយន្តទាបៗ អាចធ្វើដំណើរតាមផ្លូវវាងបាន ដោយមានកម្លាំងចរាចរណ៍នៃអធិការដ្ឋាននគរបាលស្រុកប្រាសាទបាគង កម្លាំងប៉ុស្តិ៍រលួស កម្លាំងប៉ុស្តិ៍បាគង និងប្រជាការពារចង្អុលបង្ហាញផ្លូវបងប្អូន មកពីក្រុងសៀមរាប អាចធ្វើដំណើរចុះតាមផ្លូវ(២៦៥E) ឆ្ពោះទៅកំផ្សាររលួស ឡើងស្ពានតាប៉ាន់ ចេញទៅផ្សារអង្គ្រងវិញ តាមផ្លូវជាតលេខ៦វិញ ៕
ចែករំលែកព័តមាននេះ