រាជធានីភ្នំពេញ ៖ អតីតកញ្ញាឯក BRIDGESTONE ចំណាត់លេខ២ ឆ្នាំ២០០៩ ឆ្លងកាត់ជីវិតជាតារាសម្តែងកាយវិការខារ៉ាអូខេ និងភាពយន្តក្នុងរយៈពេលជិត៣ឆ្នាំ កន្លងមកនេះគឺកញ្ញាមាស សុម៉ាលីន វ័យ១៩ឆ្នាំ បានទទួលជោគជ័យលើអាជីពលិល្បៈជាបន្តបន្ទាប់។ នាងបានក្លាយជាតួឯកក្នុងខ្សែភាពយន្តរឿង «ស្រណោះទឹកគ្រឿងរបស់ម៉ែ»
រាជធានីភ្នំពេញ ៖ អតីតកញ្ញាឯក BRIDGESTONE ចំណាត់លេខ២ ឆ្នាំ២០០៩ ឆ្លងកាត់ជីវិតជាតារាសម្តែងកាយវិការខារ៉ាអូខេ និងភាពយន្តក្នុងរយៈពេលជិត៣ឆ្នាំ កន្លងមកនេះគឺកញ្ញាមាស សុម៉ាលីន វ័យ១៩ឆ្នាំ បានទទួលជោគជ័យលើអាជីពលិល្បៈជាបន្តបន្ទាប់។ នាងបានក្លាយជាតួឯកក្នុងខ្សែភាពយន្តរឿង «ស្រណោះទឹកគ្រឿងរបស់ម៉ែ»។
ពេលនេះនាងកំពុងតែឡើងកូដខ្លាំងគឺក្រៅពីមមាញឹកសម្តែងកាយវិការខារ៉ាអូខេឱ្យផលិតកម្មជាច្រើនទាំងក្នុង និងក្រៅប្រទេស នាងកំពុងមមាញឹកសម្តែងស្ប៉តនិងថតភាពយន្តថ្មីជាច្រើនរឿងទៀត ។ មិនតែប៉ុណ្ណោះកញ្ញាសុម៉ាលីន ក៏មមាញឹកក្នុងការបង្ហាញម៉ូដឱ្យក្រុមហ៊ុនមួយចំនួនទៀត ផង ដើម្បីបង្ហាញផលិតផលថ្មីៗ ទើបនាំចូលពីបរទេស។
ក្រៅពីទទួលជោគជ័យលើវិស័យសិល្បៈសម្តែងថ្មីៗនេះ នាងស៊ីម៉ាលីនត្រូវអាណិកជនខ្មែរអាមេរិកពេញចិត្ត ហើយទិញរថយន្តទំនើបម៉ាក TOYOTA CAMARY បាឡែនស៊េរី ២០០៣ ពណ៌ខ្មៅជូនជាកាដូ។ នេះជាព័ត៌មានថ្មីមួយ តែទោះជាយ៉ាងណាក្តីកញ្ញាមាស សុម៉ាលីន បដិសេធថា គ្មានអាណិកជនខ្មែរនៅអាមេរិកណាម្នាក់ទិញរថយន្តទំនើបឱ្យនាងទេ។ ប្រហែលជាគេធ្លាប់ឃើញនាងកាលពីមុនជិះរថយន្តម៉ាក TOYOTA ប្រ៊ូសរាងតូចច្រឡឹងនិងពេលនេះបែរជាងាកមកជិះរថយន្តកាមរីស៊េរី២០០៣ (បាឡែន) គេក៏និយាយបែបនោះទៅ។ តាមការពិតឪពុកម្តាយ និងបងស្រីនាងជាអ្នកទិញឱ្យគ្រាន់ជិះទៅសម្តែង និងទៅណាមកណាមានការងាយស្រួលប៉ុណ្ណោះ។
កញ្ញាមាស សុម៉ាលីន ទទួលការគាំទ្រពីប្រិយមិត្តទស្សនិកជនជាច្រើនរហូតឡើងកូដក្នុងឆ្នាំ២០១១នេះ ដោយសារតែនាងមានរូបសម្ផស្សស្រស់ស្អាត សាច់ខ្ចី ហ៊ានស្លៀកពាក់សិចស៊ី បង្ហាញដើមទ្រូង និងមានសមត្ថភាព ទេពកោសល្យសម្តែងល្អ។ ជាពិសេសនោះសុម៉ាលីន ត្រូវអ្នកដឹកនាំសំដែងកោតសរសើរថា នាងអាចសម្តែងបានគ្រប់បែបយ៉ាងទាំងអស់គឺសម្តែងជាតួក្រមិចក្រមើម ឬតួអង្គកាចឆ្នាសឆ្នើម និងតួកម្សត់។ ដូច្នេះហើយទើបពេលនេះនាងត្រូវបានផលិតកម្មមួយចំនួនទាំងក្រៅ និងក្នុងប្រទេសផ្តោតការចាប់អារម្មណ៍លើរូបនាង។ ក្នុងខែសីហានេះមានក្រុមហ៊ុនផលិតភាពយន្តមកពីក្រៅប្រទេសមួយជ្រើសរើសយកនាងឱ្យចូលរួមសម្តែងចំនួន៣រឿងជាប់គ្នាតែនាងមិនទាន់ប្រាប់ចំណងជើង និងរឿងនោះទេ។
កញ្ញាមាស សុម៉ាលីន ក្រៅពីក្លាយជាតារាសម្តែងកាយវិការ និងភាពយន្តក៏នៅតែមានមហិច្ឆតាចង់ក្លាយជាពិធីការិនី និងជាអ្នកចម្រៀងកិត្តិយសក្នុងកម្មវិធីទូរទស្សន៍នានាទៀតផង។ ជាការពិតណាស់សម្រាប់អ្នកសិល្បៈគ្រប់រូបតែងតែមានមហិច្ឆតាធំធេងណាស់ដើម្បីភាពល្បីល្បាញតែភាពល្បីល្បាញកម្រិតណាពាក្យចចាមអារ៉ាមក៏សម្បូរកម្រិតនោះដែរ។ កញ្ញារូបសម្ផស្សស្រស់ស្អាតរូបនេះអះអាងថា បេះដូងនាងមិនទាន់ជាប់ពាក់ព័ន្ធស្នេហាជាមួយបុរសណាទេ៕
ចែករំលែកព័តមាននេះ