រាជធានីភ្នំពេញ ៖ ការប្រកួតកីឡាមហាជន សម្រាប់ឆ្នាំ២០១១ បានដំណើរការប្រកួតចំនួន២ថ្ងៃមកហើយ ចាប់តាំងពីថ្ងៃទី៩ ដល់ថ្ងៃទី១០ សីហា ដែលការប្រកួតត្រូវបានគេរៀបចំធ្វើឡើងនៅតាមមណ្ឌលចំនួន៥ គឺមណ្ឌលរាជធានីភ្នំពេញ មណ្ឌលខេត្តព្រៃវែង មណ្ឌលខេត្តតាកែវ មណ្ឌលខេត្តស្ទឹងត្រែង និងមណ្ឌលខេត្តប៉ៃលិន។ វិញ្ញាសា
រាជធានីភ្នំពេញ ៖ ការប្រកួតកីឡាមហាជន សម្រាប់ឆ្នាំ២០១១ បានដំណើរការប្រកួតចំនួន២ថ្ងៃមកហើយ ចាប់តាំងពីថ្ងៃទី៩ ដល់ថ្ងៃទី១០ សីហា ដែលការប្រកួតត្រូវបានគេរៀបចំធ្វើឡើងនៅតាមមណ្ឌលចំនួន៥ គឺមណ្ឌលរាជធានីភ្នំពេញ មណ្ឌលខេត្តព្រៃវែង មណ្ឌលខេត្តតាកែវ មណ្ឌលខេត្តស្ទឹងត្រែង និងមណ្ឌលខេត្តប៉ៃលិន។ វិញ្ញាសាដែលដាក់ឱ្យប្រកួតមានបាល់ទាត់ បាល់ទះ បាល់បោះ និងអត្តពលកម្ម។
លោកហ៊ុន សាមុត អនុប្រធាននាយកដ្ឋានអប់រំកាយ និងកីឡា បានឱ្យដឹងថា សម្រាប់លទ្ធផលដែលទទួលបានជាផ្លូវការកាលពីថ្ងៃទី៩ នៅមណ្ឌលរាជធានីភ្នំពេញ វិញ្ញាសាបាល់ទាត់ ដែលធ្វើនៅទីលានវិទ្យាល័យបឹងត្របែក ក្រុមបាល់ទាត់ ក្រសួងព័ត៌មាន បានយកឈ្នះក្រុមបាល់ទាត់រាជធានីភ្នំពេញក្នុងលទ្ធផល ៣-២។នៅមណ្ឌលខេត្តព្រៃវែង បាល់ទាត់ក្រុមខេត្តកណ្តាល បានយកឈ្នះខេត្តកំពង់ឆ្នាំង៥-២។ វិញ្ញាសាបាល់ទះក្រុមខេត្តកណ្តាល បានយកឈ្នះក្រុមខេត្តកំពង់ធំ ៣សិតទល់២សិត វិញ្ញាសាបាល់បោះក្រុមខេត្តព្រៃវែង បានលេងចាញ់ក្រុមខេត្តស្វាយរៀង ក្នុងលទ្ធផល៤៥ទល់៥៧ពិន្ទុ។មណ្ឌលខេត្តតាកែវ វិញ្ញាសាបាល់ទាត់ ក្រុមខេត្តកោះកុង បានយកឈ្នះខេត្តកំពង់ស្ពឺ ៤-០។ វិញ្ញាសាបាល់ទះ ក្រុមខេត្តតាកែវ បានយកឈ្នះខេត្តកំពត៣សិតទល់នឹង២សិត។ មណ្ឌលខេត្តស្ទឹងត្រែង វិញ្ញាសាបាល់ទះ ខេត្តក្រចេះ បានយកឈ្នះខេត្តព្រះវិហារ៣សិតទល់០។
មណ្ឌលខេត្តប៉ៃលិន វិញ្ញាសាបាល់ទាត់ខេត្តពោធិ៍សាត់ បានយកឈ្នះខេត្តឧត្តរមានជ័យ ៤-១ វិញ្ញាសាបាល់ទះ ខេត្តឧត្តរមានជ័យ បានយកឈ្នះខេត្តប៉ៃលិន ៣សិតទល់២សិត។ ចំពោះលទ្ធផលនៃការប្រកួតសម្រាប់ថ្ងៃទី១០ សីហា វិញ មណ្ឌលរាជធានីភ្នំពេញវិញ្ញាសាបាល់ទាត់ក្រុមស៊ីម៉ាក់ បានយកឈ្នះក្រុមគណៈកម្មាធិការជាតិគ្រប់គ្រងគ្រោះមហន្តរាយ១០-០។ វិញ្ញាសាបាល់ទះក្រុមរាជធានីភ្នំពេញបានយកឈ្នះក្រុមស៊ីម៉ាក់៣សិតទល់២សិត។ ផ្នែកអត្តពលកម្ម វិញ្ញាសាចោលដុំដែក បានរកឃើញអ្នកដែលទទួលជ័យជម្នះជាបណ្តើរៗហើយ។
ផ្នែកនារី លេខ១ បានទៅកីឡាការិនីធឿន ម៉ារ៉ានាថ មកពីរាជធានីភ្នំពេញ ចោលបានចម្ងាយ៨,៥៣ម៉ែត្រ។ លេខ២ អ៊ុក ធាវី មកពីអគ្គស្នងការនគរបាលជាតិ ចោលបានចម្ងាយ៨,៩ម៉ែត្រ។ លេខ៣ សំរដ្ឋា មកពីសាកលវិទ្យាល័យធនធានមនុស្ស ចោលបាន៧,៨៧ម៉ែត្រ។ ផ្នែកបុរសលេខ១ បានទៅលើលៀម វាស្នា អគ្គស្នងការនគរបាលជាតិ ចោលបាន១០,៨៦ម៉ែត្រ លេខ២ រិច អារ៉ាន់ អគ្គស្នងការនគរបាលជាតិ ចោលបាន១០,២១ម៉ែត្រ និងលេខ៣ ម៉េង សុខគ្រី ក្រសួងការពារជាតិ ចោលបាន៩,៤៣ម៉ែត្រ។
មណ្ឌលព្រៃវែង វិញ្ញាសាបាល់ទះក្រុមខេត្តព្រៃវែង យកឈ្នះខេត្តកំពង់ឆ្នាំង ៣សិត០។ មណ្ឌលតាកែវ វិញ្ញាសាបាល់ទះ បញ្ជាការដ្ឋានអង្គរក្ស យកឈ្នះខេត្តព្រះសីហនុ ៣សិតទល់១សិត។ មណ្ឌលខេត្តស្ទឹងត្រែង វិញ្ញាសាបាល់ទាត់ក្រុមខេត្តស្ទឹងត្រែងយកឈ្នះព្រះវិហារ៣-០ និងមណ្ឌលប៉ៃលិនបាល់ទាត់ ខេត្តប៉ៃលិន យកឈ្នះខេត្តបាត់ដំបង៤-១ ។
ខេត្តតាកែវ ៖ នារសៀលថ្ងៃទី១០ និង១១ សីហា នៅទីលានបាល់ទាត់ខេត្តតាកែវ មានរៀបចំបើកការប្រកួតកីឡាមហាជនជ្រើសរើសជើងឯកប្រចាំភូមិភាគក្របខណ្ឌក២ ឆ្នាំ២០១១ ក្រោមអធិបតីភាពលោកមាស សារិន អនុរដ្ឋលេខាធិការក្រសួងអប់រំ យុវជន និងកីឡា លោកអ៊ិត សុខ អភិបាលរងខេត្ត ដោយមានការចូលរួមពីប្រធាន អនុប្រធានមន្ទីរជុំវិញខេត្ត គណៈកម្មាធិការដឹកនាំ កីឡាករ កីឡាការិនី និងប្រជាពលរដ្ឋយ៉ាងច្រើនកុះករ ។
លោកពៅ ដារ៉ា ប្រធានមណ្ឌលភូមិភាគតាកែវ បានឱ្យដឹងថា ការប្រកួតកីឡាមហាជនជ្រើសរើសជើងឯកនាពេលនេះ ចាប់ផ្តើមពីថ្ងៃទី៨ ដល់ថ្ងៃទី២២ សីហា ឆ្នាំ២០១១ លើវិញ្ញាសាបាល់ទាត់ បាល់ទះ បាល់បោះ និងអត្តពលកម្ម ហើយចាប់ពីពេលនេះទៅរហូតដល់ថ្ងៃបញ្ចប់ការប្រកួត កីឡាករ កីឡាការិនីតាមក្រុមនីមួយៗ ត្រូវបញ្ចេញឱ្យអស់ពីសមត្ថភាព និងត្រូវអនុវត្តទៅតាមបទបញ្ជាបច្ចេកទេសរបស់គណៈកម្មាធិការរៀបចំការប្រកួតឱ្យបានត្រឹមត្រូវ ។
លោកប្រធានមណ្ឌលភូមិភាគបានបន្តទៀតថា ចំពោះក្រុមកីឡាដែលត្រូវចូលមកប្រកួតនាពេលនេះ មាន៧ក្រុមមកពី១-ខេត្តតាកែវ មានវិញ្ញាសាបាល់ទាត់ បាល់ទះ បាល់បោះ អត្តពលកម្ម បុរស-នារី ២-ខេត្តកំពត មានវិញ្ញាសាបាល់ទាត់ បាល់ទះ បាល់បោះ អត្តពលកម្មបុរស-នារី ៣-ខេត្តកែប មានវិញ្ញាសាបាល់ទាត់ អត្តពលកម្ម បុរស-នារី ៤-ខេត្តព្រះសីហនុ មានវិញ្ញាសាអត្តពលកម្មបុរស-នារី ៥-ខេត្តកោះកុង មានវិញ្ញាបាល់ទាត់ ៦-ខេត្តកំពង់ស្ពឺ មានវិញ្ញាសាបាល់ទាត់ បាល់បោះ បាល់ទះ អត្តពលកម្មបុរស-នារី និង៧-ក្រុមអង្គរក្ស មានវិញ្ញាសា បាល់ទះ បុរស ។ សរុបកីឡាបាល់ទាត់មាន៥ក្រុម បាល់បោះ៣ក្រុម បាល់ទះ៤ក្រុម និងអត្តពលកម្ម៥ក្រុម។
លោកអ៊ិត សុខ អភិបាលរងខេត្ត និងលោកមាស សារិន អនុរដ្ឋលេខាធិការក្រសួងអប់រំ យុវជន និងកីឡា បានមានប្រសាសន៍ស្រដៀងគ្នាថា ការប្រកួតកីឡា គឺជាការជួបជុំគ្នាគ្រប់មជ្ឈដ្ឋានសង្គម ដើម្បីចាប់ដៃគ្នាផ្លាស់ប្តូរបទពិសោធន៍ មានសាមគ្គីភាព មិត្តភាព ចេះអធ្យាស្រ័យគ្នា ដោយអភិវឌ្ឍន៍ប្រទេសជាតិ។ ការប្រកួតកីឡានាពេលនេះធ្វើឡើងដើម្បីវាស់ស្ទង់កម្រិតបច្ចេកទេសកីឡាករ កីឡាការិនី និងជ្រើសរើសកីឡាករឆ្នើមៗសម្រាប់ត្រៀមប្រកួតកីឡាថ្នាក់ជាតិ ថ្នាក់តំបន់ ថ្នាក់អន្តរជាតិ សំដៅលើកស្ទួយកិត្តិយសជាតិឱ្យអន្តរជាតិបានស្គាល់ពីទង់ជាតិ និងភ្លេងជាតិខ្មែរ។ ដូច្នេះពីពេលចាប់ផ្តើមប្រកួតនេះទៅ សូមគ្រូបង្វឹកដឹកនាំកីឡាករគ្រប់លំដាប់ថ្នាក់ ត្រូវខិតខំពង្រឹងពង្រីកការហ្វឹកហាត់កីឡាកររបស់ខ្លួនឱ្យកាន់តែខ្លាំងក្លាថែមទៀត ដើម្បីទៅចូលរួមប្រកួតថ្នាក់ជាតិនៅខេត្តពោធិ៍សាត់ នាពេលខាងមុខ ៕
ចែករំលែកព័តមាននេះ