រាជធានីភ្នំពេញ ៖ ការយកឈ្នះ១-០ លើក្រុមបាល់ទាត់បៀលប្រាយយូណាយធីត បានធ្វើឱ្យក្រុមព្រះខ័នរាជ្យកើនបាន២៨ពិន្ទុស្ទុះឡើងមកនៅលេខរៀងទី៣ ក្នុងតារាងជាបណ្តោះអាសន្នសម្រាប់ការប្រកួតបាល់ទាត់ពានរង្វាន់ Metfone Cambodian League 2011ជុំទី២ នៅទីលានពហុកីឡដ្ឋានជាតិកាលពីរសៀលថ្ងៃពុធទី១០សីហា។
រាជធានីភ្នំពេញ ៖ ការយកឈ្នះ១-០ លើក្រុមបាល់ទាត់បៀលប្រាយយូណាយធីត បានធ្វើឱ្យក្រុមព្រះខ័នរាជ្យកើនបាន២៨ពិន្ទុស្ទុះឡើងមកនៅលេខរៀងទី៣ ក្នុងតារាងជាបណ្តោះអាសន្នសម្រាប់ការប្រកួតបាល់ទាត់ពានរង្វាន់ Metfone Cambodian League 2011ជុំទី២ នៅទីលានពហុកីឡដ្ឋានជាតិកាលពីរសៀលថ្ងៃពុធទី១០សីហា។
កីឡាករឃួនឡា បូរ៉ាវី ខ្សែប្រយុទ្ធដ៏ឆ្នើមរបស់ព្រះខ័នរាជ្យជាអ្នកធ្វើឱ្យក្រុមរបស់គេទទួលបានជ័យជម្នះយ៉ាងត្រចះត្រចង់លើក្រុមបៀលប្រាយយូណាយធីត ដោយការទាត់បាល់បញ្ចូលទីគូប្រកួតបាន១គ្រាប់នៅនាទីទី៨៩ ជិតបញ្ចប់ម៉ោងប្រកួតទៅហើយនោះ។ បៀលប្រាយយូណាយធីតធ្លាប់បានប្រកួតចាញ់ព្រះខ័នរាជ្យ២-0 រួចម្តងមកហើយ កាលពីនៅជុំទី១។ ដូច្នេះសម្រាប់ការប្រកួតក្នុងជុំទី២នេះទៀតបៀលប្រាយបានលេងសង្កត់ព្រះខ័នរាជ្យជាប់តាំងពីនៅតង់ទី១មកម៉្លេះ ម្យ៉ាងវិញទៀតឱ្យកាសនៃការស៊ុតបាល់បញ្ចូលទីក៏មានច្រើនណាស់ដែរ ប៉ុន្តែមិនទទួលបានលទ្ធផលល្អឡើយ។ ចូលដល់តង់ទី២ ឱកាសនៃការគ្រប់គ្រងបាល់របស់បៀលប្រាយយូណាយធីតក៏នៅតែមានច្រើនជាងព្រះខ័នរាជ្យដដែល ប៉ុន្តែទោះជាយ៉ាងណាក៏បៀលប្រាយមិនអាចទម្លុះសំណាញ់ព្រះខ័នរាជ្យបានទេ។
លោកមាស សំអឿន គ្រូបង្វឹករបស់បៀលប្រាយសារភាពថា ក្រុមរបស់លោកអន់ខ្សែប្រយុទ្ធទោះពួកគេមានឱកាសច្រើន ប៉ុន្តែបែរជាធ្វើមិនបានសម្រេចទៅវិញ ដូច្នេះការបរាជ័យលើកនេះវាពិតជាស័ក្តិសមណាស់។ ក្រុមបៀលប្រាយយូណាយធីតពេលនេះទើបតែរកបាន២២ ពិន្ទុប៉ុណ្ណោះ៕
ចែករំលែកព័តមាននេះ