តារាសម្តែងកូរ៉េខាងត្បូងនាងហែម ស៊ូវុន វ័យ៣៣ឆ្នាំ បានសម្រេចចិត្តពន្យាចូលរោងការរបស់នាងជាមួយកូនប្រុសមហាសេដ្ឋីជនជាតិចិន គឺលោកហ្ស៊ាង វៃ (Zhang Wei) ដោយសារនាងមានការមមាញឹកនឹងអាជីពសិល្បៈខ្លាំងពេក។ ទីភ្នាក់ងាររបស់នាងម្នាក់បាននិយាយថា នាងហែម ស៊ូវុន កំពុងតែថតរឿងភាគដើម្បីដាក់បញ្ចាំងក្នុងទូរទស្សន៍ CCTV
តារាសម្តែងកូរ៉េខាងត្បូងនាងហែម ស៊ូវុន វ័យ៣៣ឆ្នាំ បានសម្រេចចិត្តពន្យាចូលរោងការរបស់នាងជាមួយកូនប្រុសមហាសេដ្ឋីជនជាតិចិន គឺលោកហ្ស៊ាង វៃ (Zhang Wei) ដោយសារនាងមានការមមាញឹកនឹងអាជីពសិល្បៈខ្លាំងពេក។
ទីភ្នាក់ងាររបស់នាងម្នាក់បាននិយាយថា នាងហែម ស៊ូវុន កំពុងតែថតរឿងភាគដើម្បីដាក់បញ្ចាំងក្នុងទូរទស្សន៍ CCTV នៅក្នុងខែកញ្ញា ខាងមុខនេះ ដូច្នេះម្ចាស់ផលិតកម្មបានធ្វើការពិគ្រោះយោបល់ជាមួយនាងក្នុងការរៀបអាពាហ៍ពិពាហ៍ជាមួយកូនមហាសេដ្ឋីអចលទ្រព្យចិន ហើយការពិភាក្សានោះទាំងលោកហ្ស៊ាង វៃ និងហែម ស៊ូវុន បានយល់ព្រម។
នៅក្នុងកិច្ចសម្ភាសន៍តាមទូរស័ព្ទពីទីក្រុងប៉េកាំង នាងហែម ស៊ូវុន បាននិយាយថា ៖ ការពន្យាពេលនេះគឺគ្មានអ្វីក្រៅពីការងារសិល្បៈនោះទេ ។ នាងបានបន្តទៀតថា ខ្ញុំនឹងរៀបការនៅឆ្នាំក្រោយ បន្ទាប់ពីការថតរឿងភាគនេះបានចប់សព្វគ្រប់ ។ កាលពីឆ្នាំទៅនាងហែម ស៊ូវុន បានធ្វើឱ្យមានការចាប់អារម្មណ៍យ៉ាងខ្លាំងពីសំណាក់ជនជាតិកូរ៉េនៅពេលដែលបានឃើញនាងបណ្តើរគ្នាជាមួយលោកហ្ស៊ាង វៃ ក្នុងរថយន្តដ៏ប្រណីត ។
តារាភាពយន្តដែលទទួលបានការគាំទ្រយ៉ាងច្រើនពីទស្សនិកជនធ្លាប់បានលេចឮពាក្យចរចាមអារ៉ាមជាច្រើនថា នាងមានទំនាក់ទំនងជាមួយតារាចម្រៀងប្រជាប្រិយតៃវ៉ាន់ គឺក្រុម Comic Boys។ គួររំលឹកដែរថា នាងគឺជាការចម្រៀង និងជាតារាសម្តែងផងដែរ ។ រឿងដែលនាងសម្តែងល្បីជាងគេ គឺ “Sex is Zero” ដែលត្រូវបានគេចាត់ទុកថា ជាខ្សែភាពយន្តទី៥ ដែលរកប្រាក់ចំណូលបានច្រើនក្នុងប្រទេសកូរ៉េ៕
ចែករំលែកព័តមាននេះ