រាជធានីភ្នំពេញ ៖ តារាកំប្លែងនាយ ឆ្លាំង កំពុងធ្លាក់ខ្លួនឈឺធ្ងន់ ដោយសារតែលោកកំពុងញាំញីដោយសារជំងឺសួត និងទឹកនោមផ្អែម បន្ទាប់ពីតារាកំប្លែងរូបនេះបាត់មុខពីសិល្បៈមួយរយៈចុងក្រោយនៅក្នុងក្រុមកំប្លែងដែលដឹកនាំដោយតារាកំប្លែងជើងចាស់គឺនាយក្រឹម។ នាយ ឆ្លាំង…
រាជធានីភ្នំពេញ ៖ តារាកំប្លែងនាយ ឆ្លាំង កំពុងធ្លាក់ខ្លួនឈឺធ្ងន់ ដោយសារតែលោកកំពុងញាំញីដោយសារជំងឺសួត និងទឹកនោមផ្អែម បន្ទាប់ពីតារាកំប្លែងរូបនេះបាត់មុខពីសិល្បៈមួយរយៈចុងក្រោយនៅក្នុងក្រុមកំប្លែងដែលដឹកនាំដោយតារាកំប្លែងជើងចាស់គឺនាយក្រឹម។
នាយ ឆ្លាំង ត្រូវបានគេទម្លាយរូបភាពតាមបណ្តាញសង្គម ពេលលោកកំពុងដេកឈឺនៅលើកន្ទេល ជាមួយកាយសម្បទាស្គមស្គាំង និងស្លេកស្លាំងខ្លាំងស្ទើរមើលមិនស្គាល់ ដែលធ្វើឲ្យមហាជនមានការភ្ញាក់ផ្អើលយ៉ាងខ្លាំង ។
ផលិតករលោក ហ៊ុយ យ៉ាឡេង បានបង្ហោះរូបភាពនាយ ឆ្លាំង ដែលកំពុងដេកឈឺ ដោយភ្ជាប់ជាមួយសំណេរបង្ហោះលើបណ្តាញសង្គមថា បើសិនខ្ញុំជាអ្នកមាន😰បើសិនខ្ញុំជាគ្រូពេទ្យខ្ញុំអាចជួយមិត្តខ្ញុំបានច្រើនជាងនេះ🙏តែពេលនេះ ខ្ញុំបានត្រឹមស្រែកដង្ហោយហៅតាមហ្វេសប៊ុក🙏រកអ្នកជួយ😭នាយឆ្លាំងតារាកំប្លែងឈឺធ្ងន់មែនទែនហើយជំងឺសួតជំងឺទឹកនោមផ្អែម ថែមរលាកបំពង់កហូបបាយមិនបាន៤ថ្ងៃហើយ។
លោកបន្តថា 😭បងប្អូនដែលអាណិតស្រលាញ់គាត់ក៏ចូលរួមជួយតាមសទ្ធា នេះជាលេខភរិយាគាត់ 015551615 ជួយសៀផងបងប្អូន ក្រែងមានពេទ្យទេវតាជួយឲ្យគាត់បានជា🙏ពេលនេះ។
លោកបញ្ជាក់ថា នាយឆ្លាំងមិនបានសម្រាកនៅពេទ្យទេ គឺសម្រាកព្យាបាលនៅផ្ទះនៅ
ឧត្តុង🙏អ្នកសិល្បៈក៏ជាមនុស្សចេះឈឺដូចគ្នា បើបងប្អូនស្អប់អ្នកសិល្បៈ ឲ្យតែឈឺលើកដៃសំពៈសុំជំនួយបងប្អូន សុំមេត្តាអូសរំលងចុះ ។
លោក ហ៊ុយ យ៉ាឡេង បានបន្ថែមទៀតថា នាយ ឆ្លាំង គឺជាមិត្តភក្តិដែលធ្លាប់ហាត់រៀននៅសាលាសិល្បៈជាមួយគ្នា ហើយតារាកំប្លែងរូបនេះបានបម្រើសិល្បៈទាំងវិស័យភាពយន្ត និងកំប្លេងប្រហែលជិត២០ឆ្នាំហើយ ។
លោកបន្តថា ទើបតែពេលថ្មីៗនេះប៉ុណ្ណោះ ដែលលោកទើបតែទទួលដំណឹងពីនាយឆ្លាំង ធ្លាក់ខ្លួនឈឺធ្ងន់ ទើបរូបលោកខិតខំស្វះស្វែងរកជំនួយពីបណ្តាសប្បុរសជននានា ដើម្បីបានថវិកាខ្លះជួយសម្រាលការព្យាបាលទៅដល់ នាយ ឆ្លាំង ។
យ៉ាងណាបើតាមលោក ហ៊ុយ យ៉ាឡេង រូបលោកសុំស្នើដល់មហាជនកុំឲ្យមានការរិះគន់ថា អ្នកសិល្បៈពេលធ្លាក់ខ្លួនតែងលើដៃសុំជំនួយ ខណះពេលដែលបច្ចុប្បន្ននាយ ឆ្លាំង ពិតជាជួបការខ្វះខាតទាំងផ្នែកជីវភាព និងការចំណាយលើការព្យាបាលជំងឺ ។
ដោយឡែក ក្រោយទទួលដំណឹងពីការធ្លាក់ខ្លួនឈឺរបស់នាយ ឆ្លាំង នាពេលនេះ សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក៏បានឧបត្ថម្ភថវិកាចំនួន២០លានរៀល តាមរយៈប្រធានអង្គការមជ្ឍមណ្ឌលវប្បធម៍ខ្មែរកម្ពុជាក្រោម ជូនដល់ តារាកំប្លែងរូបនេះដែលកំពុងតែសម្រាកព្យាបាលនៅមន្ទីរពេទ្យ ។
គួរបញ្ជាក់ថា នាយ ឆ្លាំង ជាតារាកំប្លែងមួយរូបដែលទេពកោសល្យ នឹងតែងតែធ្វើឲ្យទស្សនិកជនផ្ទុះសំណើចចំពោះការសម្តែងរបស់លោក ហើយលោកជាកូនក្រុមកំប្លែងរបស់នាយ ក្រឹម ដែលតែងតែបង្ហាញវត្តមានសម្តែងនៅក្នុងកម្មវិធីតន្ត្រីស្រុកស្រែ និងសំណើចចុងសប្តាហ៍របស់ស្ថានីយទូរទស្សន៍បាយ័ន ។
ដោយសារញាំញីដោយសារជំងឺនាពេលនេះ បានធ្វើឲ្យតារាកំប្លែង នាយ ឆ្លាំង បានបាត់មុខពីការសម្តែងកំប្លែងនៅក្នុងរយះពេលប៉ុន្មានខែចុងក្រោយនេះ ។
ចែករំលែកព័តមាននេះ