ខេត្តសៀមរាប ៖ កាលពីរសៀលថ្ងៃទី១៩ ខែ កញ្ញា ឆ្នាំ២០២៥ លោក ប៊ូ ម៉េងទ្រី អភិបាលនៃគណៈអភិបាលស្រុកជីក្រែង…
ខេត្តសៀមរាប ៖ កាលពីរសៀលថ្ងៃទី១៩ ខែ កញ្ញា ឆ្នាំ២០២៥ លោក ប៊ូ ម៉េងទ្រី អភិបាលនៃគណៈអភិបាលស្រុកជីក្រែង រួមជាមួយមន្ត្រីរាជការ កងកម្លាំង និងប្រជាពលរដ្ឋ បានរីករាយស្វាគមន៍ការទទួលធ្វើដំណើរដោយថ្មើរជើងរបស់ កញ្ញា កុយ អេនណា ។
កញ្ញា និងក្រុមការងារ ក៏បានធ្វើដំណើរមកដល់ទីរួមស្រុកជីក្រែង និងសម្រាកនៅទីនោះផងដែរ ព្រមទាំងបានដើរឆ្លងកាត់ស្ពានកំពង់ក្តី ដែលជាស្ពានបុរាណដីរឹងមាំមានអាយុកាលជិត១០០០ឆ្នាំផងដែរ។
ទន្ទឹមគ្នានេះ មន្ត្រីរាជការ និងប្រជាពលរដ្ឋតាមដងផ្លូវ ក៏បានចូលរួមបរិច្ចាគថវិកាជូនដល់កញ្ញា ដើម្បីជួយដល់កុមារ ឬ ជនពិការនៅកម្ពុជាផងដែរ ។
សូមបញ្ជាក់ថា កញ្ញា កុយ អេនណា បានចេញដំណើរពីរាជធានីភ្នំពេញកាលពីថ្ងៃទី ៤ ខែកញ្ញា ឆ្នាំ២០២៥ ដោយថ្មើរជើងមកកាន់គោលដៅខេត្តសៀមរាប ក្រោមប្រធានបទ «ដើរដោយក្តីសង្ឃឹម ដើរដើម្បីទេសចរណ៍» ផ្សារភ្ជាប់ក្តីសង្ឃឹមដើម្បីកុមារ ឬជនពិការនៅកម្ពុជា និងផ្សព្វផ្សាយទេសចរណ៍ក្នុងប្រទេស ក្រោមម្លប់សន្តិភាព ៕
ចែករំលែកព័តមាននេះ