តារាចម្រៀងនាង ពេជ្រ សោភា បានបង្ហោះសំណេរយ៉ាងចាក់ដោត បន្ទាប់ពីបានឮសំដីរបស់អ្នកលក់អនឡាញដ៍ល្បីមួយរូបដែលលើកឡើងពីការមិនខ្វល់ពីការមិនប្រើរបស់មហាជនខ្មែរលើផលិតថៃ ខណៈពេលខ្លួននៅតែបន្តនាំចូលផលិតថៃមកលក់ជាធម្មតា ។ Love Riya អ្នកលក់អនឡាញដ៏ល្បីឈ្មោះមួយរូបបានលើកឡើងតាមរយៈវីដេអូរបស់ខ្លួនថា…
តារាចម្រៀងនាង ពេជ្រ សោភា បានបង្ហោះសំណេរយ៉ាងចាក់ដោត បន្ទាប់ពីបានឮសំដីរបស់អ្នកលក់អនឡាញដ៍ល្បីមួយរូបដែលលើកឡើងពីការមិនខ្វល់ពីការមិនប្រើរបស់មហាជនខ្មែរលើផលិតថៃ ខណៈពេលខ្លួននៅតែបន្តនាំចូលផលិតថៃមកលក់ជាធម្មតា ។
Love Riya អ្នកលក់អនឡាញដ៏ល្បីឈ្មោះមួយរូបបានលើកឡើងតាមរយៈវីដេអូរបស់ខ្លួនថា អ្វីដែលនាងអាចយកមកលក់បាន គឺនាងនឹងនៅតែយកមក ហើយបងប្អូនមានសិទ្ធទិញឬមិនទិញ ខ្ញុំគ្មានសិទ្ធិបុកហោប៉ៅទេ ហើយមិនបាច់អ្នកណាមកនិយាយឈប់ប្រើផលិតផលផ្ទះលេខ២អ្វីទេ នាងមិនខ្វល់ ។
ការលើកឡើងនេះបានធ្វើអោយមហាជន ក៏ដូចជាអ្នកសិល្បៈជាច្រើនសម្តែងការមិនពេញចិត្ត ដ្បិត បច្ចុប្បន្នប្រជាជនកម្ពុជាកំពុងនាំគ្នាពហិកាមិនប្រើប្រាស់របស់ថៃទៀតឡើយ ចាប់តាំងពីការឈ្លានពានពីប្រទសមួយនេះ ។ ជាក់ស្តែង តារាចម្រៀងនាង ពេជ្រ សោភា ក៏ហាក់សម្តែងការមិនសប្បាយចិត្ត និងមិនគាំទ្រនូវការលើកឡើងអ្នកនាង Love Riya នាពេលនេះផងដែរ ។
តារាចម្រៀងរូបនេះបានលើកឡើង តាមរយៈសំណេរយ៉ាងចាក់ដោតបង្ហោះលើបណ្តាញសង្គមថា
ប្រជាពលរដ្ឋខ្មែរទូទាំងប្រទេស ឈឺចាប់ណាស់អ្នកឯងមិនឈឺចាប់ ព្រោះអ្នកឯងមិនឃើញការឈឺចាប់របស់គ្រួសារ ។ នាងបញ្ជាក់ថា បងៗកងទ័ពជួរមុខទេ បាត់ឪពុក បាត់ប្តី បែកបាក់គ្រួសារ ពួកគាត់បូជាសាច់ស្រស់ ឈាមស្រស់ ដើម្បីការពាជាតិ (ឈុតខ្ញុំពាក់នេះគ្មានបារមីអីទេ ពាក់ថតគ្មានកូននាគអីទេ (ខ្ញុំកូនម៉ែខ្ញុំ) ។
យ៉ាងណា ក្រោយការលើកឡើងពី Love Rya ខាងលើនេះ មិនយូរប៉ុន្មានផងអ្នកលក់អនឡាញរូបនេះក៏ត្រូវបានសមត្ថកិច្ចធ្វើការឃាត់ខ្លួនភ្លាមៗផងដែរ ។ ការឃាត់ខ្លួននេះ បានធ្វើឡើងកាលពីវេលាម៉ោង០៩ និង៥០នាទីព្រឹកថ្ងៃទី១៤ ខែសីហា ឆ្នាំ២០២៥ នៅចំណុចខាងក្នុងបុរី ML ក្នុងសង្កាត់កំពង់សំណាញ់ ក្រុងតាខ្មៅ ខេត្តកណ្តាល ។
តាមប្រភពីនគរបាលជំនាញបានអោយដឹងថា ការឃាត់ខ្លួនអ្នកលក់ឡេរូបនេះ គឺបន្ទាប់ពីបាននិយាយនូវបញ្ហាមួយចំនួន ពាក់ព័ន្ធនឹងទំនិញថៃ នៅលើបណ្តាញសង្គម ដែលជាហេតុធ្វើឲ្យមហាជនជាច្រើនសម្តែងការមិនពេញចិត្តយ៉ាងខ្លាំង ក្នុងនាមជាខ្មែរ ខណៈពួកគាត់លើកឡើងថា ជាការមិនឲ្យតម្លៃដល់កងទ័ពខ្មែរ ដែលខំលះបង់ពលីជីវិត ការពារអាយុជីវិតប្រជាពលរដ្ឋ ពីសត្រូវឈ្លានពានសៀម ។
បច្ចុប្បន្ន កម្លាំងសមត្ថកិច្ចជំនាញនៃស្នងការដ្ឋាននគរបាលខេត្តកណ្ដាល កំពុងតែធ្វើការសាកសួរនាំ និងបន្តទៅត្រួតពិនិត្យទីតាំងឃ្លាំងរបស់ថៅកែលេដ៏ល្បីខាងលើ ៕
ចែករំលែកព័តមាននេះ