រាជធានីភ្នំពេញ ៖ តារាចម្រៀងលោក នាង ដាវីន បានប្រកាសជាសាធារណៈថា ខ្លួនសម្រេចឈប់ច្រៀងក្នុងកម្មវិធីណាដែលមានការឧបត្ថម្ភពីផលិតផលរបស់ថៃចំនួនពីរខណៈពេលដែលបច្ចុប្បន្នអ្នកសិល្បៈ និងមហាជនខ្មែរជាច្រើនកំពុងតែអំពាវនាវ និងពហិការមិនប្រើផលិតផលថៃ ក្រោយកម្ពុជារងការឈ្លានពានពីប្រទេសមួយនេះ …
រាជធានីភ្នំពេញ ៖ តារាចម្រៀងលោក នាង ដាវីន បានប្រកាសជាសាធារណៈថា ខ្លួនសម្រេចឈប់ច្រៀងក្នុងកម្មវិធីណាដែលមានការឧបត្ថម្ភពីផលិតផលរបស់ថៃចំនួនពីរខណៈពេលដែលបច្ចុប្បន្នអ្នកសិល្បៈ និងមហាជនខ្មែរជាច្រើនកំពុងតែអំពាវនាវ និងពហិការមិនប្រើផលិតផលថៃ ក្រោយកម្ពុជារងការឈ្លានពានពីប្រទេសមួយនេះ ។
តាមរយៈសំណេរដែលសរសេរបង្ហោះលើបណ្តាញសង្គមបេក្ខភាពប្រឡងចម្រៀងក្នុងកម្មវិធី Cambodia Idol លោក នាង ដាវីន បានអះអាងថា ខ្ញុំនឹងឈប់ច្រៀងក្នុងកម្មវិធីខារ៉ាប៉ាវ នឹង Ichitan ពីពេលនេះតទៅ បើសិនដាច់ចំណូលក៏ដាច់ចុះ តែខ្ញុំមិនឲ្យអ្នកណាមកប្រមាថជាតិសាសន៍ខ្ញុំទៀតបានឡើយ ។
លោកបន្តថា បើសិនខ្ញុំរកលុយក្នុងវិស័យនេះលែងបាន okey មិនអីទេ ខ្ញុំរកលុយក្នុងផ្លូវផ្សេង វិស័យផ្សេង អាហារ៣ពេលទេ តែខ្ញុំមិនលក់ទីផ្សារឲ្យចោរបន្តទៀតឡើយ ។លោកថា ការពិតបើខ្ញុំច្រៀងទៀតជេរខ្ញុំចុះ 😊 កូនប្រុសនិយាយហើយមិនលេបទេ ។
ជាការកត់សម្គាល់តារាចម្រៀងលោក នាង ដាវីន ក៏ដូជាអ្នកសិល្បៈជាច្រើនរូបទៀតបានចូលរួមយ៉ាងសកម្មនៅក្នុងការសប្បុរសធម៌ជួយដល់ជនភាសសឹក និងកងទ័ពជួរមុខ និងការផ្តល់ជាសម្លេងនៅក្នុងការអំពាវនាវស្វែងរកសន្តិភាពសម្រាប់កម្ពុជា ក្រោយការឈ្លានពានពីប្រទេសថៃ ។
កន្លងមក តារាចម្រៀងរូបនេះបានសហកាជាមួយអ្នកសិល្បៈរួមទ្រនំជាច្រើនរូបបានធ្វើជាមូលនិធិ ដើម្បីជួយដល់គ្រួសាររងគ្រោះដោយសង្គ្រាម និងកងទ័ពជួរមុខដែលកំពុងឈរជើងការពារទឹកដីយ៉ាងអង់អាចក្លាហានពីការឈ្លានពាន ។
បេសកកម្មរបស់លោក និងក្រុមការងារបានចាប់ផ្តើមតាំងពីថ្ងៃទី 23/07/25 ដល់ថ្ងៃទី 01/08/25 មុនផ្ទុះសង្គ្រាមមួយថ្ងៃ ដោយក្នុងនោះរួមមាន🙏💯🇰🇭កងទ័ពជួរមុខ (ខេត្តព្រះវិហារ3ទីតាំង)បងប្អូនភៀសសឹក (ខេត្តសៀមរាប៣ទីតាំង) កងទ័ពពលីដើម្បីជាតិ (ខេត្តសៀមរាប) និងចូលរួមចុះទៅទីតាំងដោយផ្ទាល់ដើម្បីផ្តល់ជំនួយ ។
តាមរយៈសកម្មភាពខាងលើនេះ លោក នាង ដាវីន បានបញ្ជាក់ថា បុណ្យកុសលដែលមានទាំងប៉ុន្មានរបស់ពុកម៉ែ បងប្អូនយើងជួយអោយជាតិសុខសាន្ត ហើយសម្រាប់លោកធ្លាប់បាននិយាយហើយចប់ការងារគឺលោកគ្រាន់តែជាអ្នកចម្រៀងធម្មតាម្នាក់ ជាប្រជាជនធម្មតាម្នាក់តែប៉ុណ្ណោះ មិនត្រូវការគុណសម្បត្តិអ្វីទាំងអស់ ព្រោះអ្វីដែលលោកបានធ្វើគឺក្នុងនាមជាខ្មែរ គឺធ្វើដើម្បីជាតិខ្មែរតែប៉ុណ្ណោះ អោយតែជាតិសុខសាន្ត លោកក៏សុខចិត្តគ្រប់គ្រាន់ហើយ ៕
ចែករំលែកព័តមាននេះ