ប្រជាជនកម្ពុជាទៅពេទ្យរហូតដល់ជាង១៨លានករណីប្រជាជនកម្ពុជាបាននាំគ្នាទៅពិនិត្យ និងព្យាបាលជំងឺរហូតដល់ចំនួនជាង១៨លានករណីក្នុងឆ្នាំ២០២៤ ដោយកើនឡើងជាង២០% បើប្រៀបធៀបនឹងឆ្នាំ២០២៣ ។ នេះបើតាមមន្ត្រីជាន់ខ្ពស់ក្រសួងសុខាភិបាល បាននិយាយប្រាប់កោះសន្តិភាព នៅថ្ងៃទី២៦ ខែមីនានេះ ។…
ប្រជាជនកម្ពុជាទៅពេទ្យរហូតដល់ជាង១៨លានករណីប្រជាជនកម្ពុជាបាននាំគ្នាទៅពិនិត្យ និងព្យាបាលជំងឺរហូតដល់ចំនួនជាង១៨លានករណីក្នុងឆ្នាំ២០២៤ ដោយកើនឡើងជាង២០% បើប្រៀបធៀបនឹងឆ្នាំ២០២៣ ។ នេះបើតាមមន្ត្រីជាន់ខ្ពស់ក្រសួងសុខាភិបាល បាននិយាយប្រាប់កោះសន្តិភាព នៅថ្ងៃទី២៦ ខែមីនានេះ ។
មន្ត្រីដែលសុំមិនបញ្ចេញឈ្មោះ បាននិយាយថា តាមរបាយការណ៍បានអោយដឹងថា ករណីសរុបនៃការប្រើប្រាស់សេវាពិនិត្យជំងឺក្រៅ បានកើនឡើងជាង២៣ភាគរយ ឬពីចំនួនជាង ១៥លានករណី នៅឆ្នាំ២០២៣ ដល់ជាង១៨,៦ លានករណីនៅឆ្នាំ២០២៤ ។
មន្ត្រីរូបនេះបានពន្យល់ថា ការកើនឡើងនេះ អាចបណ្តាលមកពីប្រជាជនកម្ពុជាកាន់តែមានជំនឿទំនុកចិត្តលើសេវាកម្មពិនិត្យ និងព្យាបាលសុខភាព នៅតាមបណ្តាមន្ទីរពេទ្យរដ្ឋ ។ វាក៏បានបង្ហាញពីការយកចិត្តទុកដាក់កាន់តែខ្លាំង ក្នុងចំណោមប្រជាជននៅក្នុងការស្វែងរកការថែទាំសុខភាពផងដែរ ។
តួលេខនេះ ក៏អាចពន្យល់ថា មនុស្សមានបញ្ហាសុខភាពកាន់តែច្រើន ដោយម្រូវអោយគ្រប់គ្នាយកចិត្តទុកដាក់ថែទាំសុខភាព តាមរយៈការហូបចុក អោយបានត្រឹមត្រូវ សម្រាកអោយបានគ្រប់គ្រាន់ ហាត់ប្រាណអោយទៀងទាត់ជាដើម ៕
ចែករំលែកព័តមាននេះ