តារាចម្រៀង នាង សុភ័ក្រ កុសុម៉ា បានទម្លាយនូវរឿងរ៉ាវអតីតកាលដែលធ្លាប់ត្រូវបានគេរិះគន់ និងមើលងាយលើរូបរាងកាយ រហូតប្រើពាក្យមកខ្លួន«មី.ក្របី » ថែមទៀតផង ។…
តារាចម្រៀង នាង សុភ័ក្រ កុសុម៉ា បានទម្លាយនូវរឿងរ៉ាវអតីតកាលដែលធ្លាប់ត្រូវបានគេរិះគន់ និងមើលងាយលើរូបរាងកាយ រហូតប្រើពាក្យមកខ្លួន«មី.ក្របី » ថែមទៀតផង ។
ការទម្លាយនូវរឿងរ៉ាវមួយនេះ ពីតារាស្រីរូបនេះបានធ្វើឡើង បន្ទាប់ពីនាងបានឃើញមហាជនមួយចំនួនបានប្រើពាក្យមិនល្អ មើលងាយទៅលើភរិយារបស់តារាចម្រៀងមួយរូប តាមបណ្តាញសង្គម ។
មហាជនមួយចំនួនតូចបានធ្វើការរិះគន់បែប Bully ទៅលើភរិយារបស់តារាចម្រៀងមួយរូបថា ជាតារាចម្រៀងល្បីដែរ តែមានភរិយាមិនស្អាត បន្ទាប់ពីតារាចម្រៀងរូបនោះបានបង្ហាញរូបភាពភរិយាទើបសម្រាលកូនរួច ។
តាមរយៈពាក្យសម្តីខាងលើនេះបានធ្វើអោយសុភ័ក្រ កុសុម៉ា ហាក់រង្គាស់ចិត្ត មិនសប្បាយចិត្ត ត្បិតនាងក៏ធ្លាប់ត្រូវបានគេរិះគន់ចំពោះរឿងដូចគ្នានេះ កាលពីកុមារភាពផងដែរ ។ សុភ័ក្រ កុសុម៉ា បានលើកឡើងតាមរយៈបណ្តាញសង្គមថា គេបង្កើតហ្វេសបុក ដើម្បីងាយស្រួលបង្កើតទំនាក់ទនងល្អជាមួយគ្នា និងគ្នា មិនមែនមានដៃចេះតែសរសេរដោយមិនបានឆ្លងការគិតនោះទេ ។
នាងបញ្ជាក់ថា ការសរសេររបស់អ្នកដឹងទេ វាធ្វើឲ្យប៉ះពាល់ដល់អារម្មណ៍គេ បើគេចិត្តធ្ងន់មានអី ចុះបើគេចិត្តទន់ គេមិនបាក់ទឹកចិត្ត ហឹមមមម ។ នាងថា ឈប់ទៅព្រោះថា ខ្ញុំឆ្លងកាត់អស់ហើយ តាំងពីខ្ញុំនៅក្មេង មីនេះខ្មៅម៉េះ អាក្រក់ម៉េះ មើលស្បែកខ្មៅឡើងគ្រើម មីក្របី មីខ្ទីង ខ្មៅឃើញតែធ្មេញ កាលបានលាបឡេសដូចគេ ខ្មៅចឹងទាល់តែដាំទឹកក្តៅកោស ខ្មៅចឹងត្រាំទឹកដោះគោមួយពាងក៏មិនសដែរ ស្គាល់ភាពឈឺចាប់អស់ហើយ រស់ជាមនុស្សដូចគ្នា គួរណាចេះលើកទឹកចិត្ត ចេះសរសើរពាក្យល្អៗ គឺបានបុណ្យណាស់ ។
ជាការកត់សម្គាល់សម្រាប់រឿងរ៉ាវខាងលើនេះ កន្លងមក សុភ័ក្រ កុសុម៉ា ក៏ធ្លាប់បង្ហាញការមិនសប្បាយចិត្តដូចគ្នា បន្ទាប់ពីនាងបានឃើញមហាជនមួយចំនួនបានចូលទៅធ្វើការខំមិនទៅរូបចំពោះពីអតីតកាលរបស់នាងត្រូវបានប្រើពាក្យពេបជ្រាយមកលើរូបរាងរបស់នាង ។
តារាចម្រៀង ក៏ដូចជា ពិធីការិនីវោហាស័ព្ទ សុភ័ក្រ កុសុម៉ា បានចែករំលែកសារមួយនៅលើគណនីផេកហ្វេសប៊ុកជាផ្លូវការដោយបានបង្ហាញអារម្មណ៍មិនពេញចិត្តនៅពេលតារាស្រីរូបនេះ បានឃើញមហាជនមួយចំនួន យករូបថតកាលពីអតីតកាលរបស់នាង ទៅ Comment លេងសើចទៅវិញ ។
បើតាម សុភ័ក្រ កុសុម៉ា មហាជនមួយចំនួនបានប្រើប្រាស់ពាក្យថា រូបថតមិនសូវស្អាតដូចជាស្បែកខ្មៅ អាវហោះ ឃើញតែធ្មេញ ក្រលៀនខ្មៅ ជង្គង់ជាំជាដើម មិនត្រឹមតែប៉ុណ្ណោះ ថែមទាំងប្រើពាក្យមិនគប្បីនៅលើរូបភាពរបស់នាងយកទៅ Comment ជាការកម្សាន្តអារម្មណ៍ ។
សុភ័ក្រ កុសុម៉ា បានលើកឡើងថា មួយរយៈនេះឃើញតែបងប្អូនមួយចំនួនច្រើនដែរ comment រូបខ្ញុំ ប្រើពាក្យមើលងាយខ្ញុំសឹងតែគ្រប់ៗគ្នា ប្រៀបខ្ញុំទៅជាសត្វ ស្បែកខ្មៅអាក្រក់ អាវហោះ ឃើញតែធ្មេញ ក្រលៀនខ្មៅ ជង្គង់ជាំ តើបងប្អូនមួយចំនួនគាត់ឃើញខ្ញុំចឹងមែន ឬក៏គាត់comment តាមគ្នា? ៕
ចែករំលែកព័តមាននេះ