កែវ សេងលីហួរ ប្រាប់ពីបទពិសោធន៍ចូលប្រឡងបវរកញ្ញា ក្រោយដេត ស្រីនាឌ បកស្រាយការមិនចូលប្រកួតវគ្គផ្តាច់ព្រ័ត្រ
- ភ្នំពេញ
រាជធានីភ្នំពេញ ៖ អតីតបេក្ខភាព Miss Earth និងMiss Grand Cambodia កែវ សេងលីហួរ…
រាជធានីភ្នំពេញ ៖ អតីតបេក្ខភាព Miss Earth និងMiss Grand Cambodia កែវ សេងលីហួរ បានចេញមុខនិយាយពីបទពិសោធន៍ខ្លះៗពាក់ព័ន្ធការចូលរួមបវរកញ្ញារបស់នាង កាលពីពេលកន្លងទៅ ។
ការចេញមុខនិយាយពិសោធន៍របស់ កែវ សេងលីហួរ នាពេលនេះបានធ្វើឡើងបន្ទាប់ពីនាងបានឃើញការបកស្រាយរបស់ ដេត ស្រីនាឌ ពីមូលហេតុនៅពីក្រោយដែលនាងបានអោយនាងសម្រេចធ្វើចិត្តមិនចូលរួមការប្រកួត Miss Planet នៅវគ្គផ្តាច់ព្រ័ត្រ ។
តាមរយៈការបកស្រាយរបស់ ដេត ស្រីនាឌ បានបញ្ជាក់ថា ការសម្រេចចិត្តមិនចូលរួមប្រកួតវគ្គផ្តាច់ព្រ័តនោះ គឺដោយសារនាងបានឃើញពីការមើលងាយពីអ្នករៀបចំដែលមិនអោយតម្លៃខ្មែរអំឡុងពេលថតឈុតតំណាងជាតិនៅប្រាសាទអង្គរវត្ត ។ យ៉ាងណា តាមរយៈការបកស្រាយយ៉ាងខ្លីនេះ មហាជនជាច្រើនក៏នៅមិនទាន់អស់ចិត្តនឹងមិនអាចទទួលយកបាននៅឡើយ ខណៈពេលដែលគេនៅតែចាត់ទុកថា បេក្ខភាពរូបនេះបំបាក់មុខកម្ពុជាសម្រាប់ការដកខ្លួននេះ ។
ដោយឡែក សម្រាប់ កែវ សេងលីហួរ ក៏បានចេញមុខនិយាយចំពោះរឿងរ៉ាវរបស់ ដេត ស្រីនាឌ ផងដែរ ក្នុងពេលដែលនាងចាត់ទុកថា ទង្វើរបស់ដេត ស្រីនាឌ គឺមិនត្រឹមត្រឹមក្នុងនាមរូបនាងក៏ធ្លាប់ជួបបញ្ហាដូចគ្នានះ តែមិនបោះបង់នៅក្នុងការចូលរួមប្រឡងបវរកញ្ញាជាបន្តបន្ទាប់ កាលពីពេលកន្លង ។ កែវ សេងលីហួរ បានបង្ហោះសារលើបណ្តាញសង្គមថា ជំរាបសួរពុកម៉ែបងប្អូនអ៊ុំពូមីងទាំងអស់គ្នា នាងខ្ញុំសុំចេញមតិយោបល់បន្តិចខ្ញុំបានស្ដាប់ការបកស្រាយរបស់គាត់ហើយ ។
នាងថា ខ្ញុំយល់ពីការមើលងាយពីការមិនឲ្យតម្លៃមិនថា ប្រទេសជិតខាងមិនថា ប្រទេសដទៃមិនថាប្រទេសគ្នាឯងដែលមិនឲ្យតម្លៃប្រទេសយើង ។ ខ្ញុំយល់ដោយសារតែខ្ញុំក៏ធ្លាប់ជួបបញ្ហានេះច្រើនៗរាប់មិនអស់មិនថា នៅលើឆាកអន្តរជាតិ ឬនៅក្នុងប្រទេសខ្ញុំធ្លាប់ជួបហើយ ។ ប៉ុន្តែយើងត្រូវគិតឡើងវិញថា អំឡុងពេលនេះយើងកំពុងតែប្រកួតស្រោចស្រង់មុខមាត់របស់ប្រទេសយើង ។ ដូច្នេះទោះជាមានបញ្ហាអ្វីក៏ដោយមិនថាធ្ងន់ ឬក៏ស្រាល ឬក៏យើងទទួលយកមិនបានខ្លាំង សូមប្រាប់ខ្លួនឯងថា ទ្រាំសិនព្រោះពេលនេះជាពេលប្រឡងសំខាន់កម្មវិធីរៀបចំឡើង នៅប្រទេសរបស់យើង យើងជាម្ចាស់ផ្ទះ ។ ពេលនោះហើយយើងត្រូវតែរឹងមាំយើងត្រូវតែបង្ហាញពីសមត្ថភាពរបស់យើង ព្រោះយើងជាម្ចាស់ផ្ទះនៅពេលដែលយើងធ្វើបានជោគជ័យអ្វីៗវានឹងល្អហើយរឿងដែលកើតឡើងមិនល្អសម្រាប់យើង គេមើលងាយប្រជាជនយើងគេមិនឲ្យតម្លៃយើងទុកមួយវាកន្លែងសិន ប្រមូលអារម្មណ៍ ដើម្បីប្រកួតយកភាពជោគជ័យមិនថា យើងទទួលបានលំដាប់រង់ ឬក៏លំដាប់ណាមួយក៏ដោយ ។
នាងបញ្ជាក់ថា ពេលដែលយើងជោគជ័យរឿងដែលយើងខំលាក់ទុក យើងអាចបកស្រាយនៅពេលក្រោយបានតើ សំខាន់ភាពជោគជ័យ នៅពេលនោះគេនឹងឃើញពីសមត្ថភាពរបស់យើង ។ សំខាន់ពេលនេះយើងត្រូវតែប្រកួតឲ្យចប់បង្ហាញពីសមត្ថភាពរបស់ម្ចាស់ផ្ទះអោយឱ្យពិភពលោកគេបានឃើញពីសមត្ថភាពរបស់យើងឲ្យគេដឹងថា ការមើលងាយរបស់ពួកគេទៅលើប្រទេសរបស់យើង គឺគិតខុសទាំងស្រុង ។ ការចេញមតិរបស់នាងខ្ញុំ គឺមានតែប៉ុណ្ណឹង ។
អ្នកទាំងអស់គ្នាក៏ធ្លាប់ដឹងហើយថា ខ្ញុំជាមនុស្សម្នាក់ ដែលមានការចូលរួមប្រកួតជាច្រើនចេញទៅឆាកអន្តរជាតិក៏ច្រើនដែរ ។ អញ្ចឹងខ្ញុំធ្លាប់ជួបបញ្ហាទាំងអស់ហ្នឹងជាច្រើន ។ ខ្ញុំដឹងថា នៅពេលដែលខ្ញុំនិយាយទៅ គឺមិនបានអ្វីមកវិញទេ ព្រោះរឿងបានចប់ហើយ ។ ប៉ុន្តែខ្ញុំចង់ប្រាប់ដល់ប្អូនៗជំនាន់ក្រោយ បើសិនជាពួកគាត់មានចិត្តមោះមុតក្លាហានចង់ចូលរួមប្រកួត ដើម្បីក្នុងកម្មវិធីតំណាងឲ្យប្រទេសកម្ពុជា សូមគាត់តាំងចិត្ត តាំងកាយ លះបង់ពេលវេលា និងបេះដូង ធ្វើឲ្យបានល្អ កុំឲ្យមានកំហុសខុសឆ្គងជាលើកទី១ ២ ៣ ឬទៅថ្ងៃអនាគត ។ ព្រោះប្រជាជនកម្ពុជាទាំងស្រឡាញ់ដាក់ចិត្តដាក់កាយលះបង់ទាំងថវិកា ដើម្បីឲ្យម្ចាស់ផ្ទះ ឬតំណាងប្រទេសកម្ពុជា ឆ្ពោះទៅរកភាពជោគជ័យដើម្បីមុខមាត់ប្រទេស ៕
ចែករំលែកព័តមាននេះ