កាល​ពី៨​ឆ្នាំ​មុន តារា​ចំរៀង​ចិន​នាង Anita Mui ស្លាប់​ដោយ​សារជំងឺ​មហារីក។ នាង​មាន​​អាយុ​​៤០​ឆ្នាំ។ ក្រោយ​ពីការ​បាត់​បង់ជីវិត​របស់​​នាង​មក ម្តាយ​របស់​នាង លោក​ស្រី​Tam Mei Kam បាន​ព្យាយាម​ទាម​ទារ​តាម​ផ្លូវ​ច្បាប់​ក្នុង​ការ​​គ្រប់​គ្រង​ទ្រព្យ​សម្បត្តិ​របស់​កូន​ស្រី​ទាំងអស់ ដែល​​មាន​​​តម្លៃ​សរុប​ប្រហែល ១៦លានដុល្លារ។ តែ​​ទោះ​​​ជា​យ៉ាង​ណា​​ក្តី​ការប្តឹង​ទាម​ទារ​របស់​គាត់​ត្រូវ​​តុលា​ការ​​ច្រាន​ចោល​កាល​ពី​ខែ​មុន។

ហេតុនោះដើម្បីរកប្រាក់ស៊ូក្តី ស្រ្តីវ័យ៨០ឆ្នាំរូប​នេះមានផែនការចេញលក់សៀវភៅមួយក្បាល​ដែលនិយាយពីជីវិតឯកជនរបស់កូនស្រីនាង Anita។
លោកយាយTam បានឲ្យដឹងថា ក្នុងចំណោម មិត្តប្រុសរបស់កូនស្រី អានីតា គឺ​នាងស្រឡាញ់​លីតាវ ​ហ៊ួរ​​ជាងគេ។ នាងពិតជាចង់រស់នៅក្បែរ​លីតាវ​​ហ៊ួរ។ មានថ្ងៃមួយ នាងបានមកជួបខ្ញុំហើយ​និយាយ​ថា  «ម៉ាក់ ខ្ញុំអស់ចិត្តហើយ លីតាវ​ហ៊ួរ​មាន​មិត្តស្រី​ហើយ»។ មិត្តស្រីដែលនាងនិយាយ​នោះ​​សំដៅ​​ទៅ​លើ​ភរិយាក្នុងពេលនេះរបស់លីតាវ​ហ៊ួរ។
ពេលនិយាយពីបញ្ហាទំនាស់របស់នាងអានីតា​ជាមួយតារាសម្តែងនាងSandra Ng រួមគ្នាជា មួយនាងក្នុងរឿង​Dance of a Dream លោក​យាយ​​បាននិយាយថា នាងបានយំក្រោយ​ពេល​មក​​ផ្ទះ ព្រោះសំបុត្រដែលនាងបានទទួលត្រូវ​គេ​ជ្រើសរើសសម្តែងជាតួមិត្តស្រីរបស់លោក​លីតាវ​ហ៊ួរក្នុងរឿងនោះ។
ក្រៅពីនេះ លោកយាយTam បានបង្ហាញឲ្យ​ដឹង​ជាច្រើនពីជីវិតស្នេហារបស់កូនស្រីគាត់ ។ ក្នុង​សៀវភៅដែលលោកយាយគ្រោង នឹង​ចេញលក់ និយាយ​ពី​ព្រឹត្តិការណ៍ដ៏សំខាន់ផ្សេងៗទៀត​របស់​នាងអានីតា។