សួនរុក្ខជាតិអង្គរទទួលបានពានរង្វាន់ពីស្ថាប័នអន្តរជាតិមួយ
- ភ្នំពេញ
ក្រសួងវប្បធម៌និងវិចិត្រសិល្បៈ នៅថ្ងៃទី១០ ខែកក្កដា ឆ្នាំ២០២៤ បានប្រកាសថា សួនរុក្ខជាតិអង្គរ ទទួលបានពាន Traveller’s Choice Awards…
ក្រសួងវប្បធម៌និងវិចិត្រសិល្បៈ នៅថ្ងៃទី១០ ខែកក្កដា ឆ្នាំ២០២៤ បានប្រកាសថា សួនរុក្ខជាតិអង្គរ ទទួលបានពាន Traveller’s Choice Awards Winner 2024 នាថ្ងៃនេះ ។
ក្រសួងបានប្រកាសថា ពានរង្វាន់នេះ ត្រូវបានផ្តល់ដោយ Tripadvisor ដែលជាក្រុមហ៊ុនប្រតិបត្តិករទេសចរណ៍អនឡាញរបស់អាមេរិកដ៏ល្បីល្បាញមួយនៅលើពិភពលោក ក្រោយពេលដែលអ្នកទេសចររាប់សិបលាននាក់ ។
អ្នកទេសចរបរទេសដែលបានចូលទៅបញ្ចេញយោបល់នៅលើគេហទំព័រនេះ បានឲ្យដឹងថា ទីនោះគឺជាសួនដ៏ស្រស់បំព្រងនៅច្រកចេញពីប្រាសាទអង្គរវត្ត ។ ទីនោះមានរុក្ខជាតិ និង សត្វបក្សាបក្សីជាច្រើន សូមកុំភ្លេចចូលលេងទីនោះ ។
សួនរុក្ខជាតិអង្គរគឺជាកន្លែងដ៏អស្ចារ្យ ដែលគួរឲ្យទាក់ទាញសម្រាប់អ្នកទេសចរគ្រប់ៗគ្នា ។ នេះគឺជាកន្លែងដ៏គួរឲ្យចាប់អារម្មណ៍នៅក្នុងទីក្រុងសៀមរាមនៅក្នុងដំណើរទេសចរណ៍របស់ខ្ញុំ ។
Tripadvisor បានអះអាងថា សួនរុក្ខជាតិអង្គ គឺជាតំបន់មួយដែលមានទំហំ១៥ហិកតា ទីនោះ កំពុងតែអភិរក្សនិងថែរក្សារុក្ខជាតិប្រមាណជា៥០០ប្រភេទ ជាពិសេស គឺពពួកដើមឈើនិងផ្កាកម្រៗនានា ។
ចែករំលែកព័តមាននេះ