សន្ទស្សន៍សន្តិភាពសាកលរបស់កម្ពុជា ត្រូវបានវិទ្យាស្ថានសេដ្ឋកិច្ច និងសន្តិភាព ដែលមានមូលដ្ឋាននៅទីក្រុងស៊ីដនី ប្រទេសអូស្ត្រាលី បានអះអាងថា ស្ថិតនៅក្នុងស្ថានភាពមធ្យមធៀបនឹងប្រជាជាតិនានានៅក្នុងតំបន់ ។ តាមរបាយការណ៍ដែលកោះសន្តិភាពទទួលបាន នៅថ្ងៃទី១៧…
សន្ទស្សន៍សន្តិភាពសាកលរបស់កម្ពុជា ត្រូវបានវិទ្យាស្ថានសេដ្ឋកិច្ច និងសន្តិភាព ដែលមានមូលដ្ឋាននៅទីក្រុងស៊ីដនី ប្រទេសអូស្ត្រាលី បានអះអាងថា ស្ថិតនៅក្នុងស្ថានភាពមធ្យមធៀបនឹងប្រជាជាតិនានានៅក្នុងតំបន់ ។
តាមរបាយការណ៍ដែលកោះសន្តិភាពទទួលបាន នៅថ្ងៃទី១៧ ខែមិថុនា ឆ្នាំ២០២៤ បានអះអាងថា នៅក្នុងចំណោមប្រទេស១៦៣ ដែលគេបានធ្វើការសិក្សា កម្ពុជាមានសន្ទស្សន៍សន្តិភាពនេះ នៅក្នុងលំដាប់ទី៧០ នៅពីក្រោមប្រទេសលីប៊ី និងលើតាហ្ស៊ីគីស្ថាន ។
ប្រភពដដែលបានបន្តថា បើធៀបនឹងប្រទេសអាស៊ានផ្សេងទៀត គឺកម្ពុជាប្រសើរជាងប្រទេសថៃ ដែលឈរនៅលំដាប់ទី៧៥ ប្រទេសហ្វីលីពីនឈរនៅលំដាប់ទី១០៤ ស្របពេលដែលមីយ៉ាន់ម៉ា គឺនៅលំដាប់ទី ១៤៨ ។
ប្រភពដដែលបានបន្តទៀតថា សន្ទស្សន៍សន្តិភាពសាកលរបស់កម្ពុជា គឺទាបជាងសិង្ហបុរី ម៉ាឡេស៊ី វៀតណាម ឥណ្ឌូនេស៊ី និងឡាវ ។
ប្រភពដដែលបញ្ជាក់ថា ប្រទេសសិង្ហបុរី ស្ថិតនៅក្នុងលំដាប់កំពូលថា ជាប្រជាជាតិដែលមានសន្ទស្សន៍សន្តិភាពប្រសើរជាងគេ ពោលគឺឈរនៅលើលំដាប់លេង៥ នៅក្រោមប្រទេសអ៊ីស្លង់ អៀឡង់ អូទ្រីស និង ណូវែលហ្សេឡង់ ។
ប្រទេសម៉ាឡេស៊ី ឈរនៅលើលំដាប់លេខ១០វៀតណាមវិញ ស្ថិតនៅក្នុងលំដាប់ទី៤១ ហើយ ឥណ្ឌូនេស៊ី និងឡាវក៏មិនអន់ដែរ គឺនៅលំដាប់ទី៤៨ និង៤៩ រៀងគ្នា លើកលែងតែប្រុយណេរដែលគេមិនបានសិក្សា ៕
ចែករំលែកព័តមាននេះ