រាជធានីភ្នំពេញ ៖ នគរបាលខណ្ឌទួលគោកបានសហការជាមួយ នាយកសាលាអនុវត្ត និងលោកចៅសង្កាតទឹកល្អក់៣ បានចុះប្រមូលសិស្សរៀនក្នុងសាលា ដែលជួបប្រមូលគ្នានៅតាមហាងកាហ្វេបានសរុប៥១នាក់(ស្រី០៧នាក់) ដែលសង្ស័យប្រើប្រាស(ជក់បារីអេឡិចត្រូនិច yooz) ។…
រាជធានីភ្នំពេញ ៖ នគរបាលខណ្ឌទួលគោកបានសហការជាមួយ នាយកសាលាអនុវត្ត និងលោកចៅសង្កាតទឹកល្អក់៣ បានចុះប្រមូលសិស្សរៀនក្នុងសាលា ដែលជួបប្រមូលគ្នានៅតាមហាងកាហ្វេបានសរុប៥១នាក់(ស្រី០៧នាក់) ដែលសង្ស័យប្រើប្រាស(ជក់បារីអេឡិចត្រូនិច yooz) ។
ការចុះប្រមូលសិស្សសាលានេះ បានធ្វើឡើង កាលពីវេលាម៉ោង១០និង២០នាទីព្រឹក ថ្ងៃទី១៥ ខែមិថុនា ឆ្នាំ២០២៤ នៅក្នុងមូលដ្ឋានសង្កាត់ទឹកល្អក់ទី៣ ក្បែរសាលាបឋមសិស្សាអនុរត្តន៍ ដោយអនុវត្តតាមកាណែនាំរបស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ។
បន្ទាប់ពីការសាកសួរសមត្ថកិច្ចបាន រកឃើញសិស្សចំនួន០៨នាក់ ស្រី០១នាក់ (អាយុក្រោម១៤ឆ្នាំ) ដែលមានឧបករណ៍ជក់បារីអេឡិចត្រូនិច ហើយកម្លាំងសមត្ថកិច្ចក៏បានធ្វើការដកហូតឧបករណ៍បារីអេឡិចត្រូនិចបានចំនួន០៩ដើម និងបានធ្វើកាអប់រំ ពីផលប៉ះពាល់ចំពោះការប្រើប្រាស់គ្រឿងញៀ.ន ក៏ដូចជា ការជក់បារីអេឡិចត្រូនិច ដោយបានឱ្យអាណាព្យាបាលសិស្សទាំងនោះចូលរួមស្តាប់ផងដែរ។
លោកវរសេនីយ៍ឯក ស៊ឹម ពិសិដ្ឋ អធិការនគរបាលខណ្ឌក៏បានណែនាំដល់សិស្សានុសិស្សពីផលប៉ះពាល់នៃគ្រឿងញៀ.ន និងបញ្ហាក្មេងទំនើ.ង សូមកូនក្មួយត្រូវឆ្លើយថាទេ ចំពោះគ្រឿងញៀ.ន ។
ក្រោយពីកម្លាំងសមត្ថកិច្ចធ្វើការអប់រំរួចអាណាព្យាបាលសិស្សទាំង៥១នាក់ បានធ្វើការថ្លែងអំណរអរគុណដល់សមត្ថកិច្ច និងអាជ្ញាធរព្រមទាំងលោកគ្រូអ្នកគ្រូដែលបានយកចិត្តទុកដាក់ដល់កូនៗរបស់ពួកគាត់ ៕
ចែករំលែកព័តមាននេះ