ឃើញគេវែកញែករឿងរូបរាង ឈិន ឡុង ច្រើនពេក, តួអង្គអាម៉ាប់ជាដៃគូសម្តែង ចេញមុខនិយាយការពារបែបនេះ
(ចិន)៖ តារាសម្ដែងជើងចាស់ លោក Sammo Hung ដែលមហាជនអ្នកនិយមរឿងហុងកុង ច្រើនស្គាល់ថាជា អាម៉ាប់ បានចេញមុខនិយាយចំៗឆ្លើយតបទៅនឹងពាក្យរិះគន់ និងវែកញែកបែបមិនសមហេតុផល…
(ចិន)៖ តារាសម្ដែងជើងចាស់ លោក Sammo Hung ដែលមហាជនអ្នកនិយមរឿងហុងកុង ច្រើនស្គាល់ថាជា អាម៉ាប់ បានចេញមុខនិយាយចំៗឆ្លើយតបទៅនឹងពាក្យរិះគន់ និងវែកញែកបែបមិនសមហេតុផល…
(ចិន)៖ តារាសម្ដែងជើងចាស់ លោក Sammo Hung ដែលមហាជនអ្នកនិយមរឿងហុងកុង ច្រើនស្គាល់ថាជា អាម៉ាប់ បានចេញមុខនិយាយចំៗឆ្លើយតបទៅនឹងពាក្យរិះគន់ និងវែកញែកបែបមិនសមហេតុផល ចំពោះរូបរាង លោក Jackie Chan (ឈិន ឡុង) គ្រាន់តែលោកផ្លាស់ប្តូររូបរាង មានសភាពចាស់ជរា។
រូបថតជាច្រើនសន្លឹករបស់ Jackie Chan ដែលបង្ហាញខ្លួនជាសាធារណៈក្នុងព្រឹត្តិការណ៍វប្បធម៌មួយនៅទីក្រុង Luzhou ខេត្ត Sichuan ប្រទេសចិន អ្វីដែលគេភ្ញាក់ផ្អើលនោះគឺ ឈិន ឡុង កាន់តែចាស់ សក់ស្កូវ និងមុខជ្រីវជ្រួញ។ ជាហេតុធ្វើឱ្យមានការពិភាក្សាវែកញែកយ៉ាងក្តៅគគុក។ មនុស្សជាច្រើនព្រួយបារម្ភពីសុខភាពរបស់តារាក្បាច់គុនដ៏ល្បីរូបនេះ ខណៈលោកឈានចូលវ័យ ៧០ ឆ្នាំ។
HK01 បានចុះផ្សាយថាលោក Sammo Hung វ័យ៧២ឆ្នាំ ក្នុងនាមជាមិត្តជិតស្និទ្ធជាមួយ Jackie Chan បាននិយាយការពារមិត្តរួមការងាររបស់គាត់ថា៖ «មនុស្សជាច្រើននិយាយថា Jackie Chan ចាស់ហើយ តើអ្នកណាទៅដែលមិនចាស់? មនុស្សគ្រប់គ្នានឹងចាស់។ Jackie Chan ក្នុងវ័យចំណាស់របស់គាត់មានសុខភាពល្អ និងសប្បាយរីករាយ។ ហេតុអ្វីត្រូវនិយាយបែបនេះ?»
បើតាមលោក ទស្សនិកជនមានសិទ្ធិបញ្ចេញមតិដោយសេរី ប៉ុន្តែគួរគោរពអ្នកដទៃ។ សម្រាប់រូបលោកផ្ទាល់ភាពចាស់គឺជាផ្នែកធម្មតានៃជីវិតមនុស្សយើងមិនគួររិះគន់មនុស្សចាស់ទេព្រោះពួកគេទន់ខ្សោយឬមិនមានភាពរហ័សរហួនដូចកាលនៅក្មេងនោះទេ។
យោងតាម HK01 រូបរាងរបស់ Jackie Chan មានសភាពចាស់ទ្រុឌទ្រោមខ្លាំង ដោយសារតែតារារូបនេះអាចនឹងតែងឱ្យសមទៅនឹងរឿងថ្មី ដែលមានចំណងជើង Strange Family ដោយនៅក្នុងខ្សែភាពយន្ត គាត់ដើរតួជាបុរសចំណាស់ម្នាក់ដែលមានជំងឺភ្លេចភ្លាំង និងជាមនុស្សចាស់ជរា៕ ប្រភព៖ chineseheadlinenews
ចែករំលែកព័តមាននេះ