(ចិន)៖ លោកតាអាយុ៧០ឆ្នាំម្នាក់នៅក្នុងប្រទេសចិន កំពុងទទួលបានការចាប់អារម្មណ៍ជាខ្លាំង ចំពោះកាយសម្បទា សុខភាពល្អនិងសមត្ថភាពហាត់ប្រាណ លេងកីឡា ឡើងភ្នំ ដែលជារឿងមួយគួរឱ្យកោតសរសើរ។

លោកតា Zou Heping មកពីទីក្រុង Chongqing ភាគនិរតីនៃប្រទេសចិន ប្រើប្រាស់ភ្នំ Gele ក្បែរនោះជាកន្លែងហាត់ប្រាណរបស់គាត់។ ភ្នំ Gele នេះគឺជាកន្លែងប្រមូលផ្តុំសម្រាប់អ្នកចូលចិត្តកីឡា និងអ្នកហាត់ប្រាណ បានបំពាក់ដោយឧបករណ៍ហាត់ប្រាណ នៅសួនកម្សាន្តក៏ដូចជាផ្លូវឡើងភ្នំផងដែរ។ ទម្លាប់នៃការហាត់ប្រាណប្រចាំថ្ងៃរបស់លោកតារួមមានការលើកដុំដែក ការឡើងបង្គោល ដែលជាការហាត់ខ្លាំងៗ ហើយលោកតាតែងតែឡើងភ្នំចុះភ្នំដោយត្រូវចំណាយពេលមួយម៉ោងដើម្បីឡើង និង ៥០នាទីដើម្បីចុះ។

សូម្បី​តែ​មនុស្ស​វ័យ​ក្មេង​ក៏​មិន​អាច​ផ្គូផ្គង​នឹងលោកតាបានដែរ លោកតាបានលើកឡើងថាមានអ្នកចង់សាកល្បងហាត់យកក្បាច់ទាំងនោះមកប្រជែងជាមួយអ្នកខ្លះបានព្យាយាម ប៉ុន្តែត្រូវបោះបង់ចោល។ ដំណើរហាត់ប្រាណរបស់លោកតា បានចាប់ផ្តើមនៅឆ្នាំ១៩៧៩នៅពេលដែលគាត់បានដឹងពីសារៈសំខាន់នៃការរត់ខណៈពេលកំពុងអានទស្សនាវដ្តី។

បន្ទាប់មកគាត់បានចាប់ផ្តើមរត់ឡើងភ្នំ ដែលជាទម្លាប់ដែលគាត់បានរក្សាអស់រយៈពេល៤៥ឆ្នាំមកហើយ។

នៅថ្ងៃដំបូង លោកតានឹងក្រោកពីដំណេកនៅម៉ោង ៥:៣០ ព្រឹកជារៀងរាល់ថ្ងៃ ហើយលើកទឹក៤០គីឡូក្រាម រត់មុនពេលទៅធ្វើការនៅម៉ោង ៨ព្រឹក។

ដោយ​លាតត្រដាង​អាថ៌កំបាំង​ក្នុង​ការ​រក្សា​រាង​ក្មេង​ឱ្យ​នៅ​ក្មេង លោក Zou បាន​និយាយ​ថា «ជីវិត​ស្ថិត​នៅ​ក្នុង​ការ​រត់ ហើយ​អ្វី​ដែល​សំខាន់​បំផុត​គឺ​ការ​ហាត់ប្រាណ រក្សា​កាយសម្បទា​របស់​អ្នក និង​អភិវឌ្ឍ​របៀប​រស់នៅ​ឱ្យ​បាន​ល្អ»។ ហើយគាត់​បាន​ឈប់​ផឹក​ស្រា​ឬជក់​បារី​អស់​រយៈពេល​បួន​ទសវត្សរ៍ ហើយ​តែងតែ​ចូល​គេង​ឲ្យ​បាន​លឿន៕ ប្រភព៖ SCMP