នៅល្ងាចថ្ងៃទី២៩ ខែកុម្ភៈ នៅលើ Weibo តារាសម្តែងចិនល្បីឈ្មោះ Angelababy បានបង្ហោះរូបថតក្នុងពិធីខួបកំណើតគម្រប់៣៥ឆ្នាំរបស់នាងជាមួយគ្រួសារ និងបង្ហាញមុខកូនប្រុសគួរឱ្យស្រលាញ់ដែលជាកូនរបស់នាងជាមួយនឹងអតីតស្វាមីតារាសម្តែងលោក Huang Xiaoming។ គួរកត់សម្គាល់នេះ​ជា​លើក​ទី​មួយ​ហើយ​ដែល​តារា​ស្រី​រូប​នេះ​បង្ហាញ​មុខ​កូន​ប្រុស​ជា​សាធារណៈ បន្ទាប់​ពី​ច្រើន​ឆ្នាំ​មក​នេះ។

កូនប្រុសទើបតែមានអាយុ៧ឆ្នាំប៉ុណ្ណោះ ហើយនាងនិងអតីតស្វាមីបានឆ្លាស់វេនគ្នាមើលថែកូនប្រុសរបស់ពួកគេ។

បើ​តាមសារព័ត៌មានចិន ​ស៊ីណា ក្រោយ​លែងលះ​បញ្ហា​ចិញ្ចឹម និង​មើល​ថែ​កូន​ប្រុស​ជា​អាទិភាព​ចម្បង​សម្រាប់​គូស្នេហ៍​តារា​សម្ដែង។ អ្នក​ទាំង​ពីរ​បាន​យល់​ព្រម​មិន​ឱ្យ​កូន​ដឹង​ថា​ឪពុក​ម្តាយ​បាន​លែងលះ​ដើម្បី​កុំ​ឱ្យ​ប៉ះ​ពាល់​ដល់អារម្មណ៍​ក្មេង​។

ក្រោយពេលលែងគ្នា Angelababy មិន​បាន​ណាត់​ជួប​អ្នក​ណា​ឡើយ។ ថ្មីៗនេះ តារាស្រីរូបនេះ ត្រូវបានជាប់ក្នុងរឿងអាស្រូវ បាត់មុខមួយរយៈធំ ដោយសារតែមើលShowសម្តែង របស់ Lisa នៅក្លិបរាំអាក្រាតកាយ។ នៅពេលនេះ  Angelabab កំពុងព្យាយាមត្រលប់មកវិញ អាចចូលរួមក្នុងកម្មវិធី Pretty Girl 2024 ដើម្បីព្យាយាមជួយសង្គ្រោះអាជីពសម្តែងរបស់នាង។

Angelababy ដើមឡើយជាតារាម៉ូដែល ប៉ុន្តែដោយសារកេរ្តិ៍ឈ្មោះ និងទំនាក់ទំនងក្នុងវិស័យនេះ នាងបានសម្តែងជាតួឯកក្នុងរឿងជាច្រើន។ យ៉ាងណាមិញ នាងសម្តែងមិនបានល្អទេ ដែលតែងតែរងការរិះគន់ពីមហាជន៕