ព្រះកាយច័ន្ទ លាលែងពីតំណែងពី Miss Grand Phnom Penh ដោយហេតុទាំងនេះ
- ភ្នំពេញ
រាជធានីភ្នំពេញ ៖ ការប្រកាសលាលែងរបស់កញ្ញា ព្រះកាយច័ន្ទ ពីតំណែងពី Miss Grand Phnom Penh ដោយហេតុថា…
រាជធានីភ្នំពេញ ៖ ការប្រកាសលាលែងរបស់កញ្ញា ព្រះកាយច័ន្ទ ពីតំណែងពី Miss Grand Phnom Penh ដោយហេតុថា…
រាជធានីភ្នំពេញ ៖ ការប្រកាសលាលែងរបស់កញ្ញា ព្រះកាយច័ន្ទ ពីតំណែងពី Miss Grand Phnom Penh ដោយហេតុថា កញ្ញាមិនទាន់មានពេលវេលាគ្រប់គ្រាន់ ព្រោះមានភារកិច្ចផ្ទាល់ខ្លួនត្រូវបំពេញចាំបាច់នោះត្រូវបានកញ្ញាព្រះកាយច័ន្ទ ចេញមុខមកបញ្ជាក់ច្បាស់ៗថា គឺជាការពិត ។
ម្សិលមិញនេះ ក្រោយការប្រកាសរបស់ផេក Miss Grand Phnom Penh កញ្ញា ព្រះកាយច័ន្ទ និងនាយកគ្រប់គ្រង Miss Grand Phnom Penh បានចេញបកស្រាយដោយផ្ទាល់តាមរយៈការlive តែម្តងព្រោះតែមហាជនហាក់ទទួលយកមិនបាននូវហេតុផលដែលបញ្ជាក់នៅក្នុងសេចក្តីប្រកាស ។
តាមរយៈការបញ្ជាក់របស់ព្រះកាយច័ន្ទ ក្រៅពីគ្មានពេលគ្រប់គ្រាន់ គឺគាត់មានបញ្ហាសុខភាព ។ ទោះបីជាហេតុផលទាំងនេះត្រូវបាននិយាយចេញពីមាត់របស់ព្រះកាយច័ន្ទច្បាស់ៗបែបនេះក្តី បណ្តាអ្នកគាំទ្រនៅតែមិនអស់ចិត្ត ដោយសំអាងថា ជាហេតុផលមិនសមរម្យ ហើយពួកគេពិតជាខកចិត្តណាស់ បើសិនជាលាឈប់ដោយសារតែហេតផលប៉ុននេះនោះ ។ ប៉ុន្តែអ្វីដែលកើតជារឿងក្តៅនោះ អ្នកគាំទ្រមួយចំនួនសង្ស័យថា អាចមានហេតុផលផ្សេងពីនេះហើយចោទថា មានអ្នកនៅពីក្រោយធ្វើព្រះកាយច័ន្ទ អាចរងសម្ពាធ ឬការធ្វើបាបពីនរណាម្នាក់ទៅវិញ ។
ដើម្បីកុំឱ្យមហាជនបន្តយល់ច្រលំ សូមបង្ហាញជូនហេតុផលមួយដែលយើងទទួលបានពីប្រភពផ្ទៃក្នុងនៃស្ថាប័ន Miss Grand ។ ប្រភពអះអាងថា ព្រះកាយច័ន្ទ លាឈប់ដំបូង គឺគាត់ប្រាប់ថា ដោយសារគាត់មានបញ្ហាជើង ។ ហើយភារកិច្ចផ្ទាល់ខ្លួនដែលកញ្ញាព្រះកាយច័ន្ទត្រូវបំពេញចាំបាច់ដែលធ្វើឱ្យកញ្ញាមិនទាន់មានពេលវេលាគ្រប់គ្រាន់ ក្នុងការបន្តការប្រលងនោះអាចជាការទទួលថតខ្សែភាពយន្ត និងថត MV ចម្រៀង ព្រោះមុនពេលការលាលែងបានកើតឡើង គឺខាងស្ថាប័ន Miss Grand ធ្លាប់ត្រូវបានព្រះកាយច័ន្ទស្នើសុំពេលទៅថតរឿង និង MV ប៉ុន្តែខាងស្ថាប័ន Miss Grand បញ្ជាក់ប្រាប់គាត់វិញថា បើចង់ថត គឺអាចថតបានតែថតបានតែថ្ងៃសៅអាទិត្យប៉ុណ្ណោះ ព្រោះបេក្ខនារីទាំងអស់ត្រូវតែហ្វឹកហ្វាត់ និងមិនអាចរំលងកម្មវិធីណាមួយបានទេ ។
ក្រោយមកក៏លឺកញ្ញាព្រះកាយច័ន្ទ ក៏សូមដកពាក្យ និងលាលែងតំណែងតែម្តង! យ៉ាងណាក៏ដោយនេះអាចគ្រាន់តែជាហេតុផលមួយក្នុងចំណោមហេតុផលជាច្រើនទៀត យ៉ាងណាគ្រប់គ្នាគួរគោរពតាមសេចក្តីសម្រេចចិត្តរបស់ កញ្ញាព្រះកាយច័ន្ទ ។ ប៉ុន្តែក៏ពុំគួររាលដាលទៅដល់បវកញ្ញាផ្សេងដែរ ។ ប៉ុន្តែរឿងមួយទៀត ដែលលោកអ្នកគួរដឹងដែរនោះ ក្រោយព្រះកាយច័ន្ទលាលែង តើនរណានឹងតំណាងឱ្យ Miss Grand Phnom Penh នោះខាងស្ថាប័ន Miss Grand Cambodia ក៏កំពុងឈឺក្បាលដូចគ្នា ព្រោះនាយកគ្រប់គ្រង Miss Grand Phnom Penh មិនទាន់បានចាត់អ្នកជំនួស ហើយក៏គ្មានផែនការរើសអ្នកជំនួសដែរ ។ ប៉ុន្តែត្រូវចាំមើលការវិវត្តន៍ស្ថានការណ៍បន្តទៀត តើនឹងទៅជាយ៉ាងណា0x017d7 អត្ថបទ៖អោម ចែតច័ន្ទណារ៉ា
ចែករំលែកព័តមាននេះ