មហាជន ជាពិសេសបណ្តាអ្នកលេងបណ្តាញសង្គម បានសម្តែងការភ្ញាក់ផ្អើលយ៉ាងខ្លាំង ក្នុងពេលដែលគេឃើញតារាចម្រៀង និងសម្តែងអ្នកនាង សូដា នីតា បានប្រកាសជាសាធារណៈ ដោយធ្វើការព្រមា.នចាត់វិធានការតាមផ្លូវច្បាប់ ចំពោះតារាសម្តែងនាង
រាជធានីភ្នំពេញ ៖ មហាជន ជាពិសេសបណ្តាអ្នកលេងបណ្តាញសង្គម បានសម្តែងការភ្ញាក់ផ្អើលយ៉ាងខ្លាំង ក្នុងពេលដែលគេឃើញតារាចម្រៀង និងសម្តែងអ្នកនាង សូដា នីតា បានប្រកាសជាសាធារណៈ ដោយធ្វើការព្រមា.នចាត់វិធានការតាមផ្លូវច្បាប់ ចំពោះតារាសម្តែងនាង ព្រីម មន្ថា ពាក់ព័ន្ធនឹងរឿងជំពាក់លុយមិនសង ។
ការចេញមកប្រកាសខាងលើពីតារាចម្រៀង និងសម្តែងអ្នកនាង សូដា នីតា នាពេលនេះ បានធ្វើឡើង បន្ទាប់ពីអ្នកនាងហាក់អស់ការអត់ធ្មត់ ក្រោយពីនាងបានព្យាយាមទាក់ទងអ្នកនាង ព្រីម មន្ថា មិនបាន ថែមទាំងប្លុកចោលនូវការទាក់ទងជាមួយនាងផងដែរ ។
តារាចម្រៀង និងសម្តែងអ្នកនាង សូដា នីតា បានបង្ហោះសារនៅលើបណ្តាញសង្គម ដោយភ្ជាប់រូបភាពរបស់អ្នកនាង ព្រីម មន្ថា ថា «បងប្អូនសមទេ! ជំពាក់លុយហើយ នៅធ្វើចឹងដាក់ទៀត?»។
អ្នកនាងបញ្ជាក់ថា «ព្រីម មន្ថា គឺជាតារាចម្រៀង និងសម្តែង លុយមិនសងរាប់ឆ្នាំ ហើយប្លុកខ្ញុំទៀត ល្អតាស ចាំជួបគ្នានៅតុលាការ មិត្ត៣០ឆ្នាំ សុំសង១ខែ100$ (ព្រមហើយ) លុយប៉ុណ្ណឹងសោះមិនស៊ូសង បែរជាប្លុកហ្វេសប៊ុកទៀត»។
ដោយឡែក បន្ទាប់ពីបញ្ចេញរឿងអ្នកនាង ព្រីម មន្ថា ពាក់ព័ន្ធរឿងរ៉ាវខាងលើនេះ អ្នកនាង សូដា នីតា ក៏បានលើកឡើងបញ្ជាក់ទៀតថា «នៅមានអ្នកសិល្បៈមួយចំនួនទៀត ក៏នៅជំពាក់លុយនាងមិនទាន់ដោះស្រាយដូចគ្នា»។
យ៉ាងណាម៉ិញ ជុំវិញបញ្ហាខាងលើនេះ គេនៅមិនទាន់ឃើញតារាសម្តែងអ្នកនាង ព្រីម មន្ថា ចេញមុខបកស្រាយណាមួយនៅឡើយទេ ក្នុងពេលដែលសំណេររបស់អ្នកនាង សូដា នីតា បានបង្ហោះនេះ ក៏ត្រូវបានគេចែកចាយពាសពេញបណ្តាញសង្គមទៅហើយ ។
ជាការកត់សម្គាល់ នេះមិនមែនជាលើកទី១នោះទេ ដែលអ្នកនាង សូដា នីតា បានបញ្ចេញឈ្មោះកូនបំណុលដែលជំពាក់លុយនាងមិនទាន់សងចំនួន៧នាក់ ដោយនៅក្នុងនោះគេក៏ឃើញមានឈ្មោះអ្នកនាង ព្រីម មន្ថា ផងដែរ ។ ដោយឡែក ពាក់ព័ន្ធរឿងអ្នកសិល្បៈជំពាក់លុយនេះដូចគ្នា កន្លងមកអ្នកនាង សូដា នីតា ក៏បានប្រកាសជាសាធារណៈមិនយកបំណុលជិត៥ម៉ឺនដុល្លារពីតារាសម្ដែងអ្នកនាង សឿ សុធារ៉ា ក្រោយពីឃើញអ្នកនាង សឿ សុធារ៉ា ជួបទុក្ខធំ ខណៈអ្នកម្ដាយជាទីស្រលាញ់ទទួលមរណភាព កាលពីអំឡុងឆ្នាំ២០២២ ៕
ចែករំលែកព័តមាននេះ