ពូឃ្លាំង យកទម្រង់ល្ខោនបាសាក់បញ្ចូលក្នុងបទចម្រៀងថ្មី លើកស្ទួយសិល្បៈបុរាណខ្មែរ
- ភ្នំពេញ
តារាចម្រៀងបែបរ៉េប ឌីជេ ឃ្លាំង នឹងយកទម្រង់ល្ខោនបាសាក់បញ្ចូលទៅក្នុងបទចម្រៀងថ្មីរបស់លោក ដែលមានចំណងជើងថា
តារាចម្រៀងបែបរ៉េប ឌីជេ ឃ្លាំង នឹងយកទម្រង់ល្ខោនបាសាក់បញ្ចូលទៅក្នុងបទចម្រៀងថ្មីរបស់លោក ដែលមានចំណងជើងថា
រាជធានីភ្នំពេញ ៖ តារាចម្រៀងបែបរ៉េប ឌីជេ ឃ្លាំង នឹងយកទម្រង់ល្ខោនបាសាក់បញ្ចូលទៅក្នុងបទចម្រៀងថ្មីរបស់លោក ដែលមានចំណងជើងថា «យក្ស» ក្នុងន័យចូលរួមថែរក្សា ផ្សព្វផ្សាយ និងលើកស្ទួយសិល្បៈបុរាណខ្មែរ ក្នុងពេលដែលសិល្បៈមួយនេះហាក់មានការថមថយការគាំទ្រក្នុងពេលបច្ចុប្បន្ននេះ ។
ក្នុងនាមជាអ្នកសិល្បៈចម្រៀងសម័យ ដែលមានឈ្មោះបោះសម្លេងម្នាក់ ពូឃ្លាំង ត្រូវបានគេមើលឃើញថា កន្លងមក បទចម្រៀងរបស់លោកតែងតែបញ្ចូលនូវទម្រង់សិល្បៈបុរាណផ្សេងៗ ដើម្បីរំលេចឡើងពីការបូកបញ្ចូលគ្នានៃសិល្បៈចម្រុះទាំងសម័យ និងបុរាណ ។ កត្តានេះ បានក្លាយជាការជួយជម្រុញលើកទឹកចិត្ត និងចូលរួមចំណែកផ្សព្វផ្សាយសិល្បៈបុរាណខ្មែរឲ្យកូនខ្មែរជំនាន់ក្រោយបានដឹង និងបានឃើញពីទម្រង់សិល្បៈបុរាណនានា ដែលដូចតាខ្មែរបន្សល់ទុក ។ ដូចជាពេលកន្លងទៅ ជាថ្មីម្តងទៀត ពូឃ្លាំង បានប្រកាសនឹងបញ្ចូលទម្រង់សិល្បៈល្ខោនបាសាក់ខ្មែរចូលនៅក្នុងបទចម្រៀងថ្មីរបស់លោក ដែលត្រៀមនឹងចេញផ្សាយនាពេលឆាប់ៗខាងមុខនេះ ។
ពូឃ្លាំង បានប្រកាសលើបណ្តាញសង្គមថា «ខ្មែរអើយ កុំរវល់តែបារម្ភ ខ្លាច បារម្ភរត់ទៅណា គួរនាំគ្នាគិតគូរ បំផុសគំនិត ការគាំទ្រ និងថែរក្សាដល់សិល្បៈដូនតាដែលបានបន្សល់ទុកឱ្យ កុំចាំរហូតដល់គេមានដែរ គេធ្វើល្អជាង គេថែរក្សាជាង គេ Promote ជាង ទៅខឹងចោទគេថាគេលួ.ច»។
តារារូបនេះបញ្ជាក់ថា «សម្រាប់ខ្ញុំ ពូឃ្លាំង នឹងយកសិល្បៈទម្រង់ល្ខោនបាសាក់ដាក់ចូលក្នុង MV របស់ខ្ញុំ «យក្ស»។ ទោះ MV ខ្ញុំគ្មានអ្នកមើលរាប់លាន View តែខ្ញុំសប្បាយចិត្តនឹងបានចូលរួមចំណែកលើកស្ទួយ និងថែរក្សាអ្វីដែលខ្មែរមាន»។
ជាការកត់សម្គាល់ ក្រោយពេល ពូឃ្លាំង បានប្រកាសដំណឹងខាងលើនេះ គេឃើញមានប្រិយមិត្ត អ្នកគាំទ្ររូបលោកជាច្រើនបានសម្តែងការគាំទ្រ និងលើកទឹកចិត្តចំពោះរូបលោក ជាពិសេសសិល្បករដែលកំពុងចាប់អាជីពល្ខោនបាសាក់បានសម្តែងការគាំទ្រ និងរីករាយ ខណៈពេលដែលពួកគេក៏ចង់ឃើញមានតារាផ្សេងៗចូលរួមផ្សព្វផ្សាយទម្រង់សិល្បៈបុរាណនេះដូចគ្នា។
ប្រធានក្រុមល្ខោនបាសាក់ អុល សំអាង វង់ទី១ រាជធានីភ្នំពេញ លោក អុល សំអាង ក៏បានចូលរួមសាទរ និងគាំទ្រចំពោះតារាចម្រៀង ពូឃ្លាំង ដែលបានសម្រេចយកទម្រង់ល្ខោនបាសាក់ឲ្យមកសម្តែងបញ្ចូលក្នុងបទចម្រៀងរបស់លោកនាពេលនេះ ។
កន្លងមក លោក អុល សំអាង តែងតែអំពាវនាវតាមបណ្តាញសង្គមហ្វេសប៊ុកថា «ទម្រង់ល្ខោនខ្មែរ ប្រពៃណីខ្មែរ កូនខ្មែរយើងប្រឹងប្រែង ស៊ែរផ្សព្វផ្សាយបន្តលើកស្ទួយសិល្បៈល្ខោនបាសាក់ខ្មែរ ល្ខោនបុរាណជាតិ កុំអោយបាត់បង់»។
លោក អុល សំអាង តែងតែអំពាវនាវតាមបណ្តាញសង្គមហ្វេសប៊ុកថា «ក្នុងនាមជាតួឯកល្ខោនបាសាក់ខ្មែរមួយរូប រូបលោកមិនថាកាលឆ្នាំចាស់ ឬផ្លាស់ចូលឆ្នាំថ្មីក៏ដោយ ឆន្ទៈ មនសិការរបស់លោកនូវតែក្រាញ់ននៀលប្រឹងប្រែងសម្តែងជូនមហាជនខ្មែរ ហើយតែងតែដង្ហើយហៅប្រកាសដល់មហាជនខ្មែរគ្រប់វ័យ ឬបណ្តាញសង្គមល្បីៗ ទូរទស្សន៍នានា ឱ្យមេត្តាបន្តជួយចុះផ្សព្វផ្សាយបន្ត បន្ថែម ដើម្បីលើកកម្កស់តម្កើងដល់តម្លៃកិត្តិយសទម្រង់សិល្បៈល្ខោនបាសាក់ខ្មែរ សិលធម៌ ប្រពៃណី វប្បធម៌ មរតក សាសនា ជាតិសាសន៍យើង ឱ្យកាន់តែថ្លៃថ្នូររុងរឿង»៕
ចែករំលែកព័តមាននេះ