តារាកំប្លែង៣ដួង ដែលមានប្រវត្តិជីវិ.តតស៊ូជាមួយសិល្បៈដូចគ្នា ដូច្នេះបងប្អូនមហាជនអាចនឹងស្គាល់ហើយ ដែលដូចជា ៖ ពូណុយ កាចុប និងស៊ូយ៉ា ឬហៅយ៉ាៗនោះ។ ប្រាកដណាស់ តារាកំប្លែងទាំង៣ដួងនេះ បងប្អូនមហាជនអាចនឹងស្គាល់ច្រើន
រាជធានីភ្នំពេញ ៖ តារាកំប្លែង៣ដួង ដែលមានប្រវត្តិជីវិ.តតស៊ូជាមួយសិល្បៈដូចគ្នា ដូច្នេះបងប្អូនមហាជនអាចនឹងស្គាល់ហើយ ដែលដូចជា ៖ ពូណុយ កាចុប និងស៊ូយ៉ា ឬហៅយ៉ាៗនោះ។ ប្រាកដណាស់ តារាកំប្លែងទាំង៣ដួងនេះ បងប្អូនមហាជនអាចនឹងស្គាល់ច្រើនតាមរយៈភាពល្បីល្បាញនៅក្នុងបណ្តាញសង្គម ប៉ុន្តែបងប្អូនអាចនឹងពុំទាន់បានដឹងទេថា ទម្រាំពួកគាត់មានភាពល្បីនេះ តើពួកគាត់ធ្លាប់ជួយរឿងអ្វី? ។
ហើយត្រូវរងការមាក់ងាយច្រើន ដូចជា ៖ កាចុប និងយ៉ាៗ ធ្លាប់រងការមាក់ងាយចំពោះរូបរាង មុខមាត់ ចំណែកពូកណុយ ក៏ធ្លាប់ជំពាក់បុលគេ និងចង់គិតខ្លីម្តងៗ តែសំណាងនឹកដល់រឿងមួយនេះវិញ ទើបលោកមានការប្តូរចិត្តគំនិត ហើយទទួលបានជោគជ័យមកដល់បច្ចុប្បន្ន។
ទី១- តារាកំប្លែង ពូណុយ បានប្រាប់ឱ្យដឹងថា កាលពីមិនទាន់ប្រឡូកក្នុងសិល្បៈនោះ លោកធ្លាប់ជាអ្នករត់ម៉ូតូឌុប និងធ្វើការអោយគេនៅកំពង់សោម។ ដោយកាលនោះ លោកលំបាកខ្លាំង សូម្បីតែលុយ៥០០០រៀល ក៏លោករកពុំបានផងក្នុងមួយថ្ងៃ ណាមួយជំពាក់បំណុលគេ លោកក៏មានបំណងចង់គិតខ្លីដែរ។ ហើយពេលនោះ លោកបានទិញថ្នាំបម្រុងនឹងសម្លា.ប់ខ្លួនហើយ ប៉ុន្តែលោកចេះនឹកគិតដល់ម្តាយ រហូតដល់លះបង់គំនិតមិនល្អមួយនេះចោលទៅ។
តាមការបន្តថរបស់ពូណុយ បានប្រាប់បន្តថា ពេលនោះលោកលំបាកខ្លាំង លោកមិនដឹងថា តើទៅធ្វើអ្វីទេកាលនោះ? លោកក៏ខ្ចីទូរស័ព្ទបងថ្លៃ មកថត Tik Tok ហើយចេះតែលេងទៅៗ បន្ទាប់មកក៏ទទួលបានភាពល្បីល្បាញ និងមានគេស្គាល់ច្រើន។ ពេលនោះ មានអ្នកខ្លះក៏និយាយថា «លោកឆ្កួ.តហើយ ដោយការជំពាក់គេ ទៅលេង Tik Tok បែបនេះ ឬបែបនោះ ដូចជាមនុស្សឆ្កួ.តជាដើម»។
តារាកំប្លែង ពូណុយ បន្តថា «លុះក្រោយមក លោកក៏មានទូរស័ព្ទហៅទៅថត រហូតដល់លោកមានគេស្គាល់ច្រើន និងទទួលបានឱកាសជាហូរហែ ក្នុងការដោះបំណុល និងទទួលបានភាពល្បីល្បាញត្រឹមមួយប៉ប្រិចភ្នែកប៉ុណ្ណោះ»។ នេះអាចនិយាយបានថា ដូចជាសុបិនអាក្រក់មួយចំពោះតារាកំប្លែងពូណុយ។
គួរបញ្ជាក់ដែរថា តារាកំប្លែងពូណុយ នាពេលបច្ចុប្បន្ននេះ មិនត្រឹមតែដោះបំណុលគេអស់នោះទេ លោកថែមទាំងជួយដល់ក្រុមគ្រួសារ កូនក្មួយរបស់លោកអោយបានរៀនសូត្រ និងការទំនុកបម្រុងផ្សេងៗទៀតផង ។
ទី២- តារាកំប្លែងកាចុប បងប្អូនក៏អាចនឹងស្គាល់កាចុបច្រើន ដោយស្រីស្រស់រូបនេះ ក៏ពើបប្រទះនូវជីវិ.តដែលលំបាកច្រើនដែរ ទម្រាំមានគេស្គាល់ច្រើននោះ។ ស្រីស្រស់កាចុប ធ្លាប់តូចចិត្តជាមួយនឹងរូបរាងរបស់ខ្លួនឯង តែមិនដែលបោះបង់ខ្លួនឯងនោះឡើយ ទោះបីជាធ្លាប់រងការមាក់ងាយចំពោះរូបរាងក្តី តែអ្នកកំប្លែងស្រីរូបនេះ តែងតែយកអ្នកដែលលំបាកជាងខ្លួនមកប្រៀបធៀប។
ហើយមានអ្នកខ្លះធ្លាប់ថា «គាត់ជាជនមានពិការភាពទៀតផង» ប៉ុន្តែគាត់មិនដែលបោះបង់ខ្លួនឯងឡើយ ចុះហេតុអ្វីបានជាខ្លួនត្រូវចុះចាញ់នោះ?។ ដូច្នេះពេលខ្លះ ត្រូវលើកទឹកចិត្តខ្លួន ប្រសើរជាងបំបាក់ទឹកចិត្តខ្លួនឯង។
ទី៣- តារាកំប្លែង ស៊ូយ៉ា ឬយ៉ាយ៉ា ដែលជាតារាកំប្លែងក្មេងជាងគេនៅក្នុងក្រុមពូណុយ ហើយតែងតែធ្វើអោយផ្ទៃរឿងផ្ទុះសំណើច តាមរយៈរូបរាង ពាក្យសម្តីរបស់ខ្លួននោះ។ តែផ្ទុយទៅវិញ តារាកំប្លែងស៊ូយ៉ា ក៏ចេះតូចចិត្តនឹងខ្លួនឯងដែរ ដោយពេលដែលគេបង្អាប់ តារាកំប្លែងរូបនេះ តែងតែបង្ហូរទឹកភ្នែក តូចចិត្តនឹងខ្លួនឯង រកពាក្យអ្វីមកថ្លែងពុំបានឡើយ។
តារាកំប្លែងនាយ ស៊ូយ៉ា ក៏ធ្លាប់បង្ហើបប្រាប់សារព័ត៌មានកោះសនិ្តភាពផងដែរថា «ខ្លួនកាលពីពុំទាន់ចូលសិល្បៈនោះ ខ្លួនជួបការលំបាកច្រើន រកព្រឹកខ្វះល្ងាចជាដើម ដូច្នេះហើយទើបជាបណ្តាលចិត្តតារាកំប្លែងស៊ូយ៉ា ដើរលើវិថីលិល្បៈទាំងវ័យក្មេងតាមឪពុកដែលគេស្គាល់ថា ជាតារាកំប្លែងនាយប្រហិតនោះ»។
គួរបញ្ជាក់ផងដែរថា តារាកំប្លែងទាំង៣ដួងខាងលើនេះ ធ្លាប់មានប្រវត្តិលំបាកដូចគ្នា ជួបភាពទីទល់ប្រហាក់ប្រហែលគ្នា តែចុងក្រោយបែរជាមកសម្តែងជាមួយគ្នា រហូតទទួលបានការគាំទ្រយ៉ាងខ្លាំង និងទទួលបានការងារជាហូរហែ ក៏ដូចជាបានដោះស្រាយនូវបញ្ហាទាំងឡាយដែលខ្លួនជួបប្រទះនោះផងដែរ។
អត្ថបទដោយ ៖ លីហួ គីមឆាយ
ចែករំលែកព័តមាននេះ