តារាសម្តែងនាង ហ៊ិន ច័ន្ទនីរ័ត្ន បានចូលរោងការនៅថ្ងៃនេះហើយ គឺថ្ងៃទី២១ និងថ្ងៃទី២២ ខែធ្នូ ឆ្នាំ២០២៣ ជាមួយអនាគតស្វាមី គឺលោក ឌី ពេជ្រ ដែលជាក្មួយប្រុសសម្ដេចតេជោ ហ៊ុន សែន បន្ទាប់ពីអ្នកទាំង២
រាជធានីភ្នំពេញ ៖ តារាសម្តែងនាង ហ៊ិន ច័ន្ទនីរ័ត្ន បានចូលរោងការនៅថ្ងៃនេះហើយ គឺថ្ងៃទី២១ និងថ្ងៃទី២២ ខែធ្នូ ឆ្នាំ២០២៣ ជាមួយអនាគតស្វាមី គឺលោក ឌី ពេជ្រ ដែលជាក្មួយប្រុសសម្ដេចតេជោ ហ៊ុន សែន បន្ទាប់ពីអ្នកទាំង២បានភ្ជាប់ពាក្យកាលពីចុងខែតុលាកន្លងទៅថ្មីៗនេះ ។
ពិធីជួបជុំពិសារអាហារពេលល្ងាចនៃពិធីមង្គលការរបស់ស្រីស្អាត ហ៊ិន ច័ន្ទនីរ័ត្ន នឹងរៀបចំនៅថ្ងៃទី២២ ខែធ្នូ ឆ្នាំ២០២៣ ខាងមុខនេះ នៅមជ្ឈមណ្ឌុលសន្និបាត និងពិព័ណកោះពេជ្រ ដែលភ្ញៀវភាគច្រើនជាអ្នកសិល្បៈ ចំណែកភ្ញៀវខាងស្វាមីរបស់នាងវិញ ភាគច្រើនជាអ្នកជំនួញ និងមន្ដ្រីរាជការ ។
មង្គលការរបស់តារាស្រី ហ៊ិន ច័ន្ទនីរ័ត្ន មានការតុបតែងយ៉ាងប្រណីត ហើយក៏មានការអញ្ជើញចូលរួមពីថ្នាក់ដឹកនាំ និងមន្ដ្រីធំៗជាច្រើនផងដែរ ព្រោះស្វាមីរបស់តារារូបនះ គឺជាកូនខ្សែអ្នកដឹកនាំ ហេតុដូចនេះហើយពិធីអាពាហ៍ពិពាហ៍មួយនេះ អាចនិយាយបានថា ជាមង្គលការដ៏ធំសម្រាប់តារានៅឆ្នាំ២០២៣នេះ ។
មុនពេលពិធីមង្គលការចូលមកដល់នោះ គេឃើញមានរូបភាព Pre- wedding របស់ស្រីស្អាត ហ៊ិន ច័ន្ទនីរ័ត្ន និងស្វាមី ត្រូវបានគេចែកចាយពេញបណ្តាញសង្គម ធ្វើឲ្យមហាជន មិត្តភក្តិទាំងក្នុង និងក្រៅសិល្បៈ ព្រមទាំងទស្សនិកជនអ្នកគាំទ្រជាច្រើននាក់សម្តែងការអបអរសាទរ និងជូនពររូបនាងជួបនូវសុភមង្គលក្នុងគ្រួសារ ។
យ៉ាងណាម៉ិញ ក្នុងពេលដែលស្រីស្អាត ហ៊ិន ច័ន្ទនីរ័ត្ន សម្រេចបញ្ចប់ភាពនៅលីវចូលរោងការមានស្វាមីនាពេលនេះ គេនៅមិនទាន់ដឹងនៅឡើយទេថា តើអាជីពសិល្បៈរបស់នាងនៅបន្តទៀតឬយ៉ាងណា? ក្នុងពេលដែលមានស្វាមីសំបូរទ្រព្យដែលអាចឲ្យនាងរស់នៅយ៉ាងមានក្តីសុខ និងសុភមង្គលហើយនោះ ។
ទោះបីជាបែបណា នៅក្នុងរយៈពេលប៉ុន្មានឆ្នាំចុងក្រោយនេះ ស្រីស្អាត ហ៊ិន ច័ន្ទនីរ័ត្ន ក៏ហាក់មិនបានប្រឡូកក្នុងអាជីពសម្តែងឲ្យបានជាប់លាប់ដូចមុនឡើយ ពោលគឺនាងត្រឹមតែធ្វើជាពិធីការិនីប្រចាំស្ថានីយទូរទស្ស៍បាយ័ន និងពិធីមង្គលការធំៗតែប៉ុណ្ណោះ ។
ស្រីស្អាត ហ៊ិន នីរ័ត្ន ក៏ទើបតែថតបញ្ចប់រឿងចុងក្រោយ គឺរឿង «កូនប្រុសក្រោមពន្លឺព្រះច័ន្ទពេញបរមី» ដែលជាភាពយន្តបែបប្រវត្តិសាស្ត្រ និយាយពីដំណើរជីវិតរបស់សម្តេចតេជោ ក្នុងការតស៊ូស្វែងរកសុខសន្តិភាពជូនប្រទេសជាតិ ។
ស្រីស្អាត ហ៊ិន ច័ន្ទនីរ័ត្ន បានភ្ជាប់ពាក្យជាមួយលោក ឌី ពេជ្រ កាលពីថ្ងៃទី២៧ ខែតុលា ឆ្នាំ២០២៣ ពោលគឺក្រោយក្លាយទៅជាគូរដណ្ដឹងនឹងគ្នាជិត២ខែ មុនពេលពួកគេដល់វេលាក្រាបផ្ទឹមតែនាពេលនេះ ក្រោមការផ្សំផ្គុំពីសម្តេចតេជោ ហ៊ុន សែន ។ ការរៀបការមង្គលការតាមគន្លងប្រពៃណីខ្មែរ និងក្លាយទៅជាប្ដីប្រពន្ធគ្នាស្របច្បាប់នេះ នឹងអាចធ្វើឲ្យចំណងស្នេហ៍របស់ស្រីស្អាត ហ៊ិន ច័ន្ទនីរ័ត្ន ជាមួយនឹងស្វាមីកាន់តែរឹងមាំ និងលែងមានការរង្គោះរង្គើរដូចពេលមុនទៀតហើយ ព្រោះកន្លងមក ចំណងស្នេហ៍របស់ពួកគេធ្លាប់ជួបភាពរង្គោះរង្គើលអស់រយៈពេលជាច្រើនឆ្នាំដែរ ទម្រាំបានជួបគ្នាវិញនាពេលនេះ ៕
ចែករំលែកព័តមាននេះ