មហាជន ជាពិសេសបណ្តាអ្នកលេងហ្វេសប៊ុកបានសម្តែងការភ្ញាក់ផ្អើលក្នុងពេលដែលស្ងាត់ៗ ស្រាប់តែអ្នកនាង គង់ សុជាតិ បានប្រកាសជាសាធារណៈរឿងអ្នកនាង យុគ ចិន្តា
រាជធានីភ្នំពេញ ៖ មហាជន ជាពិសេសបណ្តាអ្នកលេងហ្វេសប៊ុកបានសម្តែងការភ្ញាក់ផ្អើលក្នុងពេលដែលស្ងាត់ៗ ស្រាប់តែអ្នកនាង គង់ សុជាតិ បានប្រកាសជាសាធារណៈរឿងអ្នកនាង យុគ ចិន្តា ជិតចោលរោងការហើយ ខណៈពេលដែលអ្នកនាង គឺធ្វើជាកំដរ។
នៅលើគណនីហ្វេសប៊ុកពិធីការិនី អ្នកនាង គង់ សុជាតិ បានបង្ហោះសារដោយអមជាមួយនឹងរូបភាពជាមួយនឹងអ្នកនាង យុគ្គ ចិន្តា ថា «yeah congratulations my friend យុគ ចិន្តា ជិតការហើយ គង់ សុជាតិ ធ្វើជាអ្នកកំដរ»។
តាមរយៈសារដែលអ្នកនាង គង់ សុជាតិ បានបង្ហោះខាងលើនេះ ធ្វើមហាជន ជាពិសេសបណ្តាអ្នកគាំទ្របានចូលរួមសម្តែងការអបអរសាទរ ប្រសិនបើដំណឹងគឺជាការពិតមែននោះ ។
យ៉ាងណា បើទោះបីជាអ្នកនាង គង់ សុជាតិ បានប្រកាសដំណឹងល្អខាងលើនេះក៏ដោយ ប៉ុន្តែពិធីការិនីរូបនេះ នៅមិនទាន់អាចបញ្ជាក់ច្បាស់នៅឡើយទេថា អ្នកនាង យុគ្គ ចិន្តា នឹងចូលរោងការនៅពេលណាច្បាស់លាស់នៅឡើយទេ ដោយអ្នកនាងគ្រាន់បញ្ជាក់ខ្លីថា មង្គលការរបស់អ្នកនាង យុគ ចិន្តា អាចនឹងកើតមានមែន ។
ជាការកត់សម្គាល់ ដំណឹងចូលរោងការរបស់ពិធីការិនីចាស់វស្សាអ្នកនាង យុគ ចិន្តា នាពេលនេះ មិនមែនជាលើកទី១ទេ ពោលគឺកន្លងមកអ្នកនាង ក៏ធ្លាប់បង្ហើបពីគម្រោងចូលរោងការជាមួយបុរសវ័យចំណាស់ ដែលជាអ្នកជំនួញម្នាក់ កាលពីពេលកន្លងមកដែរ។
អ្នកនាង យុគ ចិន្តា ធ្លាប់បានអះអាងថា «អ្នកនាងគ្រោងនឹងចូលរោងការជាផ្លូវការនៅបំណាច់ឆ្នាំ២០២២ ប៉ុន្តែគម្រោងនេះ ត្រូវបានលុបចោលវិញ ដោយសារអំឡុងពេលនោះ កម្ពុជានៅបន្តពើបប្រទះនូវជំងឺឆ្លងកូវីដ១៩»។
អ្នកនាងបញ្ជាក់ថា «អ្នកមិនចង់រៀបមង្គលការ ទាំងការហៅភ្ញៀវចុះៗនោះឡើយ ពោលគឺអ្នកនាងចង់រៀបចំពិធីនេះអោយបានពេញដៃ ដោយអ្នកនាងនឹងអញ្ជើញមិត្តភត្តិទាំងក្នុង និងក្រៅសិល្បៈទាំងអស់អោយចូលរួមថ្ងៃមង្គលរបស់នាង»។ អ្នកនាង យុគ ចិន្តា ក៏បានបន្ថែមថា «អ្នកនាងនឹងសម្រេចរៀបការមានស្វាមីពេញមុខ ក្នុងពេលដែលកូនស្រីតែមួយរបស់អ្នកនាងចម្រើនវ័យគ្រប់អាយុ១៨ឆ្នាំ»។
គួរបញ្ជាក់ផងដែរថា អ្នកនាង យុគ ចិត្តា បានចូលប្រឡូកក្នុងអាជីពជាពិធីការិនីអស់រយៈពេលជាច្រើនឆ្នាំមកហើយ អ្នកនាងក៏មានឈ្មោះល្បីល្បាញផងដែរ នៅក្នុងអាជីពមួយនេះដែរ។ ការប្រឡូកក្នុងវិស័យសិល្បៈអស់ជាច្រើនឆ្នាំមកនេះ អ្នកនាង យុគ ចិន្តា មិនធ្លាប់មានដំណឹងរឿងរៀបការមានស្វាមីជាមួយបុរសណាម្នាក់ឡើយ រហូតមកទល់នាពេលនេះ ខណៈពេលដែលពិធីការិនី និងមិត្តភក្តិអ្នកសិល្បៈជំនាន់អ្នកនាង ម្នាក់ៗសុទ្ធតែមានគ្រួសារអស់ទៅហើយក្តី។
យ៉ាងណាម៉ិញ បើទោះបីជាមិនមានលេចលឺពីដំណឹងចូលរោងការក៏ដោយ ប៉ុន្តែនៅប៉ុន្មានឆ្នាំចុងក្រោយនេះ អ្នកនាងក៏ស្រាប់តែបង្ហាញមុខកូនស្រីយ៉ាងស្រស់ស្អាតម្នាក់យ៉ាងបើកចំហរ ដោយមិនលាក់លៀមទៀតឡើយ ក្នុងពេលដែលអ្នកនាងក៏កំពុងបណ្តុះបណ្តាលកូនស្រីតែមួយរបស់នាងអោយចេះរកស៊ីនៅក្នុងមុខជំនួញដែលអ្នកនាងមាននៅក្នុងដៃផងដែរ ។
ទោះបីជាយ៉ាងណា ប្រសិនបើដំណឹងចូលរោងការរបស់អ្នកនាង យុគ ចិន្តា នាពេលនេះក្លាយជាការពិតមែននោះ មហាជន ជាពិសេសបណ្តាអ្នកគាំទ្រពិតជាសប្បាយរីករាយ និងអបអរសាទរចំពោះរូបនាងដែលអាចស្វែងរកដៃគូរជីវិ.ត និងរៀបការពេញមុខ ព្រោះបច្ចុប្បន្ន អ្នកនាងក៏មានអាយុរៀងជ្រេទៅហើយដែរ៕
ចែករំលែកព័តមាននេះ