ADផ្ទាំងផ្សព្វផ្សាយពាណិជ្ជកម្ម

Picture

ឌួ​ង ហ្ស៊ូ​រី​ដា ទម្លាយ​រឿង​ហួសចិត្ត​មួយ​ចំនួន​ក្នុង​ដំណើរ​កម្សាន្ត​១១​ថ្ងៃ នៅ​លើ​ទឹកដី​អឺរ៉ុប

2 ខែ មុន
  • ភ្នំពេញ

តារា​សម្តែង និង​ពិធី​ការិនី​នាង ឌួ​ង ហ្ស៊ូ​រី​ដា បាន​ទម្លាយ​រឿង​ហួសចិត្ត និង​នឹក​ស្មាន​មិន​ដល់​ដែល​នាង​បាន​ជួប​ប្រទះ​ក្នុង​ដំណើរ​កម្សាន្ត​រយៈពេល​១១​ថ្ងៃ នៅ​លើ​ទឹកដី​បណ្តា​ប្រទេស​តំបន់​អឺរ៉ុប សម្រាប់​មហាជន​ទុកជា​បទ​ពិសោធន៍ និង​កុំ​ចេះ​តែ​មានការ​រិះគន់​តែម​កលើ​ប្រទេស​កម្ពុជា​ខ្លួនឯង

រាជធានី​ភ្នំពេញ ៖ តារា​សម្តែង និង​ពិធី​ការិនី​នាង ឌួ​ង ហ្ស៊ូ​រី​ដា បាន​ទម្លាយ​រឿង​ហួសចិត្ត និង​នឹក​ស្មាន​មិន​ដល់​ដែល​នាង​បាន​ជួប​ប្រទះ​ក្នុង​ដំណើរ​កម្សាន្ត​រយៈពេល​១១​ថ្ងៃ នៅ​លើ​ទឹកដី​បណ្តា​ប្រទេស​តំបន់​អឺរ៉ុប សម្រាប់​មហាជន​ទុកជា​បទ​ពិសោធន៍ និង​កុំ​ចេះ​តែ​មានការ​រិះគន់​តែម​កលើ​ប្រទេស​កម្ពុជា​ខ្លួនឯង ។

ទោះបីជា​ការ​ដើរ​កម្សាន្ត​នា​ពេល​នេះ នាង​ទទួល​បាន​ភាព​សប្បាយ​រីករាយ និង​កក់ក្តៅ​ក៏​ដោយ ប៉ុន្តែ​តារា​រូប​នេះ ក៏​បាន​ជួប​រឿង​ហួសចិត្ត និង​នឹក​ស្មាន​មិន​ដល់​មួយ​ចំនួន ដែល​នាង​ជួប និង​ប្រទះ​ឃើញ ខណៈ​ពេល​ដែល​រឿង​ទាំងនោះ មិន​សម​កើត​មាន​ឡើង​តាម​បណ្តា​ប្រទេស​ដែល​មាន​ភាព​ជឿនលឿន​ទាំង​អស់នោះ​ឡើយ ។

តាម​រយៈ​សំ​ណេ​រ​បង្ហោះ​នៅ​លើ​បណ្តាញ​សង្គម តារា​សម្តែង និង​ពិធី​ការិនី ឌួ​ង ហ្ស៊ូ​រី​ដា បាន​លើក​ឡើង​ថា «​បទ​ពិសោធន៍​១១​ថ្ងៃ លើ​ទឹកដី​អឺរ៉ុប ទើប​ធ្វើ​អោយ​យើង​ច្បាស់ និង​ភ្លឺភ្នែក​ថា គ្មាន​កន្លែង​ណា​ល្អ ស្រួល​រស់នៅ​ជាង​ប្រទេស​កម្ពុជា​របស់​ខ្លួន​ឡើយ​»​។

នាង​បញ្ជាក់​ថា «​ប្រទេស​គេ​ជឿនលឿន សម្ភារៈ​និយម ប៉ុន្តែ​សួរ​ថា មាន​សុវត្ថិភាព​អត់0x017d7 មិន​ប្រាកដ​ទេ នៅ​បារាំង និង​អ៊ី​តា​លី គឺ​សម្បូរ​ពួក​ស្បែក​ខ្មៅ​មក​បន្លំ​ខ្លួន និង​ឆ​.​ក់​យក​កាបូប ទូរស័ព្ទ​ពី​ភ្ញៀវ​ទេសចរ មិន​ខ្លាច​សូ​ម្បី Police ដើរ​នៅ​ហ្នឹង​មុខ​»​។

នាង​បន្ត​ថា «​ប្រទេស Hight Show លក់​ផលិតផល​ប្រ៊េ​ន​ៗ​លំដាប់​កប់ គឺ​បារាំង ប៉ុន្តែ​ពិបាក​រក​បន្ទប់ទឹក ស្ទើរតែ​គ្មាន ទោះ​តាម​ផ្សារ​ទំនើប​ក៏​ដោយ លុះត្រាតែ​ចូល​ហាង​កាហ្វេ​ធំ​ៗ ឬ​ហាង​បាយ ទើប​មាន ។ រីឯ​ប្រទេស​ផ្សេង​ពី​បារាំង បន្ទប់ទឹក​មាន​ច្រើន​នៅ​តាម​សាធារណៈ ប៉ុន្តែ​គិតលុយ​ម្តង 1£ »​។

តារា​សម្តែង និង​ពិធី​ការិនី ឌួ​ង ហ្ស៊ូ​រី​ដា បន្ថែម​ថា «​មិនមែន​មក​ពី​ដើរ​លេង ហើយ​បង្អាប់​ប្រទេស​គេ​ទេ​ណា ប៉ុន្តែ​គ្រាន់តែ​ចង់​ប្រាប់​ទៅ​កាន់​បងប្អូន​នៅ​ក្រៅប្រទេស​មួយ​ចំនួន ចេះ​តែ​ស្រែក​រិះគន់​កម្ពុជា អន់​ចេះ អាក្រក់​ចុះ សូម​ក្រ​ឡែក​មើល​ពី​ប្រទេស​ដែល​ខ្លួន​កំពុង​រស់នៅ​ផង ប្រទេស​ណា​ក៏​មិនល្អ​ជាង​ប្រទេស​ណា​ដែរ មាន​លក្ខណៈ​ល្អ និង​អាក្រក់​ដូច​គ្នា ដូច្នេះ​ហើយ​យើង​ត្រូវ​រៀន​ទទួលយក និង​កែ​សម្រួល ដើម្បី​អភិវឌ្ឍន៍​ប្រទេស​ដែល​យើង​រស់នៅ​រៀង​ៗ​ខ្លួន​ទៅ​» ។

តារា​សម្តែង និង​ពិធី​ការិនី ឌួ​ង ហ្ស៊ូ​រី​ដា បន្ថែម​ទៀត​ថា «​មួយទៀត ចង់​និយាយ​ថា ទាំង​៥​ប្រទេស (បារាំង​/​ប៊ែ​ល​ហ្សិ​ច​/​ឡុ​ច​សាំ​ប៊ួ​/​ស្វិ​ស​/​អ៊ី​តា​លី​) សុទ្ធតែ​ជា​ប្រទេស​អ្នកមាន សួរ​ថា តើ​មាន​អ្នក​សុំទាន​អត់? Yes មាន​ច្រើន ហើយ​សុទ្ធតែ​ស្អាត​ៗ មាន​កាយសម្បទា​គ្រប់គ្រាន់​អាច​ទៅ​ធ្វើការ​បាន តែ​អង្គុយ​យក​ឆ្កែ ឬ​ឆ្មា​មក​សុំទាន​»​។

គួរ​បញ្ជាក់​ថា តារា​សម្តែង និង​ពិធី​ការិនី ឌួ​ង ហ្ស៊ូ​រី​ដា និង​ប្អូន​របស់​នាង​២​នាក់​ផ្សេង​ទៀត បាន​នាំ​គ្នា​ចេញ​ទៅ​ដើរ​លេង​កម្សាន្ត​រយៈពេល​១១​ថ្ងៃ តាម​បណ្តា​ប្រទេស​នៅ​ប៉ែក​អឺរ៉ុប មាន​ដូច​ជា ៖ ប្រទេស​បារាំង​, ប៊ែ​ល​ហ្សិ​ច​, ឡុ​ច​សាំ​ប៊ួ​, ស្វិ​ស និង​អ៊ី​តា​លី ដើម្បី​បំពេញ​ក្តី​ស្រមៃ​ចង់​មក​ឃើញ Snow និង​ទេស​ភាព​នា​រដូវ​ធ្លាក់​ទឹកកក ព្រមទាំង​ស្លឹកឈើ​ជ្រុះ​ជាងគេ​ក្នុង​សហគមន៍​អឺរ៉ុប​៕

អត្ថបទសរសេរ ដោយ

កែសម្រួលដោយ