ADផ្ទាំងផ្សព្វផ្សាយពាណិជ្ជកម្ម

Picture

អ្នក​ទេសចរ២០៨​នាក់​​ហោះហើរ​ត្រង់​ពី​ប្រទេស​អូស្ត្រាលីចុះ​ចត​នៅ​ខេត្តសៀមរាប

3 ខែ មុន
  • ភ្នំពេញ

រាជធានី​ភ្នំពេញ​ ៖​ កម្ពុជា​ទទួល​អ្នក​ទេសចរណ៍​ចំនួន​២០៨​នាក់ ​ដែល​បាន​ហោះហើរ​ត្រង់​តាម​ផ្លូវអាកាស​ពី​ទីក្រុង​ស៊ី​ដ​នី​ ប្រទេស​អូស្ត្រាលី មក​មក​ចុះ​ចត​នៅ​អាកាសយានដ្ឋា​ន​អន្តរជាតិ សៀម រាប​អង្គ រ​(SAI)​ ។…

រាជធានី​ភ្នំពេញ​ ៖​ កម្ពុជា​ទទួល​អ្នក​ទេសចរណ៍​ចំនួន​២០៨​នាក់ ​ដែល​បាន​ហោះហើរ​ត្រង់​តាម​ផ្លូវអាកាស​ពី​ទីក្រុង​ស៊ី​ដ​នី​ ប្រទេស​អូស្ត្រាលី មក​មក​ចុះ​ចត​នៅ​អាកាសយានដ្ឋា​ន​អន្តរជាតិ សៀម រាប​អង្គ រ​(SAI)​ ។

យោង​តាម​បណ្តាញ​សង្គម​ហ្វេ​ស​ប៊ុ​ក​របស់​រដ្ឋលេខាធិការដ្ឋាន​អាកាសចរណ៍​ស៊ី​វិល​បាន​ឲ្យ​ដឹង​ថា​នៅ​ល្ងាច​ថ្ងៃ​ទី​២៤ ខែវិច្ឆិកា ឆ្នាំ​២០២៣ ឯកឧត្តម​បណ្ឌិត ម៉ៅ ហាវ​ណ្ណា​ល់ រដ្ឋមន្ត្រី​ទទួល​បន្ទុក​រដ្ឋ លេខាធិការដ្ឋាន​អាកាសចរណ៍​ស៊ី​វិល បាន​អញ្ជើញ​ជា​អធិបតី​ដ៏​ខ្ពង់ខ្ពស់ ក្នុង​ពិធី​ស្វាគមន៍​ទទួល​ជើងហោះហើរ​ដឹក​អ្នកដំណើរ​តាម​ផ្លូវអាកាស​ចំនួន​២០៨​នាក់ ហោះហើរ​ត្រង់​ចេញពី​ទីក្រុង​សី​ដ​នី​យ៍ ប្រទេស​អូស្ត្រាលី មក​ចុះ​ចត​នៅ​អាកា ស​យានដ្ឋាន​អន្តរជាតិ​សៀមរាប​អង្គរ​(SAI) វេលា​ម៉ោង ១៨:៤០​នាទី​ល្ងាច ដោយ​ប្រើប្រាស់​អាកាសយាន​ធុន​ធំ​(Wide-Body Aircraft) ប្រភេទ Boeing 777-200​។

ពិធី​ស្វាគមន៍​ជើងហោះហើរ​ដឹក​អ្នកដំណើរ​តាម​ផ្លូវអាកាស​នេះ មានការ​ចូលរួម​ពី​គណៈ ប្រតិភូ ដែល​ជា​ថ្នាក់ដឹកនាំ និង​ក្រុមការងារ​បច្ចេកទេស នៃ​រដ្ឋលេខាធិការដ្ឋាន​អាកាស​ចរណ៍​ស៊ី​វិល ថ្នាក់ ដឹកនាំ​ខេត្តសៀមរាប អាជ្ញាធរ​ពាក់ព័ន្ធ និង​ប្រតិបត្តិ​ករ​អាកាសយានដ្ឋាន​អន្ត រ​ជាតិ​សៀមរាប​អង្គរ ផង​ដែរ​។

ប្រភព​ដដែល​បាន​លើក​ឡើង​ថា​ ការ​រៀបចំ​ពិធី​ស្វាគមន៍​ជើងហោះហើរ​នេះ គឺ​បាន​បញ្ជាក់​ពី​លទ្ធ ភាព និង​សមត្ថភាព​គ្រប់គ្រាន់របស់​អាកាសយានដ្ឋាន​អន្តរជាតិសៀមរាប​អង្គរ ក្នុង​ការ​ទទួល​ជើងហោះហើរ​ត្រង់​ពី​តំបន់​ឆ្ងាយ​ៗ ដូច​ជា​ប្រទេស​អូស្ត្រាលី នា​ថ្ងៃនេះ និង​អាច​ទទួល​ការ​ចុះ​ចត​អាកាសយាន​ធុន​ធំ​បាន ម្យ៉ាងវិញទៀត​គឺ​បាន​បញ្ជាក់ ពី​ការ​ធានា​បាន​នូវ សន្តិសុខ​និង​សុវត្ថិភាព​អាកាសចរណ៍ ជូន​ដល់​ក្រុមហ៊ុន​អាកាសចរណ៍ និង​អ្នកដំណើរ​តាម​ផ្លូវអាកាស​។ មិន​ត្រឹមតែ​ប៉ុណ្ណោះ​ មានការ​រៀបចំ​ទទួល​តាមលក្ខណៈ​ប្រពៃណី​ជាតិ​និង​អន្តរជាតិ មានការ​បាញ់​ទឹក​អប អរសាទរ​ការ​មក​ដល់​របស់ អាកាសយាន មានការ​ជូន​បាច់ផ្កា និង​ក្រមា ទៅ​ដល់​អ្នកដំណើរ​តាម​ផ្លូវអាកាស​ទាំង២០៨នាក់​ផង​ដែរ​។

គួរ​បញ្ជាក់​ថា អាកាសយានដ្ឋាន​អន្តរជាតិ​សៀមរាប​អង្គរ​(SAI) ដ៏​ថ្មីស្រឡាង​នេះ ត្រូវ​បាន​សម្ពោធ​ដាក់​ឱ្យ​ប្រើប្រាស់​ជា​ផ្លូវការ ក្រោម​អធិបតីភាព​ដ៏​ខ្ពង់ខ្ពស់​បំផុត សម្តេច​មហា​បវរ​ធិ​បតី ហ៊ុន ម៉ា
​ណែ​ត នាយក​រដ្ឋមន្ត្រី នៃ​ព្រះរាជាណាចក្រ​កម្ពុជា កាលពី​ថ្ងៃ​ទី​១៦ ខែវិច្ឆិកា ឆ្នាំ​២០២៣ នា​ពេល​កន្លង​ទៅ​ ៕

អត្ថបទសរសេរ ដោយ